ਰਾਸ਼ਟਰੀ ਦਿਵਿਯਾਂਗਜਨ ਵਿੱਤ ਅਤੇ ਵਿਕਾਸ ਨਿਗਮ ਦੇ ਤਹਿਤ ਭਾਰਤ ਸਰਕਾਰ ਦੇ ਸਮਾਜਿਕ ਨਿਆਂ ਅਤੇ ਸਸ਼ਕਤੀਕਰਣ ਮੰਤਰਾਲੇ ਦਾ ਦਿਵਿਯਾਂਗਜਨ ਸਸ਼ਕਤੀਕਰਣ ਵਿਭਾਗ ਦੇਸ਼ ਭਰ ਵਿੱਚ ਦਿਵਿਯਾਂਗ ਉੱਦਮੀਆਂ/ਕਾਰੀਗਰਾਂ ਦੇ ਉਤਪਾਦਾਂ ਅਤੇ ਸ਼ਿਲਪ ਕੌਸ਼ਲ ਨੂੰ ਪ੍ਰਦਰਸ਼ਿਤ ਕਰਨ ਵਾਲਾ ਇੱਕ ਵਿਲੱਖਣ ਪ੍ਰੋਗਰਾਮ ਸੂਰਤ, ਗੁਜਰਾਤ ਵਿੱਚ 29 ਦਸੰਬਰ, 2023 ਤੋਂ 7 ਜਨਵਰੀ, 2024 ਤੱਕ ‘ਦਿਵਯ ਕਲਾ ਮੇਲਾ’ ਆਯੋਜਿਤ ਕਰ ਰਿਹਾ ਹੈ। ਇਹ ਆਯੋਜਨ ਜੰਮੂ ਅਤੇ ਕਸ਼ਮੀਰ, ਉੱਤਰ ਪੂਰਬੀ ਰਾਜਾਂ ਸਮੇਤ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਦੇ ਜੀਵੰਤ ਉਤਪਾਦਾਂ ਦੇ ਰੂਪ ਵਿੱਚ ਵਿਜ਼ੀਟਰਾਂ ਲਈ ਹੈਂਡੀਕਰਾਫਟ, ਹੈਂਡਲੂਮ, ਕਢਾਈ ਦੇ ਕੰਮ ਅਤੇ ਪੈਕਡ ਫੂਡ ਆਦਿ ਇੱਕ ਆਕਰਸ਼ਨ ਅਨੁਭਵ ਪੇਸ਼ ਕਰੇਗਾ।

ਇਹ ਦਿਵਿਯਾਂਗਜਨਾਂ ਦੇ ਆਰਥਿਕ ਸਸ਼ਕਤੀਕਰਣ ਦੀ ਦਿਸ਼ਾ ਵਿੱਚ ਇੱਕ ਵਿਲੱਖਣ ਪਹਿਲ ਹੈ। ਦਿਵਯ ਕਲਾ ਮੇਲਾ ਦਿਵਿਯਾਂਗਜਨਾਂ (ਪੀਡਬਲਿਊਡੀ) ਦੇ ਉਤਪਾਦਾਂ ਅਤੇ ਕੌਸ਼ਲ ਦੀ ਮਾਰਕਿਟਿੰਗ ਅਤੇ ਪ੍ਰਦਰਸ਼ਨ ਦੇ ਲਈ ਇੱਕ ਵੱਡਾ ਪਲੈਟਫਾਰਮ ਪੇਸ਼ ਕਰਦਾ ਹੈ। ਦਿਵਯ ਕਲਾ ਮੇਲਾ, ਸੂਰਤ 2022 ਤੋਂ ਸ਼ੁਰੂ ਹੋਣ ਵਾਲੀ ਲੜੀ ਦਾ 12ਵਾਂ ਮੇਲਾ ਹੈ ਜਿਸ ਵਿੱਚ (i) ਦਿੱਲੀ, 2-6 ਦਸੰਬਰ 2022, (ii)  ਮੁੰਬਈ, 16 ਤੋਂ 25 ਫਰਵਰੀ 2023, (iii) ਭੋਪਾਲ, 12 ਤੋਂ 21 ਮਾਰਚ 2023, (iv) ਗੁਵਹਾਟੀ, 11 ਤੋਂ 17 ਮਈ 2023 (v)  ਇੰਦੌਰ, 17 ਤੋਂ 23 ਜੂਨ 2023(vi)  ਜੈਪੁਰ 29 ਜੂਨ ਤੋਂ 5 ਜੁਲਾਈ 2023 (vii) ਵਾਰਾਣਸੀ, 15 ਤੋਂ 24 ਸਤੰਬਰ 2023 (viii) ਸਿਕੰਦਰਾਬਾਦ, ਹੈਦਰਾਬਾਦ 6 ਤੋਂ 15 ਅਕਤੂਬਰ 2023 (ix) ਬੰਗਲੁਰੂ, ਕਰਨਾਟਕ 27 ਅਕਤੂਬਰ ਤੋਂ 5 ਨਵੰਬਰ, 2023 (x)  ਚੇਨੱਈ, TN 17 ਤੋਂ 26 ਨਵੰਬਰ, 2023, (xi) ਪਟਨਾ (ਬਿਹਾਰ) ) 8 - 17  ਦਸੰਬਰ 2023 ਦੇ ਪ੍ਰੋਗਰਾਮ ਸ਼ਾਮਲ ਹਨ।

