প্রধানমন্ত্রীগী লোইশঙ
প্রধান মন্ত্রীনা অযোধ্যা ধামদা মহর্ষি বালমিকি ইন্তরনেসনেল এয়রপোর্ত শঙ্গাখ্রে
তর্মিনেল বিল্দিংগী মমাইদা শঙ্গাগদৌরিবা রাম মন্দিরগী লাইশঙগী য়ুমশারোল উৎলি
प्रविष्टि तिथि:
30 DEC 2023 4:50PM by PIB Imphal
ঙসি প্রধান মন্ত্রী শ্রী নরেন্দ্র মোদীনা নৌনা শাবা অযোধ্যা এয়রপোর্ত শঙ্গাখ্রে। এয়রপোর্ত অসি মহর্ষি বালমিকি ইন্তরনেসনেল এয়রপোর্ত হায়না মমিং থোল্লে।
তুংদা, মীয়ামগী থৌরম অমদা ৱা ঙাংবদা, অযোধ্যা এয়রপোর্ত অসি মহর্ষি বালমিকিগী মমিং থোনবদা প্রধান মন্ত্রীনা হরাওবা ফোঙদোকখি। মহাক্না হায়খি মহর্ষি বালমিকিগী রামায়ন অসি ঐখোয়গা রামগা শম্নহনবা লৌশিংগী লম্বীনি। অনৌবা ভারতকী মহর্ষি বালমিকি ইন্তরনেসনেল এয়রপোর্ত অসিনা ঐখোয়গা অযোধ্যা ধাম অমসুং অনৌবা রাম মন্দিরগা শম্নগনি। এয়রপোর্ত অসিগী অহানবা ফেজ অসিনা চহি অমদা পেসেঞ্জর লাখ ১০ চৎথোক-চৎশিন তৌবা য়াগনি অমসুং অনিশুবা ফেজ মতুংদা, মহর্ষি বালমিকি ইন্তরনেসনেল এয়রপোর্ত অসিনা চহি অমদা পেসেঞ্জর লাখ ৬০ চৎথোক-চৎশিন তৌবা য়াগনি।
অৱাংবা থাক্কী এয়রপোর্ত অসিগী ফেজ-১ অসি লুপা করোর ১৪৫০ হেনবগী শেনফম চঙনা শেমগৎপনি। এয়রপোর্ত অসিগী তর্মিনেল বিল্দিং অসি ইসক্বার মিতর ৬৫০০ পাক-চাউগনি, চহি অমদা পেসেঞ্জর লাখ ১০ সেবা তৌবা ঙমগনি। তর্মিনেল বিল্দিংগী মমাইদা নৌনা শঙ্গাগদৌরিবা শ্রী রাম মন্দিরগী লাইশঙগী য়ুমশারোল হাপকনি। তর্মিনেল বিল্দিংগী মনুংদা লমদম অসিগী কলা, ভাগবান শ্রী রামগী পুন্সিগী অয়েকপা লাইশিং অমসুং মুরেলশিং য়াওরে। অযোধ্যা এয়রপোর্তকী তর্মিনেল বিল্দিং অসিদা ইন্সুলেতেদ রুফিং, এল.ই.দি লাইত, নোংগী ঈশিং লোকশিনফম, ঈশিং পেরেশিং, ঈশিং শেংদোক্নবা প্লান্ত, অমোৎপা শেংদোক্নবা প্লান্ত, সোলার পৱার প্লান্ত অমসুং গ্রিহা-ফাইব স্তার রেতিং য়ৌবা ঙম্নবা অতোপ্পা খুদোংচাবা কয়া য়াওরে। এয়রপোর্ত অসিনা লমদম অসিদা তুরিজম, ললোন-ইতিক অমসুং থবক ফংবগী খুদোংচাবশিং হেনগৎহল্লগনি।
****
(रिलीज़ आईडी: 1991875)
आगंतुक पटल : 148
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam