وائس ایڈمرل دنیش کے ترپاٹھی، اے وی ایس ایم، این ایم نے 04 جنوری 24 کو بھارتی بحریہ کے نائب سربراہ کا عہدہ سنبھالا۔ عہدہ سنبھالنے پر، فلیگ آفیسر نے پھولوں کی چادر چڑھا کر قوم کی خدمت میں عظیم قربانی دینے والے بہادروں کو خراج عقیدت پیش کیا۔ قومی جنگی یادگار میں بحریہ کے نائب سربراہ کا عہدہ سنبھالنے سے پہلے، وی اے ڈی ایم دنیش کے ترپاٹھی نے فلیگ آفیسر کمانڈنگ ان چیف، ویسٹرن نیول کمانڈ کے طور پر خدمات انجام دیں۔

سینک اسکول ریوا اور نیشنل ڈیفنس اکیڈمی، کھڑکواسلا کے سابق طالب علم، جناب کے تریپاٹھی کو  01 جولائی 1985 کو ہندوستانی بحریہ میں کمیشن دیا گیا تھا۔ مواصلات اور الیکٹرانک وارفیئر کے ماہر، انہوں نے بحریہ کے فرنٹ لائن جنگی جہازوں پر بطور سگنل کمیونیکیشن آفیسر اور الیکٹرانک وارفیئر آفیسر خدمات انجام دیں۔ بعد میں گائیڈڈ میزائل ڈسٹرائر آئی این ایس ممبئی کے ایگزیکٹو آفیسر اور پرنسپل وارفیئر آفیسر کے طور پرخدمات انجام دی ہیں۔ انہوں نے ہندوستانی بحریہ کے جہاز وناش، کرچ اور ترشول کی کمان کی۔ انہوں نے مختلف اہم آپریشنل اور عملے کی تقرری بھی کی ہے جس میں ممبئی میں ویسٹرن فلیٹ کے فلیٹ آپریشنز آفیسر، نیول آپریشنز کے ڈائریکٹر، پرنسپل ڈائریکٹر نیٹ ورک سینٹرک آپریشنز اور نئی دہلی میں پرنسپل ڈائریکٹر نیول پلانز شامل ہیں۔ ریئر ایڈمرل کے عہدے پر ترقی پر، انہوں نے این ایچ کیو میں اسسٹنٹ چیف آف نیول اسٹاف (پالیسی اینڈ پلانز) اور فلیگ آفیسر کمانڈنگ ایسٹرن فلیٹ کے طور پر خدمات انجام دیں۔

جون 2019 میں وائس ایڈمرل کے عہدے پر ترقی پر، فلیگ آفیسر کو کیرالہ کے ایزیمالا میں باوقار انڈین نیول اکیڈمی کا کمانڈنٹ مقرر کیا گیا۔ وہ جولائی 2020 سے مئی 2021 تک بحریہ کے آپریشنز کے ڈائریکٹر جنرل رہے، ایک ایسا دور جس میں نیول میری ٹائم آپریشنز کی تیز رفتاری دیکھنے میں آئی۔ انہوں نے اس بات کو یقینی بنایا کہ بحریہ جنگ کے لئے ہمیشہ تیار، قابل بھروسہ، مربوط اور مستقبل کی ثبوت والی فورس ہے، جو کہ کووڈ وبائی مرض کی ہمہ گیر شدت کے باوجود پیچیدہ سکیورٹی  چیلنجوں سے نمٹنے کے لیے تیار ہے۔ بعد میں، 21 جون سے 23 فروری تک، فلیگ آفیسر نے چیف آف پرسنل کے طور پر خدمات انجام دیں۔

ایڈمرل ڈیفنس سروسز اسٹاف کالج، ویلنگٹن کے گریجویٹ ہیں، جہاں انہیں تھمایا میڈل سے نوازا گیا۔ انہوں نے 2007-08 میں یو ایس نیول وار کالج، نیوپورٹ، رہوڈ آئی لینڈ میں نیول ہائیر کمانڈ کورس اور نیول کمانڈ کالج میں بھی شرکت کی، جہاں انہوں نے باوقار رابرٹ ای بیٹ مین انٹرنیشنل پرائز جیتا تھا۔

وائس ایڈمرل ترپاٹھی ڈیوٹی کی لگن کے لیے اتی وششٹ سیوا میڈل اور نوسینا میڈل حاصل کرنے والے ہیں۔ وہ ایک شوقین کھلاڑی بھی ہیں اور ٹینس، بیڈمنٹن اور کرکٹ کا شوق رکھتے ہیں۔ فلیگ آفیسر بین الاقوامی تعلقات، ملٹری ہسٹری اور آرٹ اینڈ سائنس آف لیڈر شپ کے اچھے طالب علم ہیں۔ ان  کی شادی محترمہ  ششی ترپاٹھی سے ہوئی، جو ایک فنکار اور گھریلو خاتون  ہیں۔ ان  کا ایک بیٹا ہے،جو پیشہ سے  ایک  وکیل ہے اور ان کی  شادی تانیا سے ہوئی ہے، جو پالیسی سازی کے شعبے میں کام کرتی ہیں۔

*********

U.NO.3243

(ش ح۔ام۔)