প্রধানমন্ত্রীগী লোইশঙ
পি.এম.না নবি মুম্বাইদা অতল বিহারী বাজপায় সেৱরী-নহাবা শেতু শঙ্গাখ্রে
লুপা করোর 17,840 চঙনা শাবা অতল সেতু অসিনা লৈবাক্কী খ্বাইদগী শাংবা অমসুং খ্বাইদগী শাংবা সী ব্রিজ ওইরগনি
Posted On:
12 JAN 2024 7:19PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি নবি মুম্বাইদা অতল বিহারী বাজপায় সেৱরী-নহাবা শেতু শঙ্গাখ্রে। শ্রী মোদীনা ফোতো গেল্লরী অমসুং অতল সেতুগী মোদেল য়েংখি।
MTHL অতল সেতু অসি লুপা করোর 17,840 হেন্না চঙদুনা শাবনি অমসুং মসি লেন-6 লৈদুনা সমুদ্রদা চাউরাকপা কিমি 16.5 অমসুং কংফালদা চাউরাকপা কিমি 5.5 লৈদুনা পুন্না কিমি 21.8 শাংই।
প্রধান মন্ত্রীনা Xতা অসুম্না পোস্ত তৌখিঃ
“ঐখোয়গী মীয়ামগী ‘পুন্সি মহিং হেন্না নুংঙাইহনবা’ হায়বগী মতৌবু হেন্না ফগৎহনবগী মশক থোকপা খোঙথাং অমা ওইরিবা অতল সেতু শঙ্গাবদা য়াম্না নুংঙাইবা ফাওই। থোং অসিনা চত্থোক-চৎশিন তৌবগী মতম হন্থহনবগা লোয়ননা কন্নেক্তিবিতী হেন্না ফগৎহনগনি অমসুং নোংমগী চত্থোক-চৎশিন তৌবগী থৌওং হেন্না নুংঙাইহনগনি”।
প্রধান মন্ত্রীবু মহারাস্ত্রগী রাজ্যপাল, শ্রী রমেশ বাইস, মুখ্য মন্ত্রী, শ্রী একনাথ শিন্দে অমসুং উপ-মুখ্য মন্ত্রী, শ্রী দেবেন্দ্র ফদনাবিস অমসুং শ্রী অজিৎ পাৱারনা তুং ইনখি।
অতল বিহারী সেৱারী – নহাবা সেবা সেতু
প্রধান মন্ত্রীগী মঙলান অসিদি অর্বান ত্রান্সপোর্ত ইনফ্রাস্ত্রকচর অমসুং কন্নেক্তিবিতী হেন্না ফগৎহন্দুনা মীয়ামগী ‘ইজ ওফ মোবিলিতী’ হেন্না ফগৎহনবা হায়বসিনি। মঙলান অসিগা মরী লৈননা, মুম্বাই ত্রান্সহার্বর লিঙ্ক (MTHL), হৌজিক্না ‘অতল বিহারী সেৱারী – নহাবা সেবা সেতু’ হায়না মিংথোল্লবা অসি শাবা হৌখিবনি। থোং অসিগী উরেপ উয়ুং অসিবুনা প্রধান মন্ত্রীনা দিসেম্বর, 2016দা তমখিবনি।
অতল সেতু অসি পুন্না লুপা করোর 17,840 চঙনা শাবনি। মসি লেন-6 লৈদুনা সমুদ্রদা চাউরাকপা কিমি 16.5 অমসুং কংফালদা চাউরাকপা কিমি 5.5 লৈদুনা পুন্না কিমি 21.8 শাংই। মসিনা ভারতকী খ্বাইদগী শাংবা থোং অমসুং সী ব্রিজ অমসু ওইরগনি। মসিনা মুম্বাই ইন্তর্নেস্নেল এয়রপোর্ত অমসুং নবি মুম্বাই ইন্তর্নেস্নেল এয়রপোর্ত অনিগী মরক্তা চৎপদা হেন্না য়াঙহল্লগনি অমসুং মুম্বাইদগী গোৱা অমসুং খা ভারত্তা চৎপদা চঙবা মতমসু য়াম্না হন্থহল্লগনি। মসিনা মুম্বাইগী হিথাংফম অমসুং জৱাহর্লাল নেহরু হিথাংফমগী মরক্তা কন্নেক্তিবিতী হেন্না ফগৎহল্লগনি।
***
(Release ID: 1995671)
Visitor Counter : 109
Read this release in:
Bengali
,
English
,
Gujarati
,
Urdu
,
Marathi
,
Hindi
,
Assamese
,
Punjabi
,
Odia
,
Tamil
,
Telugu
,
Kannada
,
Malayalam