حکومت ہند کے ایک اعلیٰ سطحی خود مختار ادارے ،اچھی حکمرانی کے لیے قومی سینٹر(این سی جی جی)نے کمبوڈیا کے 38 سرکاری ملازمین کے لیے عوامی پالیسی اورحکمرانی سے متعلق تیسرے تربیتی پروگرام کا آغاز کیا۔ دو ہفتے کا تربیتی پروگرام 8 جنوری2024 سے 19 جنوری 2024 تک چلے گا۔

این سی جی جی کی کوششیں وزیر اعظم نریندر مودی کی’پڑوسی سب سے پہلے‘ پالیسی سے ہم آہنگ ہیں، جس میں دو طرفہ تعلقات کو مضبوط بنانے اور پڑوسی ممالک کے ساتھ علاقائی تعاون کو فروغ دینے پر زور دیا گیا ہے۔ افتتاحی اجلاس کی صدارت  اچھی حکمرانی کے نیشنل سینٹر کے ڈائریکٹر جنرل اورسکریٹری محکمہ انتظامی اصلاحات اور عوامی شکایات(ڈی اے آر پی جی)حکومت ہند جناب وی سری نواس نے کی۔جنہوں نے شفافیت اور جواب دہی کو بہتر بناتے ہوئے شہریوں کو حکومت کے  قریب لانے میں ٹیکنالوجی کے کردار کو اُجاگرکیا۔ انہوں نے عزت مآب وزیر اعظم جناب نریندر مودی کے’’کم سے کم حکومت اور زیادہ سے زیادہ حکمرانی‘‘ کے منتر کا حوالہ دیا،جس میں اس بات پر زور دیا گیا کہ قوم کس طرح اسے حاصل کرنے کی کوشش کر رہی ہے۔

اگلی نسل کی انتظامی اصلاحات پر روشنی ڈالتے ہوئے، انہوں نے سرکاری اداروں کی ڈیجیٹل تبدیلی کے بارے میں بتایا اور یہ بھی  بتایا کہ کس طرح اس سے خدمات کی فراہمی کو آسان بنایا گیا ہے۔ انہوں نے ہندوستان میں سروس کوالٹی بینچ مارکنگ اور ڈیجیٹل بنیادی کی ترقی کے بارے میں تفصیل سے بات کی اور کس طرح مرکزی شکایات کے ازالے کا طریقہ کار تیار کیا، جس کی وجہ سے التوا میں کمی اور شہریوں کو خدمات کی بہتر فراہمی ممکن ہوئی ہے۔ انہوں نے مرکزی اور ریاستی خدمات کی فراہمی کے پورٹلز اور 10 قدم انتظامی اصلاحات کے بارے میں بھی بتایا اور یہ بھی بتایا کہ یہ کس طرح حکمرانی کے منظر نامے کو پیمانے، دائرہ کار اور سیکھنے کے طور طریقےتبدیل کر رہا ہے۔ انہوں نے ضلع اور ریاستی سطح پر اختراعات کی اہمیت اور بہترین طریقوں کو پھیلانے پر روشنی ڈالی۔ یہ بتایا گیا کہ کس طرح مختلف شعبوں اور ریونیو، پبلک ورکس، پینے کے پانی کے علاوہ دیگرمحکموں میں1400 ای-خدمات فراہم کی جا رہی ہیں، جن کا این ای ایس ڈی اے کے تحت وقتاً فوقتاً جائزہ لیا جاتا ہے۔

انہوں نے 2047 میں ہندوستان کے لیے وژن مشترک کیا، اچھی حکمرانی کےطور طریقوں اور پی ایم ایوارڈز جیسے  بیداری کے پروگراموں کی اہمیت پر زور دیتے ہوئے نیشنل سول سروسز ڈے اور اچھی حکمرانی کا ہفتہ تقریبات کے حصے کے طور پر کام کرتے ہیں۔اچھی حکمرانی میں مسلسل اضافہ کے لیے ایک غیر متزلزل عزم پر زور دیتے ہوئے انہوں نے افسران کی حوصلہ افزائی کی کہ وہ ہندوستان میں نافذ کیے گئے کامیاب حکمرانی کے ماڈلز کا مطالعہ کریں اور ان کی مقامی ضروریات اور ضرورتوں کے مطابق انہیں نقل کرنے کی کوشش کریں۔

اس موقع پر اظہار خیال کرتے ہوئے ڈاک کے جنرل محکمے کے ڈپٹی ڈائریکٹر جنرل جناب کھینگ پیستھ نے جناب وی سرینواس کے ساتھ ساتھ کمبوڈیا کے سول سروس افسران کے لیے اس طرح کے تربیتی پروگرام منعقد کرنے کے لیے  این سی جی جی ٹیم کا بھی شکریہ ادا کیا۔ ان کی رائے تھی کہ وہ اس طرح کی نمائش کے منتظر ہیں اور اس سے افسران اپنے ملک کے لوگوں کو بہتر خدمات فراہم کر سکیں گے اور بالآخر اچھی حکمرانی کے حصول میں مدد ملے گی۔

پروگرام کے ایسوسی ایٹ پروفیسر اور کورس کوآرڈینیٹر ڈاکٹر بی ایس بشت نے افسران کو کورس کی مختصر تفصیل بتائی۔ اس کورس میں نظم و نسق کا بدلتا ہوا نمونہ، عوامی پالیسی اور نفاذ، انتظامیہ میں اخلاقیات اور آفات سے نمٹنے میں ٹیکنالوجی کا فائدہ اٹھانا، موسمیاتی تبدیلی اور حیاتیاتی تنوع پر اس کے اثرات، صحت کے شعبے میں کارکردگی کی اصلاح، اسمارٹ اور پائیدار شہر، قیادت اور مواصلات، ای- گورننس اور ڈیجیٹل انڈیا، صنف اور ترقی، جی ای ایم:سرکاری خریداری میں شفافیت لانا، انتظامیہ کے لیے جذباتی ذہانت کے ساتھ ساتھ اسمارٹ سٹی پروجیکٹ اور انفارمیشن ٹیکنالوجی ڈیولپمنٹ ایجنسی(آئی ٹی ڈی اے)دہرادون کے دورے کے منصوبے کے ساتھ بودھ مندر کا دورہ شامل ہیں۔ دیگر دوروں میں ضلع مظفر نگر کا دورہ، ایمس کا دورہ، سنچار بھون کا دورہ اور نئی دہلی میں ڈاک بھون کا دورہ اور آگرہ میں تاج محل کا دورہ شامل ہیں۔

اچھی حکمرانی کا قومی سینٹر ،جو 2014 میں قائم کیا گیا تھا، ہندوستان اور دیگر ممالک کے سرکاری ملازمین کو تربیت دینے کا پابند ہے۔ کئی سالوں  سے اس  مرکز نے بنگلہ دیش، کینیا، تنزانیہ، تیونسیا، گامبیا، مالدیپ، سری لنکا، افغانستان، لاؤس، ویتنام، بھوٹان اور میانمار سمیت مختلف ممالک کے افسران کو کامیابی سے تربیت دی ہے۔

پبلک پالیسی اور اچھی حکمرانی کے تیسرے تربیتی پروگرام کی مجموعی نگرانی اور تال میل ڈاکٹر بی ایس بشٹ کریں گے،جو کمبوڈیا کے لیے کورس کوآرڈینٹر   بھی ہیں۔ کو- کورس کے رابطہ کار ڈاکٹر سنجیو شرما، تربیتی اسسٹنٹ   جناب برجیش بشٹ اور این سی جی جی کی صلاحیت سازی کی ٹیم ان کی معاونت کرے گی۔

 

 

************

 

ش ح۔ح ا۔ن ع

U. No.3425

(Release ID: 1994615) Visitor Counter : 91