مرکزی وزیر داخلہ اور تعاون کے مرکزی وزیر جناب امت شاہ نے آج سانند، گجرات میں وکست بھارت سنکلپ یاترا سے خطاب کیا۔

اس موقع پر جناب امت شاہ نے کہا کہ وکست بھارت سنکلپ یاترا پر وعدہ کرنے کا سفر ہے کہ 2047 میں جب ہندوستان کی آزادی کے سو سال پورے ہوں گے، تو ہندوستان مکمل طور پر ترقی یافتہ بن چکا ہوگا ۔ انہوں نے کہا کہ وزیراعظم جناب نریندر مودی کی قیادت میں گزشتہ دس برسوں کے دوران ملک میں نمایاں تبدیلیاں آئی ہیں۔

انہوں نے کہا کہ مودی سرکار نے ملک کی سلامتی کو یقینی بنایا ہے۔ وزیرداخلہ نے کہا کہ کشمیر سے آرٹیکل  370 کا خاتمہ سردار پٹیل اور شیاما پرساد مکھرجی کے زمانے سے نا مکمل رہا اور وزیراعظم مودی نے اسے پورا کرنے کے لئے کام کیا۔ انہوں نے کہاکہ مودی جی کی قیادت میں عظیم رام مندر کی تعمیر ہو رہی ہے ۔ انہوں نے کہاکہ جناب مودی کی قیادت میں ہمارا چندریان چاند پر پہنچا اور ہمارا جھنڈا لہرا۔

مرکزی وزیر داخلہ اور تعاون کے وزیر نے کہا کہ آزادی کے بعد 75 برس میں پہلی مرتبہ ملک کی معیشت بہت مضبوط ہوئی ہے اور صنعتی ترقی سب سے زیادہ اونچائی پر پہنچی ہے۔ انہوں نے کہا کہ وزیراعظم جناب نریندر مودی نے ملک کے کروڑوں غریبوں کے معیار زندگی کو بلند کرنے پر کام کام کیا۔ جناب شاہ نے کہا کہ یہاں چنگودر میں بھی نریندر مودی سرکار نے ہر گھر میں مل کا پانی پہنچانے کا کام کیا ہے۔ انہوں نے کہا کہ وزیراعظم مودی جی نے ہر گاؤں کو سڑک سے جوڑنے، ہر گھر میں بجلی  پہنچانے، ہر گھر میں بینک کھاتہ فراہم کرنے اور ہر غریب کو ماہانہ پانچ کلو گرام اناج فراہم کرنے کا بندوبست کیا ہے۔

جناب امت شاہ نے کہا کہ پچھلے 75 سالوں میں ملک نے کئی شعبوں میں کافی ترقی کی ہے۔ آزادی کے لیے قربانیاں دینے والوں نے ہر میدان میں ہندوستان کو دنیا میں پہلا مقام دلانے کے لیے جدوجہد کی تھی۔ انہوں نے کہا کہ اب وقت آگیا ہے کہ ملک کے لیے اپنی عظیم قربانی دینے والے شہیدوں کے خوابوں کے ہندوستان کی تعمیر کی جائے۔ جناب شاہ نے کہا کہ جب ہندوستان کی آزادی کے 100 سال مکمل ہوں گے تو ملک میں ایک بھی شخص ایسا نہیں ہونا چاہئے جس کے گھر میں گیس سلنڈر، بیت الخلا، کھانا، بجلی نہ ہو۔ کوئی بھی ناخواندہ نہیں ہونا چاہئے۔

مرکزی وزیر داخلہ نے کہا کہ وزیر اعظم جناب نریندر مودی نے ملک میں 2 کروڑ ‘لکھپتی دیدی’ بنانے کا ہدف مقرر کیا ہے۔ انہوں نے کہا کہ ایک بار جب یہ اسکیم کامیابی کے ساتھ ملک کے ہر گاؤں تک پہنچ جائے گی تو ہندوستان میں حقیقی تبدیلی آئے گی۔ انہوں نے مزید کہا کہ ملک کی غریب بہنوں کی آمدنی میں اضافہ کرنے سے ان کی زندگی میں بہت سی چھوٹی چھوٹی پریشانیاں ختم ہو جائیں گی۔ جناب شاہ نے کہا کہ حکومت کی طرف سے چلائی جانے والی عوامی بہبود کی تمام اسکیموں کے لیے ‘مودی گارنٹی’ ہے۔ انہوں نے کہا کہ ڈبل انجن والی حکومت کے فوائد مرکز میں وزیر اعظم جناب نریندر مودی اور گجرات میں  بھوپیندر پٹیل کی قیادت والی حکومت کی شکل میں دیکھے گئے ہیں۔ جناب شاہ نے کہا کہ نریندر مودی حکومت نے گجرات میں اچھی سڑکیں بنائی ہیں اور 24 گھنٹے بجلی فراہم کی ہے۔ انہوں نے کہا کہ امن، ترقی، خوشحالی اور غریب سے غریب کو خود کفیل بنانے کی جو روایت جناب نریندر مودی جی نے گجرات میں پیدا کی ہے، وکست بھارت سنکلپ یاترا اسی روایت کو آگے بڑھائے گی۔

***

ش ح۔ ع س۔ ک ا