سینٹرل کنزیومر پروٹیکشن اتھارٹی(سی سی پی اے)نے کمیٹی کی پہلی میٹنگ کا اہتمام کیا، جو 8جنوری 2024 کو کوچنگ سیکٹر میں گمراہ کن اشتہارات سے متعلق رہنما خطوط تیار کرنے کے لیے تشکیل دی گئی ہے۔کمیٹی نے رہنما خطوط کے مسودے پر تبادلہ خیال کیا۔

کمیٹی کے چیئرمین صارفین کے امور کے محکمے کے سیکریٹری  جناب روہت کمار سنگھ  ہیں اور سی سی پی اے کے اعلیٰ کمشنر کے ساتھ دیگر ارکان کمشنر( سی سی پی اے ) عملے اور تربیت کے محکمے، تعلیم کی وزارت، دہلی کی نیشنل لاء یونیورسٹی(این ایل یو)، ایف آئی آئی ٹی جے ای ای، خان گلوبل اسٹڈیز اور ایکی گائی لاء کے نمائندے ہیں۔انتظامیہ کی لال بہادر شاستری نیشنل اکیڈمی آف ایڈمنسٹریشن( ایل بی ایس این اے اے)جنہوں نے میٹنگ میں شرکت کی۔

صارفین کے امور کے سیکریٹری جناب روہت کمار سنگھ اور اعلیٰ کمشنر سی سی پی اے نے بتایا کہ صارفین کے مفاد کا تحفظ سی سی پی اے کے لیے ایک لازمی جزو ہے۔ انہوں نے کوچنگ اداروں میں اشتہاروں سے متعلق کچھ پہلوؤں سے نمٹنے میں وضاحت کی ضرورت کو اُجاگر کیا۔ انہوں نے مزید کہا کہ سی سی پی اے صارفین کے حقوق کے تحفظ میں پختہ یقین رکھتا ہے اور اس بات کو یقینی بناتا ہے کہ کسی بھی سامان یا خدمات کی تیاری میں کوئی جھوٹا یا گمراہ کن اشتہار نہ ہو، جو صارفین کے تحفظ کے قانون 2019 کے شقوں کی خلاف ورزی نہ کرتاہو۔

رہنما خطوط سبھی کوچنگ اداروں کے لیے قابل اطلاق ہوں گے، چاہے وہ آن لائن ہو یا فزیکل اور فارم ،فارمیٹ یا میڈیم سے قطع نظر اشتہار کی سبھی شکلوں کا احاطہ کرتے ہوں۔یہ رہنما خطوط ایسی شرائط بیان کرتے ہیں،  جب کسی کوچنگ انسٹی ٹیوٹ کے اشتہار کو گمراہ کن اشتہار سمجھاجائے، جیسا کہ  صارفین کے تحفظ کے قانون 2019 کے تحت  بیان کیا گیا ہے، جس میں کامیاب امیدواروں کے ذریعہ منتخب کردہ کورس سے متعلق اہم معلومات کو چھپانا بھی شامل ہے( چاہے مفت ہو یا معاوضہ)، کورس کی مدت وغیرہ۔

رہنما خطوط میں یہ بھی کہا گیا ہے کہ کوچنگ انسٹی ٹیوٹ کامیابی کی شرحیں یا انتخاب کی تعداد اور کسی دوسرے طرز عمل کے بارے میں جھوٹے دعوے نہیں کریں گے، جو صارفین کی غلط فہمی کا باعث بن سکتے ہیں یا صارفین کی خود مختاری اور انتخاب کو نقصان پہنچا سکتے ہیں۔

رہنما خطوط یہ بھی بتاتے ہیں کہ کیا کریں اور نہ کریں جو اشتہارات کے ساتھ آنے سے پہلے مشاہدہ کرنے کی ضرورت ہے:-

1. کوچنگ انسٹی ٹیوٹ کامیاب امیدوار کی تصویر کے ساتھ مطلوبہ معلومات کا ذکر کرے گا:-

• کامیاب امیدوار کے ذریعے حاصل کردہ رینک
• کامیاب امیدوار کے ذریعہ منتخب کردہ کورس
• کورس کی مدت
• چاہے وہ ادا شدہ ہو یا مفت

2. کوچنگ انسٹی ٹیوٹ100فیصد انتخاب یا 100 فیصد روزگار کی ضمانت شدہ ابتدائی یا  اصل کا دعوی نہیں کریں گے۔
3. اشتہار میں دست برداری/انکشاف/اہم معلومات کا فونٹ وہی ہوگا، جو دعویٰ/اشتہار میں استعمال کیا گیا ہے۔ ایسی معلومات کی جگہ اشتہار میں نمایاں اور دکھائی دینے والی جگہ پر ہونی چاہیے۔

یہ بھی واضح کیا گیا کہ کوچنگ سیکٹر کی طرف سے گمراہ کن اشتہارات پر جرمانہ کنزیومر پروٹیکشن ایکٹ2019 کے مطابق کیا جائے گا اور رہنما خطوط صرف شراکت داروں کے لیے وضاحت کی نوعیت کے ہیں اورصارفین کے تحفظ کے قانون2019 کی شقوں کی خلاف ورزیاں صارفین کے تحفظ کے قانون 2019 کے موجودہ ضابطوں  کے تحت منضبط ہوتی رہیں گی۔

کمیٹی نے مشاہدہ کیا کہ رہنما خطوط جاری کرنے کی فوری ضرورت ہے اور اجلاس میں زیر بحث مسودہ جلد از جلد جاری کیا جانا چاہیے۔

سی سی پی اے نے کوچنگ اداروں کی طرف سے گمراہ کن اشتہارات کے خلاف اپنے طور پر نوٹس لیا تھا۔ اس سلسلے میں سی سی پی اے نے 31 کوچنگ اداروں کو گمراہ کن اشتہار دینے پر نوٹس جاری کیے ہیں اور ان میں سے 9 کو گمراہ کن اشتہار دینے پر جرمانے عائد کیے ہیں۔

سی سی پی اے نے مشاہدہ کیا ہے کہ کوچنگ کے کچھ ادارے، کامیاب امیدواروں کے منتخب کردہ کورس، اس کورس میں شرکت کی مدت اور امیدواروں کی جانب سے ادا کی گئی فیس کے حوالے سے جان بوجھ کر اہم معلومات چھپا کر صارفین کو گمراہ کرتے ہیں۔سی سی پی اے نے یہ بھی مشاہدہ کیا کہ کچھ کوچنگ انسٹی ٹیوٹ بھی تصدیقی ثبوت فراہم کیے بغیر100 فیصدانتخاب، 100فیصدملازمت کی ضمانت اور ابتدائی اور مین امتحان کی ضمانت دینے جیسے دعوے کرنے میں ملوث ہیں۔

************

ش ح۔ح ا۔ن ع

U. No.3422