ریلوے، مواصلات اور الیکٹرانکس اور اطلاعاتی ٹکنالوجی کے مرکزی وزیر جناب اشونی ویشنو نے جمعہ کو ملک بھر کے مختلف زونوں/ڈویژنوں، پیداواری اکائیوں اور ریلوے پی ایس یو کے 100 ریلوے ملازمین کو ان کی شاندار خدمات کے لیے 'اتی وششٹ ریل سیوا پرسکار'  (اے وی آر ایس پی) سے نوازا۔ انہوں نے ریلوے ملازمین میں بہترین طرز عمل کو فروغ دینے کے لیے 21 شیلڈ بھی پیش کیں۔ ایوارز/شیلڈ کو نئی دہلی کے پرگتی میدان میں بھارت منڈپم میں منعقدہ 68ویں ریلوے ہفتہ  کی مرکزی تقریب میں پیش کیا گیا۔ اس موقع پر ریلوے بورڈ کے چیئرپرسن اور سی ای او ، ممبران، زونل ریلوے کے جنرل منیجروں  اور ریلوے کے پیداواری اکائیوں اور ریلوے کے پی ایس یو کے سربراہان اس موقع پر موجود تھے۔

ایوارڈ اور شیلڈ سے نوازنے کے بعد اجتماع سے خطاب کرتے ہوئے، ریلوے کے مرکزی وزیر جناب اشونی ویشنو نے تمام ایوارڈ حاصل کرنے والوں کو ان کے غیر معمولی کام اور کوششوں کے لیے مبارکباد دی۔ انہوں نے کہا کہ وزیر اعظم جناب نریندر مودی کی قیادت میں ریلوے میں تبدیلی کا کام پوری رفتار سے جاری ہے۔ پچھلے 40 سالوں کے مقابلے 9.5 سالوں میں زیادہ برقی کاری کی گئی ہے۔ اس تبدیلی کے پیچھے بڑی تصویر یہ ہے کہ جب 2015 میں وزیر اعظم نے ریل بجٹ کو جنرل بجٹ کے ساتھ ضم کیا، سود/کیپیٹل چارج جو کہ ریل گرانٹ پر پہلے ادا کرنا پڑتا تھا کی ضرورت نہیں تھی اور اس نے ریلوے کے لیے تمام مالی رکاوٹیں دور کر دیں۔ سرمایہ کاری کی کمی، جو ریلوے کا سب سے بڑا مسئلہ تھا، اب ماضی کی بات ہے۔"

مرکزی وزیر نے زور دے کر کہا کہ "ریلوے سے لوگوں کی امیدیں اب پوری ہو رہی ہیں۔ وزیر اعظم اکثر کہتے ہیں کہ یہ ریلوے کا سنہری دور ہے اور اس کے پیچھے آپ سب کی طاقت ہے۔ ریلوے کے تمام ملازمین کا یہ عزم ہر کسی کو فخرکا احساس دلاتا ہے کیونکہ ہم لوگ یہ سب اپنے ملک کے لیے کر رہے ہیں۔ ریلوے کا بنیادی ڈھانچہ ریکارڈ رفتار اور پیمانے پر تیار کیا جا رہا ہے۔ کئی نئی چیزیں ہو رہی ہیں جو ایک ا سٹریٹجک مقصد کے حصول میں مدد کر رہی ہیں۔

ریلوے کے ذریعہ لاجسٹک اخراجات میں بڑے پیمانے پر ممکنہ بچت کے بارے میں بات کرتے ہوئے، جناب ویشنو نے کہا کہ "اس طرح کی نقل و حمل، اگر سڑک کے ذریعہ کی جاتی ہے، تو ایندھن کی قیمت کے ساتھ زیادہ لاگت بھی شامل ہوتی ہے۔ ایک اندازے کے مطابق، 3000 ملین ٹن نئے کارگو ہوں گے، اور اگر ریلوے کو اس میں سے آدھا مل جاتا ہے تو اس سے ممکنہ طور پر 16,000 کروڑ لیٹر ایندھن اور روپے کی بچت ہوگی۔ اس کے ذریعے 1,28,000 کروڑ کی بچت ہوگی جو ملک کے لیے ایک بڑی کامیابی اور بچت ہوگی۔

ملک کی اقتصادی ترقی کی وضاحت کرتے ہوئے، مرکزی وزیر نے کہا کہ 2014 میں، ہندوستان عالمی معیشتوں میں 10 ویں نمبر پر تھا جبکہ 2004 میں، ہندوستان پہلے ہی 10 ویں نمبر پر تھا، اس لیے یہ ایک کھوئی ہوئی دہائی تھی۔ اب، ہندوستان 5ویں نمبر پر ہے اور آنے والے سالوں میں، وزیر اعظم جناب نریندر مودی کی قیادت اور وژن کے تحت، ہندوستان جلد ہی دنیا کی تیسری بڑی معیشت کا مقام حاصل کر لے گا۔ انہوں نے مزید کہا کہ "ہم سب کو نوآبادیاتی ذہنیت کو بدلنا چاہیے اور 2027 تک ہم ٹاپ تھری میں سے ایک بن جائیں گے۔ ریلوے ہندوستان کی ترقی کے سفر میں اہم کردار ادا کرے گا۔ ہم اکیلے لاجسٹک اخراجات میں بڑی رقم بچا رہے ہیں۔ ہم سب خوش قسمت ہیں کہ ہمارے پاس ایک ایسا وزیر اعظم ہے جو ریلوے سے جذباتی طور پر جڑا ہوا ہے۔ وزیر اعظم نے اکثر میرے ساتھ اتنے سارے تجربات شیئر کیے ہیں کہ یہ صرف کسی ایسے شخص سے ہو سکتا ہے جسے ریلوے کے کام کاج کے بارے میں گہرائی سے علم ہو۔ ریلوے کے تئیں وہ بہت زیادہ عہد بستہ ہیں ، اور ریلوے کے تمام ملازمین ایک انتہائی پرعزم، سرشار ٹیم کا حصہ ہیں جو ملک کی ترقی کے لیے کام جاری رکھیں گے۔ آپ سب  ملک کی تعمیر میں اپنابھر پور تعاون پیش کر رہے ہیں اور مجھے امید ہے کہ آپ مستقبل میں بھی اسی کارکردگی، حوصلہ افزائی اور لگن کے ساتھ اسی طرح کام کرتے رہیں گے۔ جناب ویشنو نے اسی کے ساتھ اپنی باتوں کا اختتام کیا۔

اپنے خیرمقدمی کلمات میں، ریلوے بورڈ کی چیئرپرسن، محترمہ جیا ورما سنہا نے کہا کہ ہندوستانی ریلوے نے پچھلے کچھ سالوں میں قابل ذکر کارنامے انجام دیے ہیں، جیسے کہ مسافروں کی آمدورفت کے لیے 34 نئی وندے بھارت ٹرینیں، امرت بھارت کے تحت 1309 اسٹیشنوں کی بحالی جن سے بہتری آئے گی۔ مجموعی تجربہ اور مسافروں کے لیے وقت کی بچت، ریل کی حفاظت کے بارے میں بات کرتے ہوئے، سی آر بی نے کہا کہ ریلوے کی جانب سے کاوچ سمیت مجموعی حفاظت کو بہتر بنانے کے لیے ایڈوانس ٹیکنالوجی کا استعمال کیا جا رہا ہے جسے رفتار اور پیمانے کے ساتھ نافذ کیا جا رہا ہے۔ مستقبل کے بارے میں بات کرتے ہوئے، انہوں نے کہا کہ مستقبل کے لیے بہت سے نئے اقدامات ہیں جنہیں ہم نافذ کریں گے، بشمول مشن 3000 ملین ٹن فریٹ؛ جی کیو جی ڈی میں بڑھتی ہوئی رفتار؛ شمال مشرقی اور جموں کشمیر سمیت تمام غیر منسلک علاقوں کو جلد ہی جوڑ دیا جائے گا۔ ایوارڈ حاصل کرنے والوں کو مبارکباد دیتے ہوئے، محترمہ سنہا نے کہا کہ "ان تمام ایوارڈ یافتگان کی عمدہ کارکردگی اور عزم ریلوے کو نئی بلندیوں تک لے جا رہا ہے"۔ انہوں نے مزید کہا کہ "ریلوے ہندوستان کو 'وکست بھارت' یا ایک ترقی یافتہ ملک بنانے میں کلیدی کردار ادا کرے گا۔"

انڈین ریلوے کے تبدیلی کے سفر پر ایک مختصر دستاویزی فلم دکھائی گئی اور ایک ثقافتی پروگرام بھی منعقد کیا گیا جس میں ایک مسحور کن رقص بھی شامل تھا۔

شیلڈ جیتنے والوں کی فہرست دیکھنے کے لیے یہاں کلک کریں - 2023:

ایوارڈ حاصل کرنے والوں کی حتمی فہرست دیکھنے کے لیے یہاں کلک کریں:

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

2520