پوسٹ کرنے کی تاریخ:
31 DEC 2023 1:46PM by PIB Delhi
حکومت ہند نے غیر قانونی سرگرمیاں (روک تھام) ایکٹ (یو اے پی اے) 1967 کے سیکشن 3 (1) کے تحت ’تحریکِ حریت ، جموں و کشمیر (ٹی ای ایچ)‘ کو ایک ’غیر قانونی تنظیم‘ قراردیا ہے۔
امورِ داخلہ اور امدادِ باہمی کے مرکزی وزیر جناب امت شاہ نے ایکس پر اپنی ایک پوسٹ میں کہا کہ ’’یہ تنظیم جموں و کشمیر کو بھارت سے علیحدہ کرنے اور اسلامی حکومت قائم کرنے کی‘‘ ممنوعہ سرگرمیوں میں ملوث پائی گئی۔ اس گروپ کو بھارت مخالف پروپیگنڈا پھیلانے اور جموں وکشمیر میں علیحدگی پسندی کو فروغ دینے کے لیے دہشت گردانہ سرگرمیاں جاری رکھے ہوئے پایا گیا۔‘‘
وزیر داخلہ نے کہا، ’’دہشت گردی کے خلاف وزیر اعظم جناب نریندر مودی کی عدم برداشت کی پالیسی کے تحت، بھارت مخالف سرگرمیوں میں ملوث پائے جانے والے کسی بھی شخص یا تنظیم کو فوری طور پر ناکام کیا جائے گا‘‘۔
تحریکِ حریت، جموں و کشمیر (ٹی ای ایچ) کا مقصد جموں وکشمیر کو بھارت سے علیحدہ کرنا اور جموں وکشمیر میں اسلامی حکومت قائم کرنا ہے۔ یہ تنظیم جموں وکشمیر میں دہشت گردی کو ہوا دینے اور علیحدگی پسندی کو فروغ دینے کے لیے بھارت مخالف پروپیگنڈا پھیلانے میں ملوث رہی ہے، جو کہ بھارت کی خودمختاری، سلامتی اور یکجہتی کے لیے ضرر رساں ہے۔ اس تنظیم پر غیر قانونی سرگرمیوں (روک تھام) ایک، آرمز ایکٹ، آر پی سی اور آئی پی سی، وغیرہ کی مختلف سیکشنوں کے تحت متعدد مجرمانہ کیس درج کیے جا چکے ہیں۔
**********
(ش ح –ا ب ن۔ م ف)
U.No:3127