شمال مشرقی خطہ کی ترقی کی وزارت جو اپنے سی پی ایس ای، نارتھ ایسٹرن ہینڈی کرافٹس اینڈ ہینڈ لومز ڈیولپمنٹ کارپوریشن لمیٹڈ (این ای ایچ ایچ ڈی سی) کے ذریعے منظم ہے ‘‘اتر پوروی مہوتسو 2024’’ کا انعقاد کر رہی ہے ۔ یہ ایک کلچرل  اوڈیسی ہے، جس میں شمال مشرقی ہندوستان کی خوشحالی کو اجاگر کیا جا رہا ہے۔  یہ پانچ روزہ ثقافتی تقریب 13 سے 17 جنوری 2024 تک  نئی دہلی کے پرگتی میدان میں واقع  بھارت منڈپم میں ہوگی۔

شمال مشرقی خطہ کی ترقی کی وزارت کے سکریٹری جناب چنچل کمار نے آج میڈیا کو اتر پوروی مہوتسو کے پہلے ایڈیشن کے بارے میں بتایا۔ جناب  کمار نے مطلع کیا کہ اس مہوتسو کو شمال مشرقی ہندوستان کے بھرپور تنوع کو ظاہر کرنے کے لیے نہایت احتیاط سے تیار کیا گیا ہے اور  روایتی فنون، دستکاری اور ثقافتوں کو ایک بڑی چھتری کے نیچے لایا گیا ہے۔

میڈیا سے خطاب کرتے ہوئے جناب کمار نے میڈیا کو بتایا کہ یہ مہوتسو اقتصادی مواقع کا ایک پلیٹ فارم ہے۔ اس میلے کا مقصد روایتی دستکاری، ہینڈ لوم، زرعی مصنوعات اور سیاحت کی پیشکشوں میں تبادلے کو فروغ دینا ہے، جو خطے کی ترقی اور پیش رفت  کے لیے ایک محرک کا کام کرےگا۔

شمال مشرقی خطے کی ترقی کی  وزارت کے سکریٹری نے بتایا کہ مہوتسو میں 250 بنکر، کسان اور کاروباری افراد حصہ لیں گے۔ انہوں نے کہا کہ مہوتسو کے دوران پینل ڈسکشن اور خریداروں  فروخت کنندگان کی ملاقاتوں کا اہتمام کیا جائے گا۔ انہوں نے کہا کہ روایتی رقص، مسحور کن پرفارمنس، اور خطے کے بھرپور ثقافتی ورثے کی نمائش مہوتسو کی خاص بات ہوگی۔ اس موقع پر ایک ویڈیو فلم بھی لانچ کی گئی۔

اس مہوتسو کی اہم جھلکیوں میں شامل ہیں:

(i) دستکاری، ہینڈلوم اور زرعی - باغبانی پیداوار: مہوتسو میں  250 بنکروں، کسانوں اور کاروباریوں کی شرکت ہوگی۔ یہ ان منفرد پہلوؤں کو ظاہر کرنے کے لیے ایک پلیٹ فارم کے طور پر بھی کام کرے گا جو شمال مشرقی خطے کو ثقافتی زیور بناتے ہیں۔ مہوتسو کا مقصد شمال مشرقی ہندوستان کے بہترین چیزوں  کو ایک چھت کے نیچے لانا ہے، جن میں شاندار دستکاری مصنوعات، ہینڈ لوم اور ٹیکسٹائل، پائیدار دستکاری، جی آئی مصنوعات کے گلدستے، شمال مشرقی ہندوستان کے دیسی پھل اور نامیاتی مصنوعات شامل ہیں۔

(ii) پینل ڈسکشنز: ‘‘خوشحالی کی طرف،  وکست بھارت کی طرف شمال مشرق کی پیش رفت کو متحرک کرنا’’ کے موضوع پر ہونے والےڈسکشن کا مقصد   قوم کو متحرک اور ترقی کی طرف لے جانے میں خطے کے کلیدی کردار کو اجاگر کرنے کی کوشش کرنا ہے۔ خوشحالی پر توجہ مرکوز کرتے ہوئے، بحث کا مقصد شمال مشرق کی غیر استعمال شدہ صلاحیت کو اجاگر کرنا اور ایک متحرک اور ترقی پسند ہندوستان کے لئے ایک کلیدی محرک کے طور پر پوزیشن میں لانا ہے۔

‘‘شمال مشرق میں خواتین رہنما’’سے متعلق  پینل خواتین رہنماؤں کی متنوع شراکتوں کا مطالعہ کرےگا، جو خطے میں لچکدار اور پائیدار کمیونٹیز کے لیے بنیاد رکھنے میں ان کے اہم کردار کو تسلیم کرتا ہے۔ شمال مشرق کی ترقی میں خواتین کے کثیر جہتی کردار کو ظاہر کرتے ہوئے، اس بحث کا مقصد مضبوط اور پائیدار کمیونٹیز کی تعمیر کے لیے جامع حکمت عملیوں کی ترغیب دینا ہے۔

‘‘نارتھ ایسٹ ان ایکشن’’ کے تھیم کے تحت ‘‘یوتھ، ورک فورس، اور دی اکنامک ٹیپسٹری آف انڈیا’’ کے پینل کا مقصد شمال مشرق کے نوجوانوں اور افرادی قوت کے ذریعہ میز پر لائے جانے والے جہتوں کو کھولنا ہے۔ ان کے تعاون، خواہشات اور چیلنجوں کی کھوج کرتے ہوئے، یہ بحث اس بات کی بصیرت فراہم کرے گی کہ یہ متحرک آبادی کس طرح ہندوستان کی اقتصادی ٹیپسٹری کو نمایاں طور پر تشکیل دے سکتی ہے۔

