ہندوستانی بحریہ کے مشن كے متعین پلیٹ فارموں نے بحیرہ عرب میں مالٹا کے جھنڈے والے جہاز ایم وی روین کو ہائی جیک کرنے کے ایک سمندری واقعے کے خلاف فوری كارروائی كی۔ متعلقہ جہاز نے جس میں عملہ كے 18  اراكین سوار تھے یو كے ایم ٹی او پورٹل پی ایم  پر   14 دسمبر 23 كو ہنگامی مدد کا پیغام بھیجا تھا جس میں تقریباً چھ نامعلوم لوگوں کے جہاز پر چڑھ جانے کی نشاندہی کی گئی تھی۔

فوری جواب دیتے ہوئے ہندوستانی بحریہ نے اپنے بحری میری ٹائم پیٹرول طیارے کو علاقے میں نگرانی کرنے والے اور اپنے جنگی جہاز کو خلیج عدن میں اینٹی پائریسی گشت پر لگا دیا تاکہ ایم وی روین کو تلاش کیا جا سکے۔

طیارے نے 15 دسمبر 23 کی صبح کو ہائی جیک کردہ بحری جہاز کے اوپر پرواز شروع کر دیا اور ہندوستانی بحریہ كا یہ طیارہ جہاز کی نقل و حرکت کی مسلسل نگرانی کر رہا ہے جو اب صومالیہ کے ساحل کی طرف بڑھ رہا ہے۔

ہندوستانی بحریہ کے جنگی جہاز نے بھی جو بحری قزاقی مخالف گشت کے لیے خلیج عدن میں متعین ہے، 16 دسمبر 23 کی صبح  ایم وی روین کے خلاف مداخلت سے كام لیا ہے

علاقے میں دیگر ایجنسیوں/ایم این ایف سے ہم آہنگی کے ساتھ مجموعی صورتحال پر گہری نظر رکھی جا رہی ہے۔

ہندوستانی بحریہ بین الاقوامی شراکت داروں اور دوست بیرونی ممالک کے ساتھ ساتھ خطے میں سب سے پہلے جوابی قدم اٹھانے اور تجارتی جہاز رانی کی حفاظت کو یقینی بنانے کے لیے پرعزم ہے۔

***

ش ح۔ ع س۔ ک ا

(Release ID: 1987081) Visitor Counter : 67