خواتین اور اطفال ،بہبود کی وزیر محترمہ  اسمرتی زوبن ایرانی نے آج راجیہ سبھا میں ایک تحریری جواب میں یہ معلومات دی ہے کہ صنفی انصاف حکومت کا ایک اہم عہد ہے جیسا کہ ہندوستان کے آئین میں درج ہے۔ صنفی مساوات پر مبنی معاشرے کو فروغ دینے اور مختلف شعبوں میں خواتین کی نمائندگی بڑھانے کے لیے، حکومت کی جانب سے گزشتہ برسوں میں کئی اقدامات کیے گئے ہیں۔ ان میں فوجداری قوانین اور خصوصی قوانین کا نفاذ شامل ہے جیسے ‘گھریلو تشدد سے خواتین کا تحفظ ایکٹ، 2005’،‘جہیز پر پابندی ایکٹ، 1961’، ‘چائلڈ میرج ایکٹ، 2006’؛ ‘خواتین کی غیر مہذب نمائندگی (ممانعت) ایکٹ، 1986’؛‘خواتین کی جنسی ہراسانی (روک تھام، ممانعت اور ازالہ) ایکٹ، 2013’،‘غیر اخلاقی خرید و فروخت (روک تھام) ایکٹ، 1956’،‘ستی کی روک تھام کا کمیشن، 1987’،‘جنسی جرائم سے بچوں کا تحفظ ایکٹ 2012، ’جوینائل جسٹس (بچوں کی دیکھ بھال اور تحفظ) ایکٹ،2015، پنچایتی راج اداروں (پی آر آئی) میں خواتین کے لیے کم از کم ایک تہائی ریزرویشن، مرکزی/ریاستی پولیس فورسز میں خواتین کے لیے ریزرویشن، نیشنل ڈیفنس اکیڈمی (این ڈی اے) اور سینک اسکولوں، کمانڈو فورسز وغیرہ میں خواتین کو شامل کرنے کے انتظامات کو فعال کرنا وغیرہ شامل ہیں۔

پچھلے کچھ سالوں میں، ہندوستان ایک نئے ہندوستان کے وژن کے ساتھ خواتین کی ترقی سے خواتین کی قیادت والی ترقی کی طرف تیزی سے تبدیلی دیکھ رہا ہے۔ اس مقصد کے لیے، حکومت نے تعلیمی، سماجی، اقتصادی اور سیاسی  طورپر بااختیار بنانے کے لیے زندگی بھر کے تسلسل کی بنیاد پر خواتین کے مسائل کو حل کرنے کے لیے کثیر جہتی نقطہ نظر اپنایا ہے، تاکہ وہ تیز رفتار اور پائیدار قومی ترقی میں برابر کی شراکت دار بنیں۔

ہندوستان اس وقت دنیا کے ان 15 ممالک میں سے ایک ہے جہاں ایک خاتون سربراہ مملکت ہے۔ عالمی سطح پر، ہندوستان میں مقامی حکومتوں میں منتخب خواتین کے نمائندوں کی مطلق تعداد سب سے زیادہ ہے۔ہندوستان میں عالمی اوسط سے 10 فیصد زیادہ خواتین پائلٹس ہیں۔ عالمی سطح پر، انٹرنیشنل سوسائٹی آف ویمن ایئر لائن پائلٹس کے مطابق، تقریباً 5 فیصد پائلٹس خواتین ہیں۔ ہندوستان میں خواتین پائلٹوں کا حصہ نمایاں طور پر15 فیصد سے زیادہ ہے ۔

ڈائریکٹوریٹ جنرل آف سول ایوی ایشن (ڈی جی سی اے)نے ہندوستان کی تمام طے شدہ ایئر لائنز اور بڑے ہوائی اڈے آپریٹرز کو 2025 تک انٹرنیشنل ایئر ٹرانسپورٹ ایسوسی ایشن(25)آئی اے ٹی اے پہل میں حصہ لینے کے لیے ایک ایڈوائزری جاری کی ہے جو کہ صنعت میں وسیع تنوع اور شمولیت کے منصوبےکاایک بنیادی مقصد ہے۔جس میں سینئر عہدوں پر خواتین کی تعداد میں یا تو فی الحال رپورٹ شدہ میٹرکس کے مقابلے میں25فیصدیا 2025 تک کم از کم نمائندگی 25فیصد تک بڑھاناشامل ہے۔ ایئرپورٹس اتھارٹی آف انڈیا(اے اے آئی)نے تنظیم کے کام کاج کے لیے بنیادی طور پر حساس ڈومینز جیسے کہ ایئر ٹریفک کنٹرول، فائر سروسز، ایئرپورٹ آپریشنزمیں خواتین کی شرکت کا اہل بنایا ہے۔اے اے آئی کے ذریعے براہ راست بھرتی کی مشق میں خواتین امیدواروں کو فیس میں مزید چھوٹ دی جاتی ہے۔

پرائمری اور سیکنڈری تعلیم میں لڑکیوں کے مجموعی اندراج کا تناسب (جی ای آر)لڑکوں کے تقریباً برابر ہے۔ سائنس، ٹیکنالوجی، انجینئرنگ اور ریاضی(ایس ٹی ای ایم)میں لڑکیوں/خواتین کی موجودگی 43فیصد ہے، جو دنیا میں سب سے زیادہ ہے۔ سائنس، ٹیکنالوجی، انجینئرنگ اور ریاضی(ایس ٹی ای ایم)میں خواتین کی شرکت بڑھانے کے لیے متعدد اقدامات کیے گئے ہیں۔ وگیان جیوتی کو 2020 میں شروع کیا گیا تھا تاکہ 9ویں سے 12ویں تک سائنس اور ٹیکنالوجی کے مختلف اسٹریمز میں لڑکیوں کی کم نمائندگی کو متوازن کیا جا سکے۔ اوورسیز فیلوشپ اسکیم18-2017 میں شروع ہوئی جو ہندوستانی خواتین سائنسدانوں اور تکنیکی ماہرین کو ایس ٹی ای ایم میں بین الاقوامی تعاون پر مبنی تحقیق کرنے کے مواقع فراہم کرتی ہے۔کئی خواتین سائنسدانوں نے ہندوستان کے پہلے مارس آربیٹر مشن (ایم او ایم)یا منگلیان میں اہم کردار ادا کیا ہے، جس میں اسپیس ایپلیکیشن سینٹر میں سائنسی آلات کی تعمیر اور جانچ بھی شامل ہے۔

مزید برآں، حکومت ہند نے مختلف منصوبہ بندی اور قانون سازی کی مداخلتیں کی ہیں اور مختلف پیشوں میں خواتین کی شرکت کو یقینی بنانے کے لیے قابل عمل انتظامات کیے ہیں۔ اسکل انڈیا مشن کے تحت خواتین کارکنوں کی ملازمت کے تناسب کو بڑھانے کے لیے حکومت خواتین کے صنعتی تربیتی اداروں، قومی پیشہ ورانہ تربیتی اداروں اور علاقائی پیشہ ورانہ تربیتی اداروں کے نیٹ ورک کے ذریعے انہیں تربیت فراہم کر رہی ہے۔

خواتین کے روزگار کی حوصلہ افزائی کرنے کے لیے، حال ہی میں نافذ کردہ لیبر کوڈز میں متعدد قابل عمل دفعات کو شامل کیا گیا ہے۔ جیسے کہ ضابطہ اجرت، 2019، صنعتی تعلقات کا ضابطہ، 2020، پیشہ ورانہ تحفظ، صحت اور کام کے حالات کا ضابطہ، 2020 اور سماجی تحفظ کا ضابطہ، 2020 یہ تمام ضابطے خواتین کارکنوں کے لیے کام کا سازگار ماحول پیدا کرنے کے لیے ہیں۔

