కేంద్ర రైల్వే, కమ్యూనికేషన్లు & ఎలక్ట్రానిక్స్ మరియు ఇన్ఫర్మేషన్ టెక్నాలజీ మంత్రి శ్రీ అశ్విని వైష్ణవ్ శుక్రవారం  దేశవ్యాప్తంగా వివిధ జోన్‌లు/డివిజన్‌లు, ప్రొడక్షన్ యూనిట్లు & రైల్వే పిఎస్‌యుల నుండి 100 మంది రైల్వే ఉద్యోగులు అందించిన అత్యుత్తమ సేవలకు గాను  'అతి విశిష్ట రైలు సేవా పురస్కార్' (ఏవిఆర్‌ఎస్‌పి)ని ప్రదానం చేశారు. రైల్వే ఉద్యోగుల్లో ఉత్తమ విధానాలను ప్రోత్సహించడానికి 21 షీల్డ్‌లను కూడా ఆయన అందించారు. న్యూఢిల్లీ ప్రగతి మైదాన్‌లోగల భారత్ మండపంలో ఏర్పాటు చేసిన 68వ రైల్వే వీక్ సెంట్రల్ ఫంక్షన్‌లో అవార్డులు/షీల్డ్‌లను ప్రదానం చేశారు. ఈ కార్యక్రమంలో రైల్వే బోర్డు చైర్‌పర్సన్ & సీఈఓ మరియు సభ్యులు, జోనల్ రైల్వే జనరల్ మేనేజర్‌లు మరియు రైల్వే మరియు రైల్వే పిఎస్‌యుల ఉత్పత్తి యూనిట్ల అధిపతులు పాల్గొన్నారు.

అవార్డులు మరియు షీల్డ్‌లను ప్రదానం చేసిన తర్వాత  సమావేశాన్ని ఉద్దేశించి ప్రసంగించిన కేంద్ర రైల్వే మంత్రి శ్రీ అశ్విని వైష్ణవ్..ఉద్యోగుల అసాధారణ పని మరియు కృషికి అవార్డు గ్రహీతలందరినీ అభినందించారు. ప్రధాన మంత్రి శ్రీ నరేంద్ర మోదీ నాయకత్వంలో రైల్వేలో పరివర్తనాత్మక పనులు పూర్తి స్థాయిలో జరుగుతున్నాయని ఆయన అన్నారు. గత 40 ఏళ్లలో కంటే 9.5 ఏళ్లలో ఎక్కువ విద్యుద్దీకరణ జరిగిందని చెప్పారు. ఈ పరివర్తన వెనుక ఉన్న పెద్ద విషయం ఏంటంటే 2015లో ప్రధానమంత్రి రైలు బడ్జెట్‌ను సాధారణ బడ్జెట్‌తో విలీనం చేసినప్పుడు రైల్ గ్రాంట్‌పై ముందుగా చెల్లించాల్సిన వడ్డీ/మూలధన ఛార్జీలు లేవు.  రైల్వేలకు ఉన్న అన్ని ఆర్థిక అడ్డంకులను ఈ నిర్ణయం  తొలగించింది. అలాగే రైల్వేలకు అతిపెద్ద సమస్యగా ఉన్న పెట్టుబడి లేకపోవడం గత సమస్యగా మారిపోయింది.

రైల్వేతో ప్రజల ఆకాంక్షలు ఇప్పుడు నెరవేరుతున్నాయని కేంద్ర మంత్రి అన్నారు. ఇది రైల్వేలకు స్వర్ణ కాలం అని దీని వెనుక మీరందరూ ఉన్నారని ప్రధాని తరచుగా చెబుతుంటారని తెలిపారు. రైల్వే ఉద్యోగులందరి ఈ నిబద్ధత మనమందరం మన దేశం కోసం చేస్తున్నందున ప్రతి ఒక్కరూ గర్వపడుతున్నారు. రైల్వే మౌలిక సదుపాయాలు రికార్డు స్థాయిలో మరియు వేగంతో అభివృద్ధి చేయబడుతున్నాయి. వ్యూహాత్మక లక్ష్యాన్ని సాధించడంలో సహాయపడే అనేక కొత్త విషయాలు జరుగుతున్నాయని వివరించారు.

రైల్వేల ద్వారా లాజిస్టిక్స్ ఖర్చులలో భారీ పొదుపు గురించి శ్రీ వైష్ణవ్ మాట్లాడుతూ, “ఇటువంటి రవాణా రోడ్డు మార్గంలో చేస్తే ఇంధన ఖర్చుతో పాటు అధిక ఖర్చులు ఉంటాయి. ఒక అంచనా ప్రకారం, 3000 మిలియన్ టన్నుల కార్గో ఉంటుంది. అందులో సగం రైల్వేకు లభిస్తే అది 16,000 కోట్ల లీటర్ల ఇంధనం మరియు దీని ద్వారా రూ. 1,28,000 కోట్లు ఆదా అవుతుంది. ఇది దేశానికి పెద్ద విజయం మరియు ఆదా అవుతుందని శ్రీ వైష్ణవ్‌ చెప్పారు.

దేశ ఆర్థిక వృద్ధిని కేంద్రమంత్రి వివరిస్తూ 2004 నుండి 2014 వరకూ ప్రపంచ ఆర్థిక వ్యవస్థలో భారత్ 10వ స్థానంలో ఉందని అందువల్ల అది నష్టపోయిన దశాబ్దమని  అన్నారు. ఇప్పుడు భారతదేశం 5వ స్థానంలో ఉంది మరియు రాబోయే సంవత్సరాల్లో ప్రధాన మంత్రి శ్రీ నరేంద్ర మోదీ నాయకత్వం మరియు దార్శనికతతో భారతదేశం త్వరలో ప్రపంచంలోనే 3వ అతిపెద్ద ఆర్థిక వ్యవస్థ  స్థానాన్ని సాధిస్తుందని చెప్పారు. "మనమందరం వలసవాద మనస్తత్వాన్ని మార్చుకోవాలి మరియు 2027 నాటికి మనం మొదటి ముగ్గురిలో ఒకరిగా అవుతాము. భారతదేశ వృద్ధి ప్రయాణంలో రైల్వేలు కీలక పాత్ర పోషిస్తాయి. మనం లాజిస్టిక్స్ ఖర్చులలో  పెద్ద మొత్తంలో ఆదా చేస్తున్నాము. రైల్వేతో మానసికంగా అనుబంధం ఉన్న ప్రధానమంత్రిని కలిగి ఉండటం మనందరి అదృష్టం. ప్రధానమంత్రి తరచూ నాతో చాలా అనుభవాలను పంచుకున్నారు. అది రైల్వేల పనితీరు గురించి లోతైన అవగాహన ఉన్నవారి నుండి మాత్రమే వస్తుంది. రైల్వేల పట్ల ఆయనకు చాలా నిబద్ధత ఉంది మరియు రైల్వే ఉద్యోగులందరూ ఎంతో నిబద్ధతతో, అంకితభావంతో దేశాభివృద్ధికి కృషి చేస్తూనే ఉండే బృందంలో భాగమే. మీరందరూ దేశ నిర్మాణానికి ఎంతో సహకరిస్తున్నారు మరియు భవిష్యత్తులో కూడా మీరు ఇదే సమర్థత, ప్రేరణ మరియు అంకితభావంతో ఇలాగే పని చేస్తారని ఆశిస్తున్నానుు అని చెబుతూ శ్రీ వైష్ణవ్ తన ప్రసంగం ముగించారు.

రైల్వే బోర్డు ఛైర్‌పర్సన్  శ్రీమతి జయ వర్మ సిన్హా తన స్వాగత ప్రసంగంలో భారతీయ రైల్వే గత కొన్నేళ్లుగా అద్భుతమైన విజయాలను సాధించిందని, ప్రయాణికుల రవాణా కోసం 34 కొత్త వందేభారత్ రైళ్లు, అమృత్ భారత్ కింద 1309 స్టేషన్ల పునరాభివృద్ధి వంటివి మెరుగుపడుతున్నాయని అన్నారు.  రైలు భద్రత గురించి ఆమె మాట్లాడుతూ వేగం మరియు స్కేల్‌తో అమలు చేస్తున్న కవాచ్‌తో సహా మొత్తం భద్రతను మెరుగుపరచడానికి రైల్వేలు అడ్వాన్స్ టెక్నాలజీని ఉపయోగిస్తున్నాయని సీఆర్‌బి తెలిపిందని చెప్పారు. భవిష్యత్తు గురించి ఆమె మాట్లాడుతూ మిషన్ 3000 మిలియన్ టన్నుల సరుకు రవాణా, జిక్యూజిడిలో వేగాన్ని పెంచడం; ఈశాన్య మరియు జమ్మూ కాశ్మీర్‌తో సహా  అనుసంధానం లేని ప్రాంతాలకు త్వరలో అనుసంధానం కల్పించడం సహా భవిష్యత్తు కోసం అమలు చేయబోయే చాలా కొత్త కార్యక్రమాలు ఉన్నాయని ఆమె అన్నారు; శ్రీమతి సిన్హా అవార్డు గ్రహీతలను అభినందిస్తూ  “ఎక్సలెన్స్ అవార్డు గ్రహీతలందరి నిబద్ధత రైల్వేలను కొత్త శిఖరాలకు తీసుకెళుతోంది” అని చెప్పారు. భారతదేశాన్ని 'విక్షిత్ భారత్' లేదా అభివృద్ధి చెందిన దేశంగా మార్చడంలో రైల్వే కీలక పాత్ర పోషిస్తుంది అని ఆమె తెలిపారు.

భారతీయ రైల్వేల పరివర్తన ప్రయాణంపై ఒక చిన్న డాక్యుమెంటరీని కూడా కార్యక్రమంలో ప్రదర్శించారు. అలాగే ప్రేక్షకులను మంత్రముగ్ధులను చేసే నృత్య ప్రదర్శనతో సహా సాంస్కృతిక కార్యక్రమం కూడా నిర్వహించబడింది.

2023 షీల్డ్ విజేతల జాబితాను వీక్షించడానికి ఇక్కడ క్లిక్ చేయండి:

అవార్డు గ్రహీతల తుది జాబితాను వీక్షించడానికి ఇక్కడ క్లిక్ చేయండి:

***