ভারতকী পৱার সেক্তর হৌখিবা দেকেদ অসিদা শাংলবা খোঙচৎ অমদা লাক্তুনা, ভারতপু মৈ ৱাৎনা লৈরম্বদগী মৈ মরাং কায়না পুথোকপা লৈবাক অমা ওইহল্লে হায়না পৱার অমদি নিউ অমসুং রিনিউএবল ইনর্জীগী কেন্দ্র মন্ত্রীনা হায়খ্রে‍। ২০১৪-১৫ দগী হৌজিক ফাওবগী মতমসিদা ঐখোয়না কনভেস্নেল পৱার সেক্তরদা মেগাৱাত ৯৭৫০১.২ অমদি রিনিউএবল ইনর্জী কেপাসিতী মেগাৱাত ৯৬২৮২.৯ হাপচিনবা ঙম্লে‍। ঐখোয়না মার্চ ২০১৪দা জেনেরেসন কেপাসিতী মেগাৱাত ২৪৮,৫৫৪ ওইরম্বদগী ওক্তোবর ২০২৩ দা মেগাৱাত ৪২৫,৫৩৬ ওইহন্দুনা ৭০% হেনগৎহল্লে‍।

২০১৪-১৫ দগী ২০২৩-২৪ (ওক্তোবর ২০২৩) ফাওবদা কনভেন্সনেল সেক্তরদা হাপচিল্লকখিবা স্তেত/য়ু.তি.শিংগী মচা খায়বা ৱারোল মখাদা পীরি‍।

২০১৪-১৫ দগী ২০১৩-২৪ (ওক্তোবর ২০২৩) ফাওবদা স্তেত/য়ু.তি.শিংদা হাপচিল্লকখিবা কেপাসিতী

ঐখোয়না হৌখিবা চহি মাপনসিদা ত্রান্সমিসন লাইন সি.কে.তি. কিলোমিতর ১৮৭৮৪৯ হাপচিন্দুনা লৈবাক পুম্বা ফ্রিক্বেন্সী অমত্তদা চলাইবা গ্রিদ অমদা শম্নহল্লে‍। মসিনা ঐখোয়দা লৈবাক্কী কাচিন অমদগী কাচিন অমদা মৈ মেগাৱাত ১১৬৫৪০ ত্রান্সফর তৌবা য়াহল্লে‍। ঐখোয়না DDUGJY/IPDS/SAUBHAGYA গী মখাদা লুপা করোর লাখ ১.৮৫কী প্রোজেক্তশিং পায়খত্তুনা অমদি সব-স্তেসন ২৯২৭ শাদুনা, সব-স্তেসন ৩৯৬৪ অপগ্রেদ তৌদুনা অমদি HT/LT লাইন সর্কিৎ কিলোমিতর লাখ ৮.৮৬ তিংদুনা দিস্ত্রিপ্যুসন সিস্তেমবুসু মপাঙ্গল কনখৎহল্লে‍। মসিগী মহৈনা, খুঙ্গংগী মফমশিংদা মৈ ফংবগী চাং ২০১৫দা পুং ১২ ওইরম্বদগী ২০২৩দা পুং ২০.৬ য়ৌবা ঙম্লে‍। ময়োল্লমশিংদা, মৈ ফংবগী চাং পুং ২৩.৬ ওইরে‍। মথৌ তাবা ইনর্জী অমদি পীরিবা ইনর্জীগী মরক্তা লৈরিবা অহোবা ২০১৩-১৪দা ৪.২% ওইরম্বদগী ২০২৩-২৪দা ০.৩%দা হন্থরে‍। হায়রিবা মথৌ তাবা ইনর্জী অমদি পীরিবা ইনