పంచాయతీరాజ్ మంత్రిత్వ శాఖ
లింగ ఆధారిత హింసను పరిష్కరించడంలో పంచాయతీరాజ్ సంస్థల పాత్రపై ఒకరోజు జాతీయ వర్క్ షాప్ను న్యూఢిల్లీలో జనవరి 9న కేంద్ర గ్రామీణాభివృద్ధి మరియు పంచాయతీరాజ్ శాఖ మంత్రి శ్రీ గిరిరాజ్ సింగ్ ప్రారంభించారు.
ఎన్నికైన ప్రతినిధుల కోసం.. ‘లింగ-ఆధారిత హింస నుండి విముక్తి పొందిన పంచాయితీలు " హ్యాండ్ బుక్ ను కేంద్ర మంత్రి శ్రీ గిరిరాజ్ సింగ్ ఆవిష్కరించారు.
లింగ-ఆధారిత హింసను అంతం చేయడానికి మహిళల్లో హక్కులు, అర్హతలు, ఆర్థిక సాధికారతపై అవగాహన పెరగడం అవసరం– కేంద్ర మంత్రి గిరిరాజ్ సింగ్
జాతీయ వర్క్‌షాప్‌కు 25 రాష్ట్రాలు మరియు కేంద్రపాలిత ప్రాంతాల నుంచి 200 మందికి పైగా హాజరయ్యారు.
Posted On:
09 JAN 2024 6:32PM by PIB Hyderabad
లింగ-ఆధారిత హింస (జెండర్ బేస్డ్ వైలెన్స్)ని పరిష్కరించడంలో పంచాయతీరాజ్ సంస్థల పాత్రపై ఒకరోజు జాతీయ వర్క్‌షాప్‌ను ఈరోజు న్యూఢిల్లీలో కేంద్ర గ్రామీణాభివృద్ధి మరియు పంచాయతీరాజ్ మంత్రి శ్రీ గిరిరాజ్ సింగ్ ప్రారంభించారు. శ్రీ గిరిరాజ్ సింగ్ ఈ సందర్భంగా ఎన్నికైన ప్రతినిధుల కోసం "లింగ-ఆధారిత హింస నుండి విముక్తి పొందిన పంచాయితీలు’’ - ఒక హ్యాండ్‌బుక్ ను కూడా విడుదల చేశారు. యుఎన్‌ఎఫ్‌పిఎ (యునైటెడ్ నేషన్స్ పాపులేషన్ ఫండ్) ఇండియా సహకారంతో పంచాయతీరాజ్ మంత్రిత్వ శాఖ ఈ వర్క్‌షాప్‌ని నిర్వహించింది. కార్యదర్శి శ్రీ వివేక్ భరద్వాజ్, అదనపు కార్యదర్శి డా. చంద్ర శేఖర్ కుమార్, రెసిడెంట్ రిప్రజెంటేటివ్, యూఎన్ఎఫ్పీఏ శ్రీమతి. ఆండ్రియా ఎం. వోజ్నార్ మరియు భారత ప్రభుత్వం మరియు రాష్ట్ర ప్రభుత్వాలకు చెందిన ఇతర సీనియర్ అధికారులు కూడా ఈ కార్యక్రమంలో పాల్గొన్నారు.
శ్రీ గిరిరాజ్ సింగ్ మాట్లాడుతూ.. లింగ ఆధారిత హింసను తగ్గించే సంఘటిత ప్రయత్నాలలో కీలకమైన భాగాలుగా సామూహిక సంకల్పం, ఆర్థిక సాధికారత మరియు స్వీయ-విశ్వసనీయత కోసం పంచాయితీ రాజ్ సంస్థలు మరియు అన్ని కీలక వాటాదారులకు విస్తృత అవగాహన అవసరమన్నారు. లింగ-ఆధారిత హింస యొక్క విస్తృత సమస్యను పరిష్కరించడంలో సమగ్ర విధానం యొక్క తక్షణ అవసరాన్ని శ్రీ సింగ్ నొక్కిచెప్పారు. ప్రభుత్వ శాఖల భాగస్వామ్యంతో పాటు వివిధ ప్రభుత్వ పథకాలైన ఎన్‌ఆర్‌ఎల్‌ఎం, జెజెఎం, ఎస్‌బిఎం మొదలైన వాటిని ఏకీకృతం చేయాలని ఆయన పిలుపునిచ్చారు. దేశవ్యాప్తంగా మహిళల ఆర్థిక సాధికారతకు దోహదపడే కార్యక్రమాలను అమలును వేగవంతం చేయాలని కేంద్ర మంత్రి గిరిరాజ్ సింగ్ సూచించారు.
