মহামনা পন্দিৎ মদন মোহন মালবিয়াগী ১৬২ শুবা মপোক কুমওন থৌরমদা থৌরমদা, প্রধান মন্ত্রী শ্রী নরেন্দ্র মোদীনা বিগ্যান ভাবন্দা নুংথিলগী পুং ৪:৩০ রোম তাবদা পাংথোক্কদবা থৌরম অমদা ‘কল্লেক্তেৎ ৱার্কস ওফ পন্দিৎ মন্দন মোহন মালবিয়া’গী ভোলুম ১১গী অহানবা সেরিজশিং ফোঙগনি। থৌরম অদুদা প্রধান মন্ত্রীনা মীয়ামদা ৱা ঙাংগনি।

অমৃত কালদা, লৈবাক অসিগীদমক কৎথোকখিবা নিংতম লান্মীশিং মপুংফানা ইকায়খুম্নবা উৎপা হায়বসি প্রধান মন্ত্রীগী পান্দমনি। ‘কল্লেক্তেৎ ৱার্কস ওফ পন্দিৎ মন্দন মোহন মালবিয়া’ অসি মাইকৈ অসিদা থাংজিনবা থবক অমনি।

ভোলুম ১১গী ইংলিস অমসুং হিন্দী অনিমক্কী লাইরিক অসি লমায় ৪,০০০ রোম পাল্লি অমসুং লৈবাক অসিগী মফম খুদিংমক্তগী খোমজিনবা পন্দিৎ মোহন মালবিয়াগী খুৎইশিং অমসুং ৱারোলশিংগী খোমজিনবা অমনি। হায়রিবা ভোলুমশিং অসিদা মহাক্কী ফোঙদ্রিবা চিথিশিং, আর্তিকলশিং অমসুং ৱারোলশিং, মেমোরেন্দমশিং; মহাক্না ১৯০৭দা হৌদোকখিবা হিন্দীগী চয়োলগী চেফোঙ ‘অভয়ুদয়া’গী ইদিতোরিএলশিং; মতম মতমগী মতুংইন্না মহাক্না ইবা পম্ফলেতশিং অমসুং লাইরিকমচাশিং; ১৯০৩ অমসুং ১৯১০গী মরক্তা অগ্রাগী য়ুনাইতেদ প্রোভিন্সকী লেজিসলেতিপ কাউন্সিলদা পীখিবা ৱারোলশিং; রোয়াল কম্মিসনগী মমাঙদা পীখিবা ৱারোলশিং; ১৯১০ অমসুং ১০২০গী মরক্তা ইম্পরিয়েল লেজিসলেতিপ কাউন্সিলদা পুথোকখিবা বীলশিং; বরানস হিন্দু য়ুনিভর্সিতি লিংখৎত্রিঙৈ মমাং অমসুং মতুংদা ইখিবা চিথিশিং, আর্তিকলশিং অমসুং ৱারোলশিং অমসুং মহাক্না ১৯২৩ অমসুং ১৯২৫গী মরক্তা ইখিবা দাইরি অমা য়াওরি।

মহামনা পন্দিৎ মদন মোহন মালবিয়াগী ফিদমশিং অমসুং গুনশিং শন্দোক্নবা কৎথোক্লবা মহৈলোয়শঙ অমা, মহামনা মালবিয়া মিসন্না পন্দিৎ মদন মোহন মালবিয়ানা ইরম্বশিং অমসুং ৱারোলশিং থিজিনবা অমসুং খোমজিনবগী থবক পাংথোকপনি। শক্নাইরবা পাউমী শ্রী রাম বহাদুর রাইনা লুচিংবা মিসনগী কৎথোক্লবা কাংবু অমনা, লোল অমসুং তেক্স শেমদোক-শাদোকপা তৌদনা পন্দিৎ মদন মোহন মালবিয়াগী অশেংবা সাহিত্যগী লমদা থবক তৌরি। ইনফোর্মেসন অমসুং ব্রোদকাস্তিং মিনিস্ত্রিগী মখাদা লৈবা পব্লিকেসন দিবিজন্না হায়রিবা লাইরিকশিং অসি ফোঙবনি।

বরানস হিন্দু য়ুনিভর্সিতি লিংখৎলম্বা পন্দিৎ মদন মোহন মালবিয়ানা অনৌবা ভারত শেমগৎলম্বা মীওইশিংগী মরক্তা মরুওইবা মফম অমা কল্লি। মহাক লৈবাক অসিগী মীয়াম জাতিগী ৱাখল্লোন হেনগৎহন্নবা চোকথবা নাইদনা থবক তৌখিবা শক্নাইরবা পন্দিৎ অমা অমসুং নিংতম লান্মী অমা ওইনা নিংশিংলি।

***