ਲਗਭਗ 20 ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ ਲਗਭਗ 100 ਦਿਵਿਯਾਂਗ ਕਾਰੀਗਰ/ਕਲਾਕਾਰ ਅਤੇ ਉੱਦਮੀ ਆਪਣੇ ਉਤਪਾਦਾਂ ਅਤੇ ਕੌਸ਼ਲ ਦਾ ਪ੍ਰਦਰਸ਼ਨ ਕਰਨਗੇ। ਹੇਠ ਦਿੱਤੀ ਵਿਆਪਕ ਸ਼੍ਰੇਣੀ ਵਿੱਚ ਉਤਪਾਦ ਇੱਥੇ ਉਪਲਬਧ ਹੋਣਗੇ: ਗ੍ਰਹਿ ਸਜਾਵਟ ਅਤੇ ਜੀਵਨ ਸ਼ੈਲੀ, ਕਪੜੇ, ਸਟੇਸ਼ਨਰੀ ਅਤੇ ਵਾਤਾਵਰਣ ਦੇ ਅਨੁਕੂਲ ਉਤਪਾਦ, ਪੈਕਡ ਭੋਜਨ ਅਤੇ ਜੈਵਿਕ ਉਤਪਾਦ, ਖਿਡੌਣੇ ਅਤੇ ਉਪਹਾਰ, ਨਿਜੀ ਸਹਾਇਕ ਉਪਕਰਣ-ਗਹਿਣੇ, ਕਲੱਚ ਬੈਗ। ਇਹ ਸਾਰਿਆਂ ਦੇ ਲਈ ‘ਵੋਕਲ ਫੋਰ ਲੋਕਲ’ ਬਣਨ ਦਾ ਮੌਕਾ ਹੋਵੇਗਾ ਅਤੇ ਦਿਵਿਯਾਂਗ ਕਾਰੀਗਰਾਂ ਦੁਆਰਾ ਉਨ੍ਹਾਂ ਦੇ ਵਾਧੂ ਦ੍ਰਿੜ੍ਹ ਸੰਕਲਪ ਨਾਲ ਬਣਾਏ ਗਏ ਉਤਪਾਦਾਂ ਨੂੰ ਦੇਖਿਆ/ਖਰੀਦਿਆ ਜਾ ਸਕੇਗਾ।

10 ਦਿਨਾਂ ‘ਦਿਵਯ ਕਲਾ ਮੇਲਾ’, ਸੂਰਤ ਜਨਤਾ ਦੇ ਲਈ ਸਵੇਰੇ 11.00 ਵਜੇ ਤੋਂ ਖੁੱਲਾ ਰਹੇਗਾ। ਰਾਤ 9:00 ਵਜੇ ਤੱਕ ਅਤੇ ਦਿਵਿਯਾਂਗ ਕਲਾਕਾਰਾਂ ਅਤੇ ਮਸ਼ਹੂਰ ਪੇਸ਼ੇਵਰਾਂ ਦੇ ਪ੍ਰਦਰਸ਼ਨ ਸਮੇਤ ਸੱਭਿਆਚਾਰਕ ਗਤੀਵਿਧੀਆਂ ਦੀ ਇੱਕ ਲੜੀ ਦੇਖਣਗੇ। ਪ੍ਰੋਗਰਾਮ ਵਿੱਚ ਟੂਰਿਸਟ ਦੇਸ਼ ਦੇ ਵੱਖ-ਵੱਖ ਖੇਤਰਾਂ ਦੇ ਆਪਣੇ ਪਸੰਦੀਦਾ ਭੋਜਨ ਦਾ ਆਨੰਦ ਵੀ ਲੈ ਸਕਦੇ ਹਨ।

ਕੇਂਦਰੀ ਸਮਾਜਿਕ ਨਿਆਂ ਅਤੇ ਸਸ਼ਕਤੀਕਰਣ ਮੰਤਰੀ, ਭਾਰਤ ਸਰਕਾਰ ਦੁਆਰਾ ਇਸ ਪ੍ਰੋਗਰਾਮ ਦਾ ਉਦਘਾਟਨ 29 ਦਸੰਬਰ, 2023 ਨੂੰ ਸ਼ਾਮ 4.00 ਵਜੇ ਹੋਣ ਵਾਲਾ ਹੈ। ਇਸ ਮੌਕੇ ‘ਤੇ ਕਈ ਪਤਵੰਤੇ ਵੀ ਮੌਜੂਦ ਰਹਿਣਗੇ।

ਵਿਭਾਗ ਦੇ ਕੋਲ ਇਸ ਧਾਰਨਾ ਨੂੰ ਉਤਸ਼ਾਹਿਤ ਕਰਨ ਲਈ ਸ਼ਾਨਦਾਰ ਯੋਜਨਾਵਾਂ ਹਨ, ਜਿਸ ਦੇ ਹਿੱਸੇ ਵਜੋਂ ਦੇਸ਼ ਭਰ ਵਿੱਚ ‘ਦਿਵਯ ਕਲਾ ਮੇਲਾ’ ਆਯੋਜਿਤ ਕੀਤਾ ਜਾਵੇਗਾ। 2023-2024 ਦੌਰਾਨ ਇਹ ਪ੍ਰੋਗਰਾਮ ਹੋਰ ਸ਼ਹਿਰਾਂ ਵਿੱਚ ਵੀ ਆਯੋਜਿਤ ਕੀਤਾ ਜਾਵੇਗਾ। 

************

ਐੱਮਜੀ/ਐੱਮਐੱਸ/ਵੀਐੱਲ/ਐੱਸਡੀ