இந்திய அரசின் உயிரி தொழில்நுட்பத் துறை நாடு முழுவதும் உத்திபூர்வ கூட்டாண்மைகளின் வலிமையைப் பயன்படுத்தி உயிரி தொழில்நுட்ப கண்டுபிடிப்புகள் மற்றும் தொழில்முனைவை ஊக்குவிப்பதில் முன்னணியில் உள்ளது. பல ஆண்டுகளாக, தற்சார்பு இந்தியா, ஆரோக்கியமான இந்தியா, தூய்மை இந்தியா, ஸ்டார்ட்அப் இந்தியா மற்றும் மேக் இன் இந்தியா போன்ற தேசிய இயக்கங்களுக்கு இணங்க, உயிரி தொழில்நுட்பம் மற்றும் நவீன உயிரியலில் ஒரு துடிப்பான உயிரி தொழில்நுட்ப ஆராய்ச்சி மற்றும் கண்டுபிடிப்பு சூழல் அமைப்பை உயிரி தொழில்நுட்பத்துறை  உருவாக்கியுள்ளது. இந்த முயற்சிகள் அனைத்தும் உயிர் அறிவியல் மற்றும் உயிரி தொழில்நுட்பத் துறையில் ஏராளமான காப்புரிமைகள் மற்றும் வெளியீடுகளுக்கு வழிவகுத்தன.

2023 ஆம் ஆண்டில் உயிரி தொழில்நுட்பத் துறையின் முக்கிய சாதனைகள்:

முக்கிய கொள்கை சீர்திருத்தங்கள்: உயிரி தொழில்நுட்பத் துறையின் 14 தன்னாட்சி நிறுவனங்கள், நாடு முழுவதும் உயிரி தொழில்நுட்ப ஆராய்ச்சியின் தாக்கத்தை அதிகரிக்க மையப்படுத்தப்பட்ட மற்றும் ஒருங்கிணைந்த நிர்வாகத்திற்காக உயிரி தொழில்நுட்ப ஆராய்ச்சி மற்றும் கண்டுபிடிப்பு கவுன்சில் (பிரிக்) என்ற ஒரு தலைமை தன்னாட்சி சங்கத்தின் கீழ் இணைக்கப்பட்டன.

அதைத் தொடர்ந்து, பிரிக் சொசைட்டி 2023 நவம்பரில் பதிவு செய்யப்பட்டது. இந்த மறுசீரமைப்பு பயிற்சி அறிவியல் மற்றும் தொழில்நுட்ப கண்டுபிடிப்பு சூழல் அமைப்பை வலுப்படுத்துவதற்கும் ஒழுங்கமைப்பதற்கும் மதிப்பு மற்றும் தாக்கத்தை அடைவதை நோக்கமாகக் கொண்டுள்ளது,

 

உயிரி தொழில்நுட்பத் தொழில்முனைவோர் கலாச்சாரத்தை ஊக்குவித்தல்: 2014 ஆம் ஆண்டில் 6 ஆக இருந்த உயிரி தொழில்காப்பகங்கள் எண்ணிக்கை இப்போது 75-க்கும் அதிகமாக உள்ளது. கடந்த  ஒன்பதரை ஆண்டுகளில் உயிரி தொழில்நுட்ப ஸ்டார்ட்அப்களின் எண்ணிக்கை 6,000 க்கும் அதிகமாக அதிகரித்துள்ளது.

2012 ஆம் ஆண்டில் 10 உயிரி தொழில்நுட்பத் தயாரிப்புகளிலிருந்து, இன்று இந்த எண்ணிக்கை 800-க்கும் அதிகமான தயாரிப்புகளாக உள்ளது. 150 ஸ்டார்ட் அப் நிறுவனங்கள் தொடர்ந்து 4,500 கோடி ரூபாய் நிதி திரட்டியுள்ளன. நாட்டின் உயிரிப் பொருளாதாரம் 2023 ஆம் ஆண்டில் 137 பில்லியன் டாலரை எட்டியுள்ளது, இது 2030 ஆம் ஆண்டில் 300 பில்லியன் டாலரை எட்டும் என்று எதிர்பார்க்கப்படுகிறது.

உயிரி தொழில்நுட்பத் துறையின்  அறிவுசார் சொத்துடைமை வழிகாட்டுதல்கள் 2023: பல்வேறு பங்குதாரர்களுடன் கலந்தாலோசித்து, 2023 செப்டம்பரில் உயிரி தொழில்நுட்ப அறிவுசார் சொத்துடைமை வழிகாட்டுதல்களை அறிவித்தது. இந்த வழிகாட்டுதல்கள் துறையால் நிதியளிக்கப்பட்ட வெளிப்புற மற்றும் உள்முரல் நிறுவனங்களிலிருந்து அறிவுசார் சொத்துடைமை பரிமாற்றத்தை நிர்வகிக்கின்றன. இந்த வழிகாட்டுதல்கள் கல்வி நிறுவனங்கள் / ஆராய்ச்சி ஆய்வகங்களில் அறிவுசார் சொத்துடைமையை பெரிய சமூக தாக்கத்திற்கான தொழில்நுட்பங்கள் / தயாரிப்புகளாக வணிகமயமாக்கலை நோக்கி தடையின்றி மாற்றுவதற்கு ஏதுவாக வடிவமைக்கப்பட்டுள்ளன.

உயர் செயல்திறன் கொண்ட உயிரி உற்பத்தியை ஊக்குவிப்பதற்கான புதிய முயற்சி: கண்டுபிடிப்பு மற்றும் ஒருங்கிணைந்த புதுமையான ஆராய்ச்சி மூலம் கண்டுபிடிப்புகளை ஊக்குவிக்க உயர் செயல்திறன் கொண்ட உயிரி உற்பத்தியை வளர்ப்பதற்கான ஒரு முக்கிய முன்முயற்சியை இந்தத் துறை உருவாக்கியுள்ளது. அளவீட்டிற்கான இடைவெளிகளை நிரப்புதல்; உயிரி அடிப்படையிலான வணிக உற்பத்திகளை உருவாக்குவதற்கான உற்பத்தி வசதிகளை ஊக்குவித்தல் ஆகியவை இதில் அடங்கும். கண்டுபிடிப்புகளை ஆதரிப்பதற்காக உயிரி-செயற்கை நுண்ணறிவு மையங்கள் மற்றும் அளவை ஊக்குவிக்க உயிரி உற்பத்தி மையங்கள் போன்ற உயிரி-செயல்படுத்தும் மையங்கள் மூலம் இது அதிகரிக்கப்படும். குறைக்கப்பட்ட கார்பன் உமிழ்வு உற்பத்தி செயல்முறைகளை ஊக்குவிக்கும் அதே நேரத்தில் இந்தியாவின் உயிரிப் பொருளாதாரத்தின் வளர்ச்சிக்கு இந்த முன்முயற்சி உதவும் என்று எதிர்பார்க்கப்படுகிறது.

உயிரியல் ஆராய்ச்சி ஒழுங்குமுறை ஒப்புதல் இணையதளம் தொடக்கம்: "ஒரே நாடு, ஒரே இணையதளம்" என்ற உணர்வைக் கருத்தில் கொண்டு, பயோஆர்ஏபி ஒரு "முழு அரசு அணுகுமுறையாக" துறையால் உருவாக்கப்பட்டுள்ளது. இந்தியாவில் அறிவியல் ஆராய்ச்சியை எளிதாக்குவதற்கான முதல் படியாக இந்த இணையதளம் அமைந்துள்ளது. நாட்டில் உயிரியல் ஆராய்ச்சி மற்றும் மேம்பாட்டு நடவடிக்கைகளுக்குத் தேவையான ஒழுங்குமுறை ஒப்புதலைப் பெறும் அனைவருக்கும் பயோஆர்ஏபி சேவை செய்கிறது. இந்த இணையதளம் துறைகளுக்கிடையிலான ஒருங்கிணைப்பை வலுப்படுத்துவதோடு, உயிரியல் ஆராய்ச்சியின் பல்வேறு அம்சங்களை ஒழுங்குபடுத்தும் மற்றும் அனுமதி வழங்கும் முகமைகளின் செயல்பாட்டில் பொறுப்பு, வெளிப்படைத்தன்மை மற்றும் செயல்திறனைக் கொண்டுவரும். தனித்துவமான "BioRRAP ID" இணையதளத்துக்கான நுழைவாயிலாக செயல்படுகிறது. ஒழுங்குமுறை அனுமதிகளுக்கான விண்ணப்பங்களின் ஒப்புதலின் கட்டத்தைக் காணவும், குறிப்பிட்ட ஆராய்ச்சியாளர் மற்றும் / அல்லது நிறுவனத்தால் மேற்கொள்ளப்படும் அனைத்து ஆராய்ச்சி பணிகள் குறித்த ஆரம்ப தகவல்களையும் காண ஆராய்ச்சியாளருக்கு உதவும்.

மரபணு திருத்தப்பட்ட தாவரங்களின் ஒழுங்குமுறை மறுஆய்வுக்கான நிலையான இயக்க நடைமுறைகள் (எஸ்ஓபி): மரபணு திருத்தப்பட்ட தாவரங்கள் மற்றும் எதிர்காலத்திற்கான நெகிழ்திறன் கொண்ட பயிர்களை ஒழுங்குபடுத்துவதற்கு ஏதுவாக மரபணு திருத்தப்பட்ட தாவரங்களின் ஒழுங்குமுறை மறுஆய்வுக்கான நிலையான இயக்க நடைமுறைகள் இந்தத் துறை  அறிவித்தது.

தாவர மரபணு திருத்தம் பயன்பாட்டு உயிரியல் ஆராய்ச்சி மற்றும் கண்டுபிடிப்புகளின் அடிப்படையில் ஒரு நம்பிக்கைக்குரிய தொழில்நுட்பமாகும், இது பரந்த அளவிலான துறைகளில் மிகப்பெரிய பொருளாதார திறனைக் கொண்டுள்ளது. 'மரபணு மாற்றப்பட்ட தாவரங்களின் பாதுகாப்பு மதிப்பீட்டிற்கான வழிகாட்டுதல்கள்' 2022, மே மாதம் அறிவிக்கப்பட்டன. நிறுவன உயிர் பாதுகாப்புக் குழுக்கள் மூலம் உயிர் பாதுகாப்பு ஒழுங்குமுறையை செயல்படுத்தும் வகையில், அனைத்து பங்குதாரர்களுக்கும் தெளிவுபடுத்தும் வகையில் நடைமுறைகள் மற்றும் சரிபார்ப்பு பட்டியல் தயாரிக்கப்பட்டு அறிவிக்கை செய்யப்பட்டது.

-----

(Release ID: 1991615)

ANU/PKV/BS/KPG/KRS

(Release ID: 1992200) Visitor Counter : 194