કેન્દ્રીય ગૃહ અને સહકારિતા મંત્રી શ્રી અમિત શાહે આજે ગુજરાતના સાણંદમાં વિકાસ ભારત સંકલ્પ યાત્રાને સંબોધિત કરી હતી.

આ પ્રસંગે શ્રી અમિત શાહે જણાવ્યું હતું કે વિકસિત ભારત સંકલ્પ યાત્રા એ સંકલ્પ લેવાની યાત્રા છે કે જ્યારે દેશ 2047માં આઝાદીના 100 વર્ષ પૂર્ણ કરશે ત્યારે ભારતનો સંપૂર્ણ વિકાસ થશે. તેમણે કહ્યું કે પ્રધાનમંત્રી શ્રી નરેન્દ્ર મોદીના નેતૃત્વમાં છેલ્લા 10 વર્ષમાં દેશમાં સુરક્ષા અને અર્થવ્યવસ્થા સહિત દરેક ક્ષેત્રમાં નોંધપાત્ર ફેરફારો થયા છે. તેમણે કહ્યું કે મોદી સરકારે દેશની સુરક્ષા સુનિશ્ચિત કરી છે. તેમણે કહ્યું કે કાશ્મીરમાંથી કલમ 370 હટાવવાનું સપનું સરદાર પટેલ અને શ્યામા પ્રસાદ મુખર્જીના સમયથી અધૂરું રહ્યું, પ્રધાનમંત્રી મોદીએ તેને પૂર્ણ કરવાનું કામ કર્યું છે. તેમણે કહ્યું કે મોદીજીના નેતૃત્વમાં ભવ્ય રામ મંદિર પણ બનવા જઈ રહ્યું છે. તેમણે કહ્યું કે મોદીજીના શાસનકાળમાં જ આપણું ચંદ્રયાન ચંદ્ર પર પહોંચ્યું હતું અને ચંદ્ર પર ત્રિરંગો લહેરાવવામાં આવ્યો હતો.

કેન્દ્રીય ગૃહ અને સહકારિતા મંત્રીએ કહ્યું કે આઝાદીના 75 વર્ષોમાં પ્રથમ વખત દેશની અર્થવ્યવસ્થા આટલી મજબૂત બની છે અને ઔદ્યોગિક વિકાસ સૌથી વધુ થયો છે. તેમણે કહ્યું કે પ્રધાનમંત્રી મોદીએ દેશના કરોડો ગરીબ લોકોનું જીવનધોરણ ઊંચું લાવવાનું કામ કર્યું છે. તેમણે કહ્યું કે અહીં ચાંગોદરમાં પણ નરેન્દ્ર મોદી સરકારે દરેક ઘરમાં નળનું પાણી પહોંચાડવાનું કામ કર્યું છે. તેમણે કહ્યું કે મોદીજીએ દરેક ગામને સડકથી જોડવાની, દરેક ઘરમાં વીજળી પહોંચાડવાની, દરેક ઘરમાં બેંક ખાતું આપવાની અને દરેક ગરીબને દર મહિને પાંચ કિલો મફત અનાજ આપવાની વ્યવસ્થા કરી છે.

શ્રી અમિત શાહે કહ્યું કે, છેલ્લા 75 વર્ષમાં દેશે અનેક ક્ષેત્રોમાં ઘણી પ્રગતિ કરી છે, પરંતુ આઝાદી માટે બલિદાન આપનારા તમામ લોકોએ ભારતને દરેક ક્ષેત્રમાં વિશ્વમાં પ્રથમ સ્થાન અપાવવા માટે લડત આપી હતી. તેમણે કહ્યું કે દેશ માટે પોતાનું સર્વોચ્ચ બલિદાન આપનાર શહીદોના સપનાના ભારતનું નિર્માણ કરવાનો હવે સમય આવી ગયો છે. શ્રી શાહે જણાવ્યું હતું કે, ભારત જ્યારે આઝાદીના 100 વર્ષ પૂર્ણ કરે છે ત્યારે દેશમાં એક પણ વ્યક્તિ એવો ન હોવો જોઈએ કે જેના ઘરમાં ગેસ સિલિન્ડર, શૌચાલય, ભોજન, વીજળી ન હોય, કોઈ અભણ ન હોવો જોઈએ, આ કાર્યક્રમો મદદ કરશે. આવા વિકસિત ભારતનું નિર્માણ કરવા માટે એક સંકલ્પ લેવાનો કાર્યક્રમ છે.

કેન્દ્રીય ગૃહમંત્રીએ કહ્યું કે પ્રધાનમંત્રી શ્રી નરેન્દ્ર મોદીએ દેશમાં 2 કરોડ લખપતિ દીદીઓ બનાવવાનું લક્ષ્ય રાખ્યું છે. તેમણે કહ્યું કે જો આ યોજના સફળતાપૂર્વક દેશના દરેક ગામ સુધી પહોંચશે તો ભારતમાં સાચો બદલાવ આવશે. તેમણે કહ્યું હતું કે, દેશની ગરીબ બહેનોની આવકમાં વધારો કરીને તેમના જીવનની અનેક નાની-નાની સમસ્યાઓ દૂર થશે અને વિકાસ ભારત સંકલ્પ યાત્રામાં આવી જ વ્યવસ્થાની કલ્પના કરવામાં આવી છે. તેમણે કહ્યું કે મોદી સરકાર દ્વારા ચલાવવામાં આવતી તમામ જન કલ્યાણકારી યોજનાઓની ગેરંટી છે. તેમણે કહ્યું કે કેન્દ્રમાં મોદી સરકારના કારણે ગુજરાતને બેવડો ફાયદો થયો છે. તેમણે કહ્યું કે, કેન્દ્રમાં મોદી સરકાર અને ગુજરાતમાં ભૂપેન્દ્ર પટેલની સરકારના રૂપમાં ડબલ એન્જિન સરકારનો ફાયદો ગુજરાતમાં જોવા મળ્યો છે. શ્રી શાહે કહ્યું કે, ગુજરાતમાં સારા રસ્તા બનાવવાનું અને 24 કલાક વીજળી આપવાનું કામ નરેન્દ્ર મોદી સરકારે કર્યું છે. તેમણે કહ્યું કે પ્રધાનમંત્રી મોદીએ ગુજરાતમાં શાંતિ, વિકાસ, સમૃદ્ધિ અને ગરીબમાં ગરીબને આત્મનિર્ભર બનાવવાની જે પરંપરા ઊભી કરી છે, આ વિકાસ ભારત સંકલ્પ યાત્રા એ જ પરંપરાને આગળ ધપાવવા જઈ રહી છે.

YP/JD