অৱাং নোংপোক লমদমগী চাউখৎ-থৌরাং মন্ত্রালয়
“উত্তর পুর্বি মহোতসব ২০২৩” দিল্লীদা জনুৱারী ১৩ – ১৭, ২০২৪ ফাওবা পাঙথোক্লগনি
মহোতসব অসিদা অৱাং নোংপোক ভারতকী ইনাক খুল্লবা খেন্নবা মশক, য়ানশিন্নবা ত্রেদিস্নেল আর্তশিং, ক্রাফ্ত, নাৎশিং মশক মচু নাইরবা শক্লোন অমগী মখাদা উৎকনি: শ্রী চনচল কুমার, সেক্রেতরী দোনর
মহোতসব অসিনা মতিং লৈবা বাইয়র-সেল্লরশিংগী মীফমগী মতিং লৈবা ফম্পাক অমা পীদুনা, তোঙান তোঙানবা সেক্তরশিংদা মমল নাইদ্রবা ইন্তরেক্সনশিং পুরক্কনি: সেক্রেতরী, দোনর
মহোতসব অসিনা নাৎকী জগোয়, পুক্নিং হুরবা পর্ফোর্মেন্সশিং, অমদি লমদম অসিগী ইনাক খুল্লবা পারী পুরীগী নাৎকী লনগী মখল মথেলগী থৌরমশিংগী খুত্থাঙদা পুক্নিং শুমহৎলবা খোঙচৎ অমা পীগদৌরি
Posted On:
04 JAN 2024 7:14PM by PIB Imphal
দিভেলপমেন্ত ওফ নোর্থ ইস্তর্ন রিজন মন্ত্রালয়না মাগী সি.পি.এস.ই., নোর্থ ইস্তর্ন হেন্দিক্রাফ্ত এন্দ হেন্দলুম্স দিভেলপমেন্ত কোর্পোরেসন লিমিতেদ (এন.ই.ঐচ.ঐচ.দি.সি.)গী খুত্থাঙদা “উত্তর পুর্বি মহোতসন ২০২৪” – অৱাং নোংপোক ভারতকী ইনাক খুল্লবা নাৎকী খোঙচৎ অমা হায়না মিংথোনবা নুমিৎ মঙানিগী ওইবা কল্চরেল এক্সত্রাভেগেঞ্জা অমা নই দিল্লীগী প্রগতী মৈদান্দা লৈবা ভারত মন্দপমদা জনুৱারী ১৩দগী ১৭, ২০২৪ ফাওবা পাঙথোক্লগনি।
![](https://static.pib.gov.in/WriteReadData/userfiles/image/image001Q5E2.jpg)
শ্রী চনচল কুমার, সেক্রেতরী, দিভেলপমেন্ত ওফ নোর্থ ইস্ত রিজন মন্ত্রালয়না ঙসি উত্তর পুর্বি মহোতসবকী অহানবা ইদিসন অসিগী মতাঙদা পাউমীশিংদা মফমদা পাউদমখি। শ্রী কুমারনা মহোতসব অসিদা অৱাং নোংপোক ভারতকী ইনাক খুল্লবা খেন্নবা মশক, য়ানশিন্নবা ত্রেদিস্নেল আর্তশিং, ক্রাফ্ত, নাৎশিং মশক মচু নাইরবা শক্লোন অমগী মখাদা উৎননবা কুপ্না খন্নদুনা থৌরাং তৌবনি হায়খি। কল্চরেল মোজেক অমগী ৱাখল্লোন্দা পাঙথোক্কদৌরিবা উত্তর পুর্বি মহোতসব অসি সেলেব্রেসন অমদগী হেন্না ৱাহন্থোক লৈ হায়বা ৱাফমসু থমখি।
পাউমীশিংগী মফমদা ৱা ঙাংলদুনা, শ্রী কুমারনা মহোতসব অসি শেন্মিৎলোনগী খুদোংচাবশিংগী ফম্পাক অমনি হায়খি। কুমহৈ অসিনা ত্রেদিস্নেল হেন্দিক্রাফ্ত, হেন্দলুম, লৌউ-শিংউগী পোত্থোক, অমদি তুরিজমগী ওফরিংশিং খঙহন্দুনা লমদম অসি খুমাঙ চাওশিন্নবা অমদি চাওখৎপা পুরক্নবগী মরুওইবা পাম্বৈ অমা ওইহন্নবা পান্দম থম্লি হায়বা ৱাফমসু থমখি।
