ত্রিপুরা রাজ্যদা অপুনবা কিমি ১৩৪.৯১৩ শাংবা এন.ঐচ-২০৮গী কিমি ১০১.৩০০(খোৱাই) দগী কিমি ২৩৬.২১৩(হরিনা) ফাওবগী লম্বীগী শরুক ফগৎহনবা অমসুং লেন অনিদা পাকথোকহনবা অমসুং লম্বীগী পেব সোলজর শেম্বদা প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা অয়াবা পীরে।

লোনগী শরুক লুপা করোর ১,৫১১.৭০ গী শেনফম অমা য়াওনা প্রোজেক অসিগী অপুনবা শেনফম লুপা করোর ২,৪৮৬.৭৮ নি। লোনগী মতেং অসি ওফিসিএল দিবলপমেন্ত  এসিস্তেন্স(ও দি এ) স্কিমগী মখাদা জপান ইন্তরনেসনেল কোওপরেসন এজেন্সি(জিকা)না পীরক্কদবনি। প্রোজেক অসিনা ত্রিপুরাগী তোঙান-তোঙানবা মফমশিংগী মরক্তা লম্বী-থোংগী ফিবম ফগৎহনগনি অমসুং হৌজিক চৎনরিবা এন.ঐচ-৮গী মথক্তা ত্রিপুরাদগী অসাম অমসুং মেঘালয় য়ৌবা য়াবা অতোপ্পা লম্বী লৈরগনি।

কান্নবশিং:

লমদম অসিগী শেন্মিৎলোনগী দরকার ওইবশিং খন্নরবা মতুংদা নুংঙাইবা অমসুং গারি চেনবা য়াবা লম্বী লৈহনবগী তঙাইফদবা অদু য়েংলগা প্রোজেক অসি পায়খৎনবা খনখিবনি। এন.ঐচ-৮ গী শরুক ফগৎহনবা অসিনা এন.ঐচ-২০৮এ ফাওরগা অসাম অমসুং ত্রিপুরাগী মরক্তা চৎথোক-চৎশিন ফগৎহনবতা নত্তনা চৎথোক-চৎশিন তৌরিবা মীওইশিংগী মতম হন্থহনগনি অমসুং নুংঙাইহনগনি। লম্বী অসিনা বাংলাদেস ঙমখৈ ময়া য়াম্না নক্না চৎলি অমসুং মসিনা কাইলাসাহার, কমলপুর অমসুং খোৱাই বোর্দর চেক পোস্ত ফাওরগা বাংলাদেস য়ৌবা লম্বীগী ফিবম ফগৎহনগনি। লম্বীগী প্রোজেক অসিনা লমদম অসিদা লম্বী-থোং ফগৎহন্দুনা কংফালগী শরুক্তা লৈবা ঙমখৈদা ললোন-ইতিক্কী থবকশু চাউখৎহনগনি।

লম্বী অসিনা লৌউ-শিংউগী মফম, লমকোয়ফমশিং, লাইফমশিং অমসুং রাজ্য অসিগী চাউখৎতনা লৈরিবা ত্রাইবেলশিংগী মফমশিংগা শম্নবা লম্বী ফগৎহনগনি। প্রোজেক অসি লোইশিল্লবা মতুংদা, লম্বী-থোংগী ফিবম ফগৎলক্তুনা রাজ্য অসিগী মীয়াম অমসুং রাজ্য সরকারগী শেন্থোক হেনগৎহনবদা মতেং পাংগনি।

লম্বী পরিং অসি শেমগৎপদা চহি ২ চঙগনি অমসুং মসিগী মনুংদা লম্বী শেম্বা লোইরবা মতুংদা নেসনেল হায়ৱে পরিং অসি চহি ৫ য়েংশিনবা( করিগুম্বা ফেক্সিবল পেবমেন্ত ওইরবদি) নত্ত্রগা চহি ১০(রিজিত পেবমেন্ত ওইরবদি) য়েংশিনগনি।

*******