గ్రామీణ ప్రాంతాల్లో ఆర్థిక వృద్ధి, లింగ సమానత్వం మరియు మహిళా సాధికారత పెంపొందించడానికి ప్రభుత్వ నిబద్ధతను అమలు చేయడానికి పంచాయతీరాజ్ మంత్రిత్వ శాఖ చొరవను కేంద్ర మంత్రి ప్రశంసించారు. సామాజిక మార్పును ప్రోత్సహించడంలో మరియు లింగ ఆధారిత హింస వంటి సవాళ్లను పరిష్కరించడంలో పంచాయతీ రాజ్ సంస్థలు / గ్రామీణ స్థానిక సంస్థలు కీలక పాత్ర పోషిస్తాయని ఆయన నొక్కి చెప్పారు. కేంద్ర మంత్రి శ్రీ గిరిరాజ్ సింగ్ మహిళా సాధికారత దార్శనికతను సాకారం చేయడంలో కీలకమైన వాటాదారులందరూ చేతులు కలపాలని పిలుపునిచ్చారు.
కార్యదర్శి శ్రీ వివేక్ భరద్వాజ్ పంచాయితీ రాజ్ మంత్రిత్వ శాఖ చేపట్టిన ప్రభావవంతమైన కార్యక్రమాల గురించి వివరించారు. సుస్థిర అభివృద్ధి లక్ష్యాల స్థానికీకరణ, పంచాయతీ అభివృద్ధి ప్రణాళికలు, పంచాయితీ అభివృద్ధి సూచిక మరియు మహిళా సాధికారత, చేరిక మరియు మెరుగైన కల్పనకు సంబంధించిన ఇతర కార్యక్రమాలను ప్రస్తావించారు. కార్యదర్శి ప్రసంగంలో మాట్లాడుతూ.., గ్రామీణ ప్రాంతాల్లోని మహిళల సాధికారతకు దోహదపడుతూ, వారి సామాజిక మరియు సాధికారతను నిర్ధారిస్తూ, గ్రామీణ ప్రాంతాల్లోని మహిళల జీవితాల్లో సానుకూల మార్పును పెంపొందించడంలో కేంద్ర ప్రభుత్వ నిబద్ధతను ప్రదర్శిస్తూ, అనేక కీలక కార్యక్రమాల గురించి ఈ కార్యక్రమంలో అవగాహన కల్పించారు.
ప్రధాన్ మంత్రి జన్ ధన్ యోజన (పీఎంజేడీవై) వంటి ప్రభుత్వ పథకాలు ఎక్కువ మంది మహిళలను ఆర్థికంగా చేర్చడానికి మరియు సాధికారత సాధించడంలో సహాయపడతాయని శ్రీ వివేక్ భరద్వాజ్ పేర్కొన్నారు, ఎస్బీఎంజీ ప్రచారంలో గృహ మరుగుదొడ్లను అందించడం మరియు పీఎంఏవైజీ కింద ఇళ్ల యాజమాన్యం చేర్చడం, ఆర్థిక సాధికారత, మహిళల గౌరవాన్ని మరియు సౌలభ్యాన్ని పెంపొందించడానికి ఈ పథకాలను అమలు చేస్తున్నట్లు చెప్పారు.
స్త్రీల సాధికారత కేవలం సామాజిక ఆవశ్యకత మాత్రమే కాదని, కుటుంబాలు, సమాజాలు మరియు దేశాభివృద్ధికి సాధికారత కోసం ఒక ఉత్ప్రేరకం అని శ్రీ భరద్వాజ్ ఉద్ఘాటించారు. పటిష్టమైన, సంపన్నమైన సమాజాల నిర్మాణానికి, భవిష్యత్ తరాలకు మహిళా సాధికారత పునాది రాయి అని అన్నారు. మహిళలు సాధికారత పొందినప్పుడు, అది వ్యక్తిగత జీవితాలకు మించిన క్యాస్కేడింగ్ ప్రభావాన్ని కలిగి ఉంటుంది.
రెసిడెంట్ రిప్రజెంటేటివ్, యూఎన్ఎఫ్పీఏ శ్రీమతి. ఆండ్రియా ఎం. వోజ్నార్ మాట్లాడుతూ లింగ ఆధారిత హింసను ఎదుర్కోవడానికి చురుకైన చర్యలు తీసుకున్నందుకు పంచాయతీ రాజ్ మంత్రిత్వ శాఖకు కృతజ్ఞతలు తెలిపారు. ఈ క్లిష్టమైన సమస్యను పరిష్కరించడానికి మంత్రిత్వ శాఖ నిబద్ధతతో ఉన్నందుకు ఆమె ప్రశంసించారు. అంతేకాకుండా సురక్షితమైన మరియు మరింత సమ్మిళిత సమాజాన్ని సృష్టించడంలో సహకార ప్రయత్నాల యొక్క ప్రాముఖ్యతను గుర్తించారు.
డా. చంద్ర శేఖర్ కుమార్, పంచాయతీరాజ్ మంత్రిత్వ శాఖ అదనపు కార్యదర్శి శ్రీ వికాస్ ఆనంద్, పంచాయతీరాజ్ మంత్రిత్వ శాఖ సంయుక్త కార్యదర్శి శ్రీమతి. ప్రారంభ సెషన్‌లో గ్రామీణాభివృద్ధి మంత్రిత్వ శాఖ సంయుక్త కార్యదర్శి స్మృతి శరణ్ మరియు పంచాయతీరాజ్ మంత్రిత్వ శాఖ డైరెక్టర్ శ్రీ విపుల్ ఉజ్వల్ కూడా ప్రసంగించారు. పంచాయితీ రాజ్, ఎస్‌ఐఆర్‌డి & పిఆర్‌ల రాష్ట్ర మరియు యుటి శాఖల సీనియర్ అధికారులు, పంచాయతీ రాజ్ సంస్థల ఎన్నికైన మహిళా ప్రతినిధులు, కార్యకర్తలు మరియు ఇతర వాటాదారులు ఈ రోజు వర్క్‌షాప్‌లో పాల్గొని చర్చలకు సహకరించారు.
ప్రారంభ సెషన్‌లో హైలైట్ చేయబడిన ఫోకస్ ఏరియాలు (i) లింగ ఆధారిత హింసకు సంబంధించిన సమస్యలను పరిష్కరించడంలో PRIల సామర్థ్యాన్ని పెంపొందించడంలో యూఎన్ఎఫ్ పీఏ పాత్ర, (ii) గ్రాస్‌రూట్ స్థాయిలో జీబీవీని పరిష్కరించడానికి సంస్థాగత ప్రయత్నాలను బలోపేతం చేయడం, (iii) కమ్యూనిటీ ఆధారిత సంస్థల పాత్ర (సీబీఓలు) / స్వయం సహాయక బృందాలు (సెల్ఫ్ హెల్ప్ గ్రూప్లు) జీబీవీ మరియు (iv) లింగ-ఆధారిత హింస (GBV) నిరోధించడానికి కమ్యూనిటీ ఆధారిత కార్యక్రమాలను ప్రోత్సహించడం.
సానుకూల మార్పును పెంపొందించడంలో పంచాయతీరాజ్ మంత్రిత్వశాఖ యొక్క నిబద్ధత ఆలోచనలను రేకెత్తించే సమూహ చర్చలు, ఆకర్షణీయమైన ప్రదర్శనలు మరియు లింగ-ఆధారిత హింస యొక్క బహుముఖ కోణాలను అన్వేషించే ఇంటరాక్టివ్ సెషన్‌ల ద్వారా ఉదహరించబడింది. మార్పు కోసం ఉత్ప్రేరకాలుగా పంచాయితీ రాజ్ సంస్థలను శక్తివంతం చేయడానికి ఉత్తమ అభ్యాసాలను పంచుకోవడానికి, సవాళ్లను చర్చించడానికి మరియు కార్యాచరణ వ్యూహాలను రూపొందించడానికి వర్క్‌షాప్ ఒక వేదికగా పనిచేసింది.
గ్రామీణాభివృద్ధి మంత్రిత్వ శాఖ, మహిళా మరియు శిశు అభివృద్ధి మంత్రిత్వ శాఖ, హోం వ్యవహారాల మంత్రిత్వ శాఖ, నేషనల్ క్రైమ్ రికార్డ్స్ బ్యూరో (ఎన్సీఆర్బీ) సీనియర్ అధికారులు మరియు ప్రదాన్ (ప్రొఫెషనల్ అసిస్టెన్స్ ఫర్ డెవలప్‌మెంట్ యాక్షన్), ట్రిఫ్ (ట్రాన్స్‌ఫార్మింగ్ రూరల్ ఇండియా ఫౌండేషన్) మరియు ఇతర వాటాదారుల ప్రతినిధులు వర్క్‌షాప్‌లో పాల్గొన్నారు.
లింగ-ఆధారిత హింసను పరిష్కరించడంలో పంచాయతీ రాజ్ సంస్థలు/కమ్యూనిటీ ఆధారిత సంస్థల పాత్ర, అట్టడుగు స్థాయిలో పౌరసమాజ సంస్థలను భాగస్వామ్యం చేయడం ద్వారా లింగ-ఆధారిత హింసను పరిష్కరించడం, మహిళలు మరియు బాలికలకు సంబంధించిన సమస్యలను పరిష్కరించడంలో పంచాయతీరాజ్ సంస్థల పాత్ర వంటి కీలక అంశాలు గ్రాస్‌రూట్‌లో ట్రాఫికింగ్, తగ్గించడంలో పంచాయతీలకు ఎన్నికైన ప్రతినిధుల పాత్ర మరియు గ్రాస్‌రూట్స్‌లో లింగ ఆధారిత హింసకు సంబంధించిన సమస్యలను పరిష్కరించడం గురించి రోజు వర్క్‌షాప్‌లో చర్చించారు. సమూహ చర్చలు యూఎన్ఎఫ్పీఏ, పంచాయతీ రాజ్ సంస్థలు, ప్రభుత్వ సంస్థలు, ఎన్జీవోలు/సీబీవోలు, ఫీల్డ్ ఎక్స్‌పర్ట్‌లు మొదలైన వారితో సహా విభిన్న వాటాదారులను ఒకచోట చేర్చాయి.
లింగ ఆధారిత హింసకి సంబంధించిన సమస్యలను తగ్గించడం మరియు పరిష్కరించడంలో పంచాయతీరాజ్ సంస్థల యొక్క ఎన్నికైన ప్రతినిధుల పాత్ర గురించి చర్చించడం మరియు రాష్ట్రాలు మరియు కేంద్ర పాలిత ప్రాంతాల పంచాయతీరాజ్ శాఖలు, ఎన్ఐఆర్డీ&పీఆర్, ఎస్ఐఆర్డీ&పీఆర్లు, పంచాయతీరాజ్ శిక్షణా సంస్థలు మరియు పంచాయతీలు మరియు అన్ని వాటాదారులకు అవగాహన కల్పించడం వర్క్‌షాప్ యొక్క లక్ష్యం. .. వర్క్‌షాప్‌లో బాల్య వివాహాలు, మానవ అక్రమ రవాణా, లైంగిక వేధింపులు, గృహ హింస మొదలైన సున్నితమైన అంశాల గురించి చర్చలు జరిగాయి. వర్క్‌షాప్ లింగ-ఆధారిత హింస ని పరిష్కరించడంలో అవగాహనను మరింతగా పెంచడంలో మరియు సమిష్టి ప్రయత్నాలను పెంపొందించడంలో సహాయపడింది మరియు పాల్గొనే వారందరూ నివారణ వ్యూహాలు, మద్దతు యంత్రాంగాలు మరియు గౌరవం మరియు సమానత్వం యొక్క సంస్కృతిని పెంపొందించడం యొక్క ప్రాముఖ్యతపై అంతర్దృష్టిని పొందారు.
అట్టడుగు స్థాయిలో స్థిరమైన మరియు సమ్మిళిత అభివృద్ధిని సాధించేందుకు పంచాయితీ రాజ్ మంత్రిత్వ శాఖ తీసుకున్న కీలకమైన మరియు మార్గదర్శక చర్య అయిన సస్టైనబుల్ డెవలప్‌మెంట్ గోల్స్ (ఎల్‌ఎస్‌డిజి) స్థానికీకరణ యొక్క మహిళా-స్నేహపూర్వక పంచాయతీ థీమ్‌పై సంఘటిత ప్రయత్నాలను ముందుకు తీసుకెళ్లడంలో వర్క్‌షాప్ సహాయపడుతుంది. అట్టడుగు స్థాయి పాలనలో మహిళా నాయకత్వానికి సాధికారత కల్పించడం ద్వారా, లింగ అసమానతలు మరియు లింగ-ఆధారిత హింసను పరిష్కరించడం మరియు లక్ష్య కార్యక్రమాలను అమలు చేయడం ద్వారా, గ్రామీణ సమాజాలు అందరికీ మరింత సమానమైన మరియు స్థితిస్థాపకమైన భవిష్యత్తును సృష్టించగలవు. ఈ ప్రయత్నాల విజయం మహిళా సాధికారత మరియు సుస్థిర అభివృద్ధి లక్ష్యాల స్థానికీకరణ కారణాన్ని సమర్థించేందుకు వాటాదారుల సమిష్టి నిబద్ధతపై ఆధారపడి ఉంటుంది.
(Release ID: 1994725)
Visitor Counter : 141