(iii) خریداروں - فروخت کنندگان کی  ملاقاتیں (بائر-سیلر میٹ): یہ میلہ مختلف شعبوں میں قابل قدر تعاملات کو فروغ دیتے ہوئے اہم خریداروں اور فروخت کنندگان کی ملاقاتوں کے لیے ایک سازگار پلیٹ فارم فراہم کرے گا۔ یہ سیشن خاص طور پر ہینڈلوم اور دستکاری، زرعی اور اس سے منسلک مصنوعات کے ساتھ ساتھ سیاحت پر توجہ مرکوز کرے گا ۔ شرکاء کاروباری مواقع تلاش کریں گے اور ان کلیدی ڈومینز کے اندر بامعنی روابط قائم کریں گے، جس سے اقتصادی تعاون اور ترقی میں مزید اضافہ ہوگا۔ ایک اہم اقدام کاریگروں، بُنکروں اور کاروباری افراد کو جوڑتا ہے، جس کا مقصد سالانہ 5,000 - 10,000 کاریگروں کو شامل کرنا ہے۔ نیز، اوپن نیٹ ورک فار ڈیجیٹل کامرس (او این ڈی سی) کی شراکت داری چھوٹے کاروباروں کو،  ڈیجیٹل کامرس کی طاقت کا مقابلہ کرنے میں مدد کرے گی۔

(iv) ثقافتی نمائش: یہ میلہ روایتی رقص، مسحور کن پرفارمنس، اور خطے کے بھرپور ثقافتی ورثے کی نمائش کے ذریعے ایک پرکشش سفر کا بھی وعدہ کرتا ہے۔ 14 جنوری 2024 کو شام پانچ بجے ناظرین آسام کے ستریا رقص اور تریپورہ کے ہوجاگیری رقص کا لطف لے سکیں گے۔ یہ  ثقافتی تقریب  فیشن شو کے ساتھ ساتھ شام ساڑھے پانچ بجے سے شام سات بجے تک جاری رہے گی،جس میں انداز، تخلیقی صلاحیتوں اور شمال مشرقی مزاج کو پیش کیا جائے گا۔

پندرہ ، 15 جنوری 2024 کو ہونے والے پروگراموں میں منی پور کی تنگتھا فائٹ اور سکم کا متحرک لائن ڈانس شامل ہے۔ 16 جنوری، 2024 کو، جشن کا آغاز شام 5:00 بجے میزورم کے ایک بینڈ کے ساتھ ہوگا ، جس میں ایک گھنٹہ بھر کی دلکش پرفارمنس پیش کی جائے گی،  جس کے بعد منی پور کی موسیقی کی روح پرور دھنیں فضا میں بکھریں  گی۔ راک بینٖڈ باٹل راکٹ انڈیااسٹار پرفارمر کے طور تقریباً ایک گھنٹے تک سامعین کو مسحور کرے گا۔ اختتامی تقریب میں گلوکارہ اور وائلنسٹ سنیتا بھویان یہاں موسیقی کی صلاحیتوں کا مظاہرہ کریں گی۔

ان پرفارمنس کے درمیان، فیسٹیول میں دیگر روایتی رقص جیسے میگھالیہ کا ونگلا ڈانس، ناگالینڈ کا منگوانتا ڈانس، میزورم کا بانس ڈانس، آسام کا بیہو ڈانس اور مشہور ٹیٹسیو سسٹرس اور شنکوراج کونور کی پرفارمنس بھی دکھائی جائے گی۔

اتر پوروی مہوتسو کا افتتاحی ایڈیشن بلا شبہ محض ایک تقریب سے کہیں بالاتر ہے۔ یہ شمال مشرقی ہندوستان کے بھرپور ثقافتی تانے بانے اور اس کے معاشی امکانات میں گہرائی کے ساتھ غوطہ لگانے کا ایک پرجوش جشن ہے۔ یہ تقریب ایک منفرد سفر کاوعدہ کرتی ہے، جہاں روایت جدت کے ساتھ ملتی ہے، یہ ایک ایسے ماحول کو فروغ دیتی ہے، جہاں تنوع پنپتی ہے اور پھلتی پھولتی ہے۔

افتتاح اور سنگ بنیاد:

‘‘اتر پوروی مہوتسو 2024’’ کے دوران، جواہر لال نہرو یونیورسٹی (جے این یو) میں بارک ہاسٹل کا افتتاح کیا جائے گا۔ اس ہاسٹل میں شمال مشرقی خطے کے 400 طلباء رہ سکیں گے،  جو جے این یو میں تعلیم حاصل کرنے کے خواہشمند ہیں۔ مزید برآں، نئی دہلی کے دوارکا، نئی دہلی میں نارتھ ایسٹ کنونشن سینٹر کا سنگ بنیاد بھی رکھا جائے گا۔ یہ کنونشن سینٹر بین الاقوامی معیار کے مطابق بنایا جائے گا اور دہلی میں شمال مشرقی ہندوستان کے ثقافتی اور معلوماتی مرکز کے طور پر کام کرے گا۔

***

ش ح۔ م م ۔ ک ا