شمال مشرقی خطہ کی ترقی کے مملكتی وزیر کی صدارت میں وزارتوں/محکموں/شمال مشرقی ریاستوں کی طرف سے شمال مشرقی خطے کے دورے میں مرکزی وزراء کی جانب سے كی جان والی سفارشات پر کارروائی کی صورتحال پر ایك جائزہ میٹنگ منعقد كی گئی۔

شمال مشرقی خطے کی ترقی کی وزارت کے وزیر مملکت جناب بی ایل ورما نے آج شمال مشرقی خطے کے اپنے پندرہ روزہ دوروں کے دوران مرکزی وزراء کی سفارشات پر کی گئی کارروائی کی صورتحال کا جائزہ لیا۔ شمال مشرقی خطے کی ترقی کی وزارت کے سیکرٹری اور سینئر افسران اور ریلوے، روڈ ٹرانسپورٹ اور ہائی ویز، خواتین اور بچوں کی بہبود، شہری ہوا بازی، زراعت اور کسانوں کی بہبود، صحت اور خاندانی بہبود، دیہی ترقی، تجارت اور صنعت، سماجی انصاف اور بااختیار بنانے، ٹیکسٹائل،  قبائلی امور، جل شکتی، امور داخلہ، ہنرمندی کے فروغ، سیاحت، اسٹیل، صارفین کے امور کی وزارتوں، ڈی پی آئی آئی ٹی اور تمام شمال مشرقی ریاستوں کی ریاستی حکومتوں کے نمائندے نے جائزہ میٹنگ میں شرکت کی۔

 اس موقع پر اپنے خطاب میں  شمال مشرقی خطے کی ترقی کے مملكتی وزیر نے دیگر مرکزی وزارتوں اور محکموں کے ساتھ تال میل میں شمال مشرقی خطے کی ترقی کی وزارت کی طرف سے شروع کی گئی ترقیاتی سرگرمیوں پر روشنی ڈالی جس کے نتیجے میں شمال مشرقی خطے کی مجموعی ترقی ہوئی۔ انہوں نے این ای آر میں مرکزی وزراء کے دوروں کی اہمیت پر زور دیا اور اس بات پر اصرار کیا کہ متعلقہ وزارتوں/محکموں کو شمال مشرقی خطے کے اپنے دوروں میں مرکزی وزراء کی سفارشات پر فوری کارروائی کرنی چاہئے۔

انہوں نے سفارشات پر متعلقہ وزارتوں/محکموں کی کارروائی کی رپورٹ کی باقاعدہ نگرانی پر بھی زور دیا تاکہ اس بات كو یقینی بنایا جا سکے کہ حکومت ہند کی اسکیموں/پروجیکٹوں کا فائدہ شمال مشرقی خطے کے ہر فرد تک پہنچنا چاہیے۔ انہوں نے شمال مشرقی خطے کی ترقی کی وزارت کے سكریٹری كے ساتھ مل کر وزارتوں/محکموں کی طرف سے جمع کرائے گئے اے ٹی آر کی حیثیت کا جائزہ لیا اور نوٹ کیا کہ بہت سی سفارشات پر اے ٹی آر كا ابھی جمع ہونا باقی ہے۔

شمال مشرقی خطے کی ترقی کی وزارت كے سكریٹری نے تمام شرکاء کو نئے شروع کردہ "پورواُتر سمپرک سیتو" پورٹل کے بارے میں مطلع کیا اور وزارتوں/محکموں/ریاستی حکومتوں سے جنہوں نے ابھی تک اپنی کارروائی کی رپورٹ جمع نہیں کرائی ہے، درخواست کی كہ وہ اسے ایک ہفتے کے اندر پورٹل پر اپ لوڈ کریں۔

یہ فیصلہ بھی كیا گیا كہ تمام التوا میں پڑے معاملات سے نمٹنے کے لیے آئندہ جائزہ اجلاس 2 ماہ بعد منعقد کیا جائے۔

***

ش ح۔ ع س۔ ک ا