দোনর সেক্রেতরীনা, মহোতসব অসিদা ফিশাবী, লৌমী অমদি ওন্ত্রপ্রিন্যুর ২৫০না শরুক য়াগনি হায়খি। বাইয়র সেল্লর মীতকী পেনেল দিস্কজনসু মহোতসব অসিগী মনুংদা পাঙথোক্কনি হায়না মহাক্না ফোঙদোকখি। নাৎকী জগোয়, পুক্নিং হুরবা পর্ফোর্মেন্সশিং, অমদি লমদম অসিগী ইনাক খুল্লবা পারী পুরীগী নাৎকী লনগী মখল মথেলগী থৌরমশিংনা মহোতসব অসিগী পুক্নিং চিংশিন্নিংঙাই ওইবা থৌরমশিং ওইগনি। থৌরম অসিদা ভিদিও ফিল্ম অমসু ফোঙগনি।
![](https://static.pib.gov.in/WriteReadData/userfiles/image/image002Y0G3.jpg)
মহোতসব অসিগী মচং ওইবা থৌরমশিংদা য়াওরিবশিংদি –
(১) হেন্দিক্রাফ্ত, হেন্দলুম অমদি এগ্রি-হোর্তি পোত্থোকশিং: মহোতসব অসিদা ফিশাবী, লৌমী, অমদি ওন্ত্রপ্রিন্যুর ২৫০না শরুক য়াগনি। মসিনা অৱাং নোংপোক লমদমবু নাৎকী লংলবা মফম অমা ওইহল্লিবা লমদম অসিগী তোপ তোপ্পা মশক মওংশিং উৎননবগী ফম্পাক অমসু ওইগনি। মহোতসব অসিনা নীংথিরবা, খুৎনা শেম শাবা পোত্থোকশিং, হেন্দলুম অমদি তেক্সতাইল, সস্তেনেবল হেন্দিক্রাফ্ত, জিই.আই. পোত্থোক মখল মথেলশিং – ঐৱাং নোংপোক ভারতকী লমদমসিগী ওইবা উহৈ অমদি ওর্গানিক পোত্থোকশিংগা লোয়ননা অৱাং নোংপোক ভারতকী খ্বায়দগী অহেনবশিং মফম অমদা পুনশিন্দুনা মীয়ামদা লান্থোক্নবা পান্দম থম্লি।
(২) খন্ন-নৈনবা মীফমশিং: “তুৱার্দ্স প্রোস্পেরিতী: কেতলাইজিং নোর্থ ইস্ত’স প্রোগ্রেস তুৱার্দ্স এ ভিক্সিত ভারত” হায়বা মীফম অসিনা লৈবাক অসিবু মশক মচু থোকপা অমদি চাওখৎপগী মায়কৈদা খোঙজেল হাপ্পদা লমদম অসিনা লৌরিবা মরুওইবা শক্লোনশিং পুথোক্তুনা নৈননবা থৌরাং তৌরি। নুংঙাই য়াইফবা হায়বসিদা য়ুম্ফম ওইরগা, খন্ন-নৈনবা অসিনা অৱাং নোংপোক্কী লোকশিন্দ্রিবা মতিংশিংবু মাঙদা পুথোক্তুনা, মখোয়বু মশক মচু থোকপা অমদি খুমাঙ চাওশিনবা ভারত অমা পুরক্নবগী মথৌ হাপ্লিবা মফম অমা ওইনা উৎননবা পান্দম থম্লি।
“ৱুমেন লীদর্স ইন দি নোর্থইস্ত” হায়বা মীফম অসিনা নুপী লুচিংবীশিংগী খেন্নবা থৌদাংশিং নৈনদুনা, লমদম অসিদা খাঙবা কনবা অমদি তুং কোইনা চৎকদবা ফুরুপশিংগী য়ুম্ফম থোনবদা মখোয়না লৌরিবা মরুওইবা থৌদাংশিংবু শকখঙনবা পান্দম থম্লি। অৱাং নোংপোক চাওখৎহনবদা নুপীশিংনা লৌরিবা মমায় কয়া লোংবা থৌদাংশিং উত্থোক্তুনা, খন্ন-নৈনবা অসিনা মপাঙ্গল কনবা অমদি তুং কোইগদবা ফুরুপশিং শেমগৎপদা পুম্নমক শরুক য়ামিন্নদুনা লাল্লোং য়াৎমিন্ননবা পুক্নিং থৌগৎনবা পান্দম থম্লি।
“নোর্থইস্ত ইন এক্সন” হায়বা হীরমদা পাঙথোক্কদবা “য়ুথ, ৱর্কফোর্স, এন্দ দি ইকনমিক তাপেস্ত্রী ওফ ইন্দিয়া” হায়বা খন্ন-নৈনবগী মীফম অসিনা অৱাং নোংপোক্কী নহা অমদি ৱর্কফোর্সনা পুরক্লিবা পুক্নিং চঙনিংঙাই ওইবা মশক মওংবু নৈননবা পান্দম থম্লি। মখোয়গী থৌদাং, অনিংবা অপাম্বা, অমদি শিংনবশিং নৈনদুনা, খন্ন-নৈনবা অসিনা অসিগুম্লবা ইচঙ থৌবা দিমোগ্রাফিক অসিনা ভারতকী শেন্মিৎলোনগী লম্বী শেম্বদা মতৌ করম্না মশক থোকপা থৌদাং য়াগনি হায়বা ৱাখল্লোনশিং পুথোক্কদৌরি।
(৩) বাইয়র সেল্লর মীত: কুমহৈ অসিনা মতিং লৈবা বাইয়র-সেল্লরশিংগী মীফমগী মতিং লৈবা ফম্পাক অমা পীদুনা, তোঙান তোঙানবা সেক্তরশিংদা মমল নাইদ্রবা ইন্তরেক্সনশিং পুরক্কনি। মীফমশিং অসিনা হেন্দলুম অমদি হেন্দিক্রাফ্ত, লৌউ-শিংউ অমদি মরী লৈনবা পোত্থোকশিং, লোয়ননা তুরিজমদা অখন্ননা মীৎয়েঙ থমগনি। শরুক য়াগদৌরিবশিংনা মরুওইবা দোমেনশিংসিদা লল্লোন ইতিক্কী ওইথোকপা য়াবশিং নৈনগনি অমদি ৱাহন্থোক লৈবা মরী শেমগত্তুনা শেন্মিৎলোনগী মতাঙদা খুৎশম্ননা চৎমিন্নবা অমদি খুমাঙ চাওশিনবা হেনগৎহনগনি। মরুওইবা থৌরাংশিংগী মনুংদা অমনা চহিদা খুৎহৈবা ৫,০০০ – ১০,০০০ ওনবোর্দ তৌনবা পান্দমদা খুৎহৈবা, ফিশাবী, অমদি ওন্ত্রপ্রিন্যুরশিংগী ওইবা মরী অমা শেমগৎকনি। ওপন নেতৱর্ক ফোর দিজিতেল কম্মর্স (ও.এন.দি.সি.) পার্ত্নরসিপ অসিনা অপীকপা বিজিনেসশিংবু দিজিতেল কম্মর্সকী মতিক ফুদোকহনবদসু মতেঙ ওইগনি।
(৪) কল্চরেল সোকেজ: কুমহৈ অসিনা নাৎকী জগোয়, পুক্নিং হুরবা পর্ফোর্মেন্সশিং, অমদি লমদম অসিগী ইনাক খুল্লবা পারী পুরীগী নাৎকী লনগী মখল মথেলগী থৌরমশিংগী খুত্থাঙদা পুক্নিং শুমহৎলবা খোঙচৎ অমা পীননবা পান্দমসু থম্লি। জনুৱারী ১৪, ২০২৪দা, নুমিদাংৱাইরম পুং ৫:০০দগী হৌরগা, মীৎয়েঙ তারিবশিংনা অসামগী সত্রিয় জগোয় অমদি ত্রিপুরাগী হোজাগিরী জগোয়গী থোৎ নৌবা অমদি মতিকশিং উবা ফংগনি। কল্চরেল এক্ত্রাভেগেঞ্জা অসি নুমিদাংৱাইরম পুং ৫:৩০ দগী পুং ৭:০০ ফাওবা ফেসন সো অমনা মখা শমথদুনা অৱাং নোংপোক্কী ওইবা মশক মওং, হৈ-শিংবা মতৌশিং উৎকনি।
![](https://static.pib.gov.in/WriteReadData/userfiles/image/image003Z3U6.jpg)
জনুৱারী ১৫, ২০২৪দা পাঙথোক্কদবা কুমহৈ হরাওগী থৌরমশিংগী মনুংদা মনিপুরগী থা-তা জগোয় অমদি সিক্কিমগী ফজরবা নোংশা জগোয় য়াওরি। জনুৱারী ১৬, ২০২৪দা, কুমহৈ হরাও অসি মিজোরমদগী বেন্দ অমনা পুং অমরোম শাংবা পুক্নিং হুরবা পর্ফোর্মেন্স অমা পীদুনা নুমিদাংৱাইরম পুং ৫:০০দগী হৌগনি অমদি মদুগী তুংদা মনিপুরদগী থম্মোয় শুমহৎনিংঙাই ওইরবা ঈশৈ নোংমাইগী থৌরমশিং লৈগনি। জনুৱারী ১৭, ২০২৪দা পাঙথোক্কদবা লোইশিনবগী থৌরমদা, বোত্তল রোকেৎ ইন্দিয়া রোক বেন্দনা স্তার পর্ফোর্মর ওইদুনা অয়েঙবশিংবু পুং অমরোম ঈশৈ নোংমাইগী নুংঙাইরবা তান্থাদা পুদুনা চৎকনি। লোইশিনবগী থৌরমদা শৈশকপা অমদি ভাইওলিন খোংবা সুনিতা ভুয়ন্না মহাক্কী হৈশিংলবা মতৌ উৎকনি।
পর্ফোর্মেন্সশিং অসিগী মনুংদা, কুমহৈ অসিদা মেঘালয়গী ৱঙ্গলা জগোয়, নগালেন্দকী মুঙৱান্তা জগোয়, মিজোরমগী ৱাগী জগোয়, অসামগী বিহু জগোয়, অমদি শক্নাইরবা তেতসিও সিস্তর্স অমসুং শঙ্কুরাজ কোনৱরগী পর্ফোর্মেন্সশিংসু উৎকনি।
উত্তর পুর্বি মহোতসবকী অহৌবগী ইদিসন অসি ইচম চম্বা থৌরম অমদগী হেন্দুনা; মসিনা অৱাং নোংপোক ভারতকী ইনাক খুল্লবা নাৎকী লৈচলবু মশক থোক্না হরাও তয়াম্না পাঙথোক্কনি অমদি শেন্মিৎলোনগী ওইথোকপা য়াবশিংদা মনুং হুৎনা নৈনগনি। থৌরম অসিনা চৎনবীগা ইনোভেসনগা ইতিন্নদুনা, খেন্নবা মশক মতৌনা খুমাঙ চাওশিন্না চঙশিন্দুনা হেন্না মশা মরেং ফন্দোকপা ঙমগদবা ফীভম অমা পুরক্নবগী তোপ তোপ্পা খোঙচৎ অমদা পুদুনা চৎনবা থাজবা পীরি।
![](https://static.pib.gov.in/WriteReadData/userfiles/image/image004UENH.jpg)
শঙ্গাবা অমদি উরেপ উয়ুং তম্বা:
“উত্তর পুর্বি মহোতসব ২০২৪” অসিগী মনুংদা, জৱাহরলাল নেহরু য়ুনিভর্সিতী (জে.এন.য়ু.)গী বরাক হোস্তেল শঙ্গাগনি। হোস্তেল অসিনা জে.এন.য়ু.দা তম্বা পাম্বা অৱাং নোংপোক লমদমগী মহৈরোয় ৪০০গী লৈফম পীগনি। মখা তানা, নই দিল্লীগী দ্বার্কাদা নোর্থ ইস্ত কনভেন্সন সেন্তরগী উরেপ উয়ুংসু তমগনি। কনভেন্সন সেন্তর অসি মালেমগী থাক্কা চুননা শাগদবনি অমদি দিল্লীদা লৈবা অৱাং নোংপোক ভারতকী নাৎ অমদি ঈ-পাউগী মফম অমা ওইনা লৈগনি।
![](https://static.pib.gov.in/WriteReadData/userfiles/image/image005SX58.jpg)
ৱেবসাইত:
উত্তর পুর্বি মহোতসবকা মরী লৈনবা ঈ-পাউশিং মখাদা পীরিবা লিঙ্কশিং অসিদগী ফংবিগনি:
ৱেবসাইত: http://uttarpurvi.com/
ফেসবুক: https://www.facebook.com/profile.php?id=61554920154046&mibextid=hIlR13
ইন্সতাগ্রাম: https://www.instagram.com/uttarpurvi_mahotsav?igsh=Z3E2YnQ3YjBuNDhj’
****
(Release ID: 1993298)
Visitor Counter : 62