মন্ত্রীমন্দল
আর্থ সাইন্সেস মিনিস্ত্রিগী “PRITHvi VIgyan (PRITHVI)” স্কিম মন্ত্রীমন্দলনা অয়াবা পীরে
Posted On:
05 JAN 2024 1:11PM by PIB Imphal
লুপা করোর 4,797 চঙনা 2021 দগী 2026 ফাওবা পায়খৎকদবা আর্থ সাইন্সেস মিনিস্ত্রিগী “PRITHvi VIgyan (PRITHVI)” স্কিম প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। স্কিম অসিদা সব-স্কিম মঙা হায়বদি “এদমোস্ফিয়ার এন্দ ক্লাইমেত রিছার্স-মোদেল্লিং ওবজার্বিং সিস্তেমস এন্দ সর্বিসেস(এক্রোস)”, ওসিন সর্বিসেস, মোদেল্লিং এপ্লিকেসন, রিছোর্সেস এন্দ তেক্নোলোজি( ও-স্মার্দ)”, “পোলার সাইন্স এন্দ ক্রাইয়োস্ফিয়ার রিছার্স(পেসর)”, “সিস্মোলোজি এন্দ জিওসাইন্সেস( সেজ)” অমসুং “রিছার্স,ইজুকেসন, ত্রেনিং এন্দ আউতরিচ(রিচআউত)” য়াওরি।
Prithvi স্কিমগী মরুওইবা পান্দমশিংদি :
· মালেমগী হোঙলক্লিবশিংগী মরুওইবা খুদমশিং রেকোর্দ তৌশিন্নবা মতম শাংনা এদমোস্ফিয়ার, সমুদ্রা, জিওস্ফিয়ার, ক্রাইয়োস্ফিয়ার অমসুং সোলিদ আর্থ য়েংশিনবগী থবকশিং ফগৎহনবা।
· নোংজু-নুংশা, সমুদ্রা অমসুং নোংজু-নুংশাগী অমাঙবশিং খঙদোক্নবা অমসুং মাঙজৌননা লাউথোক্নবা অমসুং অইং-অশাগী খল হোংলকপগী সাইন্স খঙদোক্নবা মোদেল্লিং সিস্তেমশিং শেমগৎপা।
· অনৌবা মওংশিং অমসুং লন-থুমশিং থিদোক্নবা মালেমগী পোলার অমসুং হায় সিগী শরুক থিদোকপা।
· খুন্নাইগী কান্নবা পুরক্নবা সমুদ্রাগী লন-থুমগী থিদোক্নবা অমসুং কান্নবা লৌনবা তেক্নোলোজি শেমগৎপা।
· আর্থ সিস্তেমস সাইন্সকী মহৌশাদগী লৈরক্লবা লৌশিং অমসুং নুঙগী ওইবা অকুপ্পশিং খুন্নাইগী, মহৌশাগী অমসুং শেন-থুমগী কান্নবা থবকশিংদা শীজিন্নবা।
নোংজু-নুংশা, সমুদ্রা, হায়দ্রোলোজি, সিস্মোলোজি, মহৌশাগী ওইবা অমাঙ-অতাশিংগী থবকশিংগী সাইন্স মীয়ামগী য়াইফনবা থবকশিংদা ওন্থোক্নবা অমসুং লৈবাক্কীদমক সমুদ্রাগী থৱায় পানবা অমসুং থৱায় পান্দবা লন-থুমশিং থিদোকপা অমসুং শীজিন্ননবা অমসুং পোল অহুম হায়বদি আর্তিক, এন্তারতিক অমসুং হিমালয়শিং থিদোক্নবা আর্থ সাইন্সেস মিনিস্ত্রিনা ৱারেপ লৌরে। হায়রিবা থবকশিং অসিগী মনুংদা নোং-চিংগী ফিবমশিং মমাঙজৌননা লাউথোকপা( কংফাল অমসুং সমুদ্রা অনিমক), মহৌশাগী ওইবা অমাং-অতাশিং হায়বদি নোংলৈ-নুংশিৎশিং, ঈশিং ইচাউশিং, কালেনগী মৈশা, অখাক-অরাওশিং অমসুং ব্রাজ তাবা, সুনামিশিংগী চেকশিনৱাশিং পীবা অমসুং য়ুহা হাবা য়েংশিনবা য়াওরি। মিনিস্ত্রিনা পীরিবা থবকশিং অসি মীওইবগী পুন্সি কয়া কন্নবা অমসুং লন-থুমশিং মাঙহনবদগী কন্নবা তোঙান-তোঙানবা এজেন্সিশিং অমসুং রাজ্য সরকারশিংনা শীজিন্নরে।
মিনিস্ত্রিগী রিছার্স এন্দ দিবলপমেন্ত এন্দ ওপরেসনেল (সর্বিসেস)গী থবকশিং অসি মিনিস্ত্রিগী ইন্সতিতুৎ তরা হায়বদি ইন্দিয়া মেতিওরোলোজিকেল দিপার্তমেন্ত(আই এম দি), নেসনেল সেন্তর ফোর মেদিয়ম রেঞ্জ ৱেদর ফোরকার্স্তিং(এন সি এম আর দব্লিউ এফ), সেন্তর ফোর মেরিন লিভিং রিছোর্সেস এন্দ ইকোলোজি( সি এম এল এ আর ই), নেসনেল সেন্তর ফোর কোস্তেল রিছার্স(এন সি সি আর), নেসনেল সেন্তর ফোর সৈস্মোলোজি( এন সি এস), নেসনেল ইন্সতিতুৎ ওফ ওসিন তেক্নোলোজি( এন আই ও তি), ইন্দিয়ান নেসনেল সেন্তর ফোর ওসিন ইনফোর্মেসন সর্বিস( আই এন সি ও আই এস), হায়দ্রবাদ, নেসনেল সেন্তর ফোর পোলার এন্দ ওসিন রিছার্স (এন সি পি ও আর), গৱা, ইন্দিয়ান ইন্সতিতুৎ ওফ ত্রোপিকেল মেতিওরোলোজিকেল(আই আই তি এম), পুনে অমসুং নেসনেল সেন্তর ফোর আর্থ সাইন্স স্তদিজ(এন সি ই এস এস)না পাংথোকপনি। স্কিমগী দরকার ওইবা রিছার্সকী মতেং মিনিস্ত্রিগী ওসিনোগ্রাফিক্কী ফ্লিত অমা অমসুং কোস্তেল রিছার্স ভেসেলশিংনা পীরি।
মালেমগী মচাক মঙা হায়বদি এদমোস্ফিয়ার, হায়দ্রোস্ফিয়ার, জিওস্ফিয়ার, ক্রাইয়োস্ফিয়ার অমসুং বাইওস্ফিয়ার অমসুং মখোয়গী অরুবা মরীশিং আর্থ সিস্তেম সাইন্সেসনা নৈনরি। আর্থ সিস্তেম সাইন্সেসকা মরী লৈনবা ৱাফমশিং আর্থ সাইন্সেস মিনিস্ত্রিনা পাংথোক্লি। PRITHVI স্কিম অসিনা আর্থ সিস্তেম সাইন্সে খঙবা হেনগৎহন্দুনা মচাক মঙা অসি ফজনা থেংনরি অমসুং লৈবাক্কীদমক অফবা থবক কয়া পাংথোক্লি। PRITHVI স্কিমগী তোঙান-তোঙানবা মচাকশিং অসি অমনা অমগী মখা পোন্না লৈনরি অমসুং মিনিস্ত্রিগী মখাদা লৈরিবা মরী লৈনবা ইন্সতিতুৎশিংগী খুৎথাংদা অপুনবা ওইনা থবক পাংথোকমিন্নরি।
Prithvi Vigyan স্কিম্না মিনিস্ত্রিগী তোঙান-তোঙানবা ইন্সতিতুৎশিং মালেমগী মরমদা থিজিনবা অমসুং অনৌবা থবকশিং পাংথোকপদা অপুনবা ওইনা থবক পাংথোকপা ঙমহল্লে। হায়রিবা রিছার্স অমসুং দিবলপমেন্তগী অপুনবা থবকশিং অসিনা নোং-চিং, অইং-অশা, সমুদ্রা, ক্রাইয়োস্ফিয়ার, সৈস্মোলোজিকেল সাইন্স অমসুং থবকশিংনা মায়োক্নরিবা অচৌবা শিংনবশিং থেংনবদা মতেং পাংলি অমসুং থৱায় পানবা অমসুং থৱায় পান্দবা লন-থুমশিং মশক খঙদোকপা অমসুং থিদোকপদা মতেং পাংলি।
*****
(Release ID: 1993668)
Visitor Counter : 93
Read this release in:
English
,
Urdu
,
Hindi
,
Marathi
,
Nepali
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam