প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা সাউদি অরাবিয়াগী যুবরাজ অমসুং প্রধান মন্ত্রীগা তেলিফোন্দা ৱারি শানখ্রে
লুচিংবশিংনা লৈবাক অনিগী স্ত্রাতেজিক পার্তনরশিপগী খুমাংচাউশিনবা হন্না য়েংশিনখি অমসুং তুংগী ফিবমগী মতাংদা খন্নখি
নোংচুপ এসিয়াগী ফিবম, তেরোরিজম, হিংশা অমসুং মীচমশিংগী থৱায় মাঙবগী মতাংদা মখোয়না নুংনাঙবা ফোঙদোকখি
লমদম অসিদা শান্তি, সেকুরিতি অমসুং তুংদু-লৈতাবা পুরক্নবা পুন্না থবক তৌমিন্নবা হায়না মখোয়না য়ানখি
Posted On:
26 DEC 2023 8:33PM by PIB Imphal
প্রধান মন্ত্রী শ্রী নরেন্দ্র মোদীনা সাউদি অরাবিয়াগী যুবরাজ অমসুং প্রধান মন্ত্রী মোহমদ বিন সলমান বিন অবদুলাজিজ অল সাউদকা তেলিফোন্দা ৱারি শানখ্রে।
সেপতেম্বর ২০২৩ দা পাংথোকখিবা যুবরাজগী ভারত খোঙচৎ মতুংদা মখা তারকপা ওইনা লৈবাক অনিগী স্ত্রাতেজিক পার্তনরশিপগী খুমাঙচাউনশিনবা লুচিংবশিংনা হন্না য়েংশিনখি। তুংগীদমক নাকল অনিগী মরী খুমাঙচাউশিন্নবা মখোয়না খন্নখি।
লুচিংবশিংনা নোংচুপ এসিয়াগী হৌজিক ওইরিবা ফিবমগী মতাংদা খন্নখি। তেরোরিজম, হিংশা অমসুং মীচমশিংগী থৱায় মাঙবগী মতাংদা মখোয়না নুংনাঙবা ফোঙদোকখি। লমদম অসিদা শান্তি, সেকুরিতি অমসুং তুংদু-লৈতাবা পুরক্নবা পুন্না থবক তৌমিন্নবা হায়না লুচিংবা অনিনা য়ানখি। সমুদ্রগী ঙাক-শেন অমসুং নিংতম্না চৎথোক-চৎশিন তৌবগী তঙাইফদবগী মতাংদা মখোয়না তকশিনখি।
এক্সপো ২০৩০ অমসুং ফিফা ফুতবোল ৱার্ল্দ কপ ২০৩৪ য়ুম্বু ওইনবা সাউদি অরাবিয়া খল্লকপদা প্রধান মন্ত্রীনা য়াইফ-পাউজেল পীখি।
মখা তানা পাউ ফাউনবা হায়না লুচিংবশিংনা য়ানখ্রে।
***
(Release ID: 1990996)
Visitor Counter : 44
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam