వస్తు మరియు సేవల పన్ను (జీఎస్టీ)లో మోసాలను అరికట్టడానికి మరియు సమ్మతిని పెంచడానికి దేశవ్యాప్తంగా కేంద్ర పరోక్ష పన్నులు మరియు కస్టమ్స్ (సిబిఐసి) మరియు రాష్ట్రాలు/కేంద్రపాలితప్రాంత ప్రభుత్వాలు ఉనికిలో లేని/బోగస్ రిజిస్ట్రేషన్‌లు మరియు వస్తువులు మరియు సేవల అంతర్లీన సరఫరా లేకుండా నకిలీ ఇన్‌వాయిస్‌ల జారీ వంటి జీఎస్టీకి సంబంధించిన మోసాలపై దృష్టి కేంద్రీకరించాయి.

మే 2023 మధ్యలో నకిలీ రిజిస్ట్రేషన్లకు వ్యతిరేకంగా స్పెషల్ డ్రైవ్ ప్రారంభించినప్పటి నుండి అనుమానిత ఇన్‌పుట్ టాక్స్ క్రెడిట్ (ఐటీసి) ఎగవేతలో పాల్గొన్న మొత్తం 29,273 బోగస్ సంస్థల ద్వారా రూ.44,015 కోట్లు గుర్తించారు. ఐటీసీని బ్లాక్ చేయడం ద్వారా రూ. 3,802 కోట్లు మరియు రూ.844 కోట్ల రికవరీ ద్వారా మొత్తం రూ. 4,646 కోట్లు ఆదా చేయబడ్డాయి. అలాగే 121 మందిని అరెస్ట్‌ చేయడం జరిగింది.

డిసెంబర్, 2023తో ముగిసిన త్రైమాసికంలో 4,153 బోగస్ సంస్థలకు సంబంధించిన అనుమానిత ఐటీసీ ఎగవేతలను దాదాపు రూ. 12,036 కోట్లు గుర్తించారు. వీటిలో 2,358 బోగస్ సంస్థలను కేంద్ర జీఎస్టీ అధికారులు గుర్తించారు. దీనివల్ల రూ. 1,317 కోట్లు ఆదా అయ్యాయి. ఇందులో రూ. 319 కోట్లు రియలైజ్ అయ్యాయని, ఐటీసీని బ్లాక్ చేయడం ద్వారా రూ.997 కోట్లకు రక్షణ కల్పించామని చెప్పారు. ఈ కేసుల్లో 41 మందిని అరెస్టు చేశారు. వీరిలో 31 మందిని కేంద్ర జీఎస్టీ అధికారులు అరెస్టు చేశారు. రాష్ట్రాల వారీగా వివరాలు జతచేయబడ్డాయి.

జీఎస్టీ నమోదు ప్రక్రియను పటిష్టం చేసేందుకు ప్రభుత్వం పలు చర్యలు చేపట్టింది. రిజిస్ట్రేషన్ సమయంలో బయోమెట్రిక్ ఆధారిత ఆధార్ ప్రమాణీకరణ  పైలట్ ప్రాజెక్ట్‌లు గుజరాత్, పుదుచ్చేరి మరియు ఆంధ్రప్రదేశ్ రాష్ట్రాల్లో ప్రారంభించబడ్డాయి.