نیشنل ایگریکلچر مارکیٹ یا ای این اے ایم زرعی اجناس کے لیے ایک آن لائن ٹریڈنگ پلیٹ فارم ہے، اسکیم ‘‘کسان کال سینٹرز’’ کسانوں کے سوالات کا جواب ان کی اپنی بولی میں ٹیلی فون کال پر دیتی ہے، موبائل ایپلیکیشنز جیسے کسان سوِدھا، ایگری مارکیٹ، نیشنل کراپ انشورنس پورٹل،امنگ (یونیفائیڈ موبائل) نیو ایج گورننس کے لیے درخواست)کو بھی متعارف کرایا گیا ہے۔ یہ ڈیجیٹل ایجادات خواتین کو بازاروں تک رسائی میں درپیش رکاوٹوں پر قابو پانے یا ان کی تلافی میں مدد کر رہی ہیں۔

حکومت ہند ‘‘مشن شکتی’’ کو نافذ کرتی ہے جس کے دو اجزاء ہیں، سمبل اور سامرتھ۔‘‘سنبل’’ کے تحت، بیٹی بچاؤ بیٹی پڑھاؤ، ون اسٹاپ سینٹر، ویمن ہیلپ لائن اور ناری عدالت جیسے اجزاء کام کر رہے ہیں۔‘‘سامرتھ’’، ذیلی اسکیم، اجزاء میں پردھان منتری ماترو وندنا یوجنا، شکتی سدن، خواتین کو بااختیار بنانے کا مرکز،سکھی نواس یعنی ورکنگ ویمن ہاسٹل، پالنا، آنگن واڑی اور بچوں کی دیکھ بھال  شامل  ہیں۔

کسانوں کی فلاحی اسکیمیں جیسے پردھان منتری کسان سمان ندھی، پردھان منتری کسان مان دھن یوجنا، پردھان منتری کرشی سنچائی یوجنا، پرمپراگت کرشی وکاس یوجنا، پردھان منتری فصل بیمہ یوجنا، وغیرہ خواتین کسانوں کے لیے ایک سازگار ماحول کی پرورش کرتی رہتی ہیں۔ ان اقدامات کے ذریعے حکومت زرعی توسیعی خدمات سمیت پیداواری وسائل تک فارم خواتین کی رسائی کو بہتر بنا رہی ہے جس سے دیہی خواتین کی زندگیوں میں مجموعی طور پر بہتری آ رہی ہے۔

نیشنل کوآپریٹو ڈیولپمنٹ کارپوریشن خواتین کوآپریٹیو کی ترقی میں ایک اہم کردار ادا کر رہی ہے کیونکہ خواتین کی بڑی تعداد کوآپریٹیو میں مصروف اور شامل ہے جیسے غذائی اجناس کی پروسیسنگ،پودوں کو لگانا، تیل کے بیجوں کی پروسیسنگ، ماہی پروری، ڈیری اور لائیو اسٹاک، اسپننگ ملز، ہینڈلوم اور پاور لوم ویونگ، انٹیگریٹڈ کوآپریٹو ڈویلپمنٹ پروجیکٹس وغیرہ۔

حکومت کی فلیگ شپ اسکیم دین دیال انتودیا یوجنا - نیشنل رورل لائیولی ہڈ مشن (ڈے-این آر ایل ایم) کے تحت، تقریباً 90 لاکھ خواتین کے سیلف ہیلپ گروپس (ایس ایچ جی) جن میں تقریباً 10 کروڑ خواتین ممبران ہیں، خواتین کی معاشی بااختیار بنانے کے حوالے سے دیہی منظر نامے کو تبدیل کر رہے ہیں۔

پردھان منتری آواس یوجنا یا وزیر اعظم ہاؤسنگ اسکیم کے تحت منظور کیے گئے تقریباً 40 ملین گھروں میں سے زیادہ تر خواتین کے نام پر ہیں۔ اس سب نے مالیاتی فیصلہ سازی میں خواتین کی شرکت میں اضافہ کیا ہے۔‘ووکل فار لوکل’کے تحت خواتین کو بااختیار بنانے کے ساتھ بہت کچھ کرنا ہے، کیونکہ زیادہ تر مقامی مصنوعات کی طاقت خواتین کے ہاتھ میں ہے۔

حکومت نے مسلح افواج میں خواتین کی نمائندگی کو بڑھانے کے لیے قابل سازگار انتظامات کیے ہیں جیسے کہ لڑاکا پائلٹس ، جنگی کرداروں میں خواتین کو مستقل کمیشن دینا، نیشنل ڈیفنس اکیڈمی (این ڈی اے) میں خواتین کے داخلے کی اجازت، سینک اسکولوں میں لڑکیوں کا داخلہ، وغیرہ۔ ہندوستانی فضائیہ(آئی اے ایف) میں خواتین افسران کو تمام شاخوں اورا سٹریموں میں شامل کیا جاتا ہے۔ آئی اے ایف نے پہلی بار اگنی پتھ اسکیم کے تحت خواتین کو اگنی ویروایو کے طور پر دیگر صفوں میں شامل کیا ہے۔ اس وقت 154 خواتین امیدوار زیر تربیت ہیں۔

حکومت نے خواتین پر مبنی مختلف اقدامات بھی اٹھائے ہیں جن سے سرکاری خدمات میں مزید خواتین کی شرکت کی حوصلہ افزائی ہو سکتی ہے۔ ان میں، دوسری باتوں کے ساتھ، چائلڈ کیئر لیو (سی سی ایل) حاصل کرنا، ہیڈ کوارٹر چھوڑنا اورسی سی ایل کے دوران غیر ملکی سفر پرجانا، خصوصی الاؤنس @Rs شامل ہیں۔ معذور خواتین ملازمین کو بچوں کی دیکھ بھال کے لیے 3000 ماہانہ، آل انڈیا سروس آف نارتھ ایسٹ کیڈر کی خواتین افسران کے لیے خصوصی امداد، مبینہ طور پر جنسی طور پر ہراساں کیے جانے والی خواتین سرکاری ملازمین کو 90 دن تک کی چھٹی، خواتین کے لیے مسابقتی امتحان سے فیس کی چھوٹ۔ ایک ہی اسٹیشن پر شوہر اور بیوی کی پوسٹنگ وغیرہ۔ ریاستوں/ مرکز کے زیر انتظام علاقوں کو خواتین بس ڈرائیوروں، کنڈکٹروں اور ٹورسٹ گائیڈوں کی تعداد بڑھانے کا بھی مشورہ دیا گیا ہے۔ مزیدیہ کہ حکومت نے تمام ریاستی حکومتوں اور مرکز کے زیر انتظام علاقوں کو ریاستوں/ مرکز کے زیر انتظام علاقوں میں پولیس اہلکاروں کی کل تعداد میں خواتین کی نمائندگی کو 33 فیصد تک بڑھانے کے لیے مشورے بھی جاری کیے ہیں۔

عوامی زندگی میں خواتین کی موجودگی بڑھ رہی ہے۔ آزادی کے بعد ملک میں پہلی بار 2019 کے لوک سبھا انتخابات میں 81 خواتین لوک سبھا کی ممبر منتخب ہوئیں۔ پنچایتی راج اداروں میں1.45 ملین یا 46 فیصدسے زیادہ خواتین منتخب نمائندہ ہیں (33فیصدکی لازمی نمائندگی کے  برخلاف)۔ ہندوستان کے آئین میں 73ویں اور 74ویں ترمیم (1992) نے خواتین کے لیے پنچایتوں اور بلدیات میں 1/3 نشستیں ریزرو کر دی  ہیں۔

خواتین کو بااختیار بنانے اور ملک کے اعلیٰ ترین سیاسی دفاتر میں خواتین کی نمائندگی کے لیے سب سے بڑی چھلانگ 28 ستمبر 2023 کو حکومت کی جانب سے ناری شکتی وندن ادھینیم، 2023 (آئین میں ایک سو چھٹی ترمیم) ایکٹ، 2023 کا نوٹیفکیشن ہے۔ اس کے تحت خواتین کو عوام کے ایوان (لوک سبھا) اور دہلی کی این سی ٹی کی قانون ساز اسمبلی سمیت ریاستی قانون ساز اسمبلیوں میں خواتین کے لیے ایک تہائی نشستوں کے لئے ریزرویشن  فراہم کیا گیا ہے۔

*************

ش ح۔ج ق ۔م ش

(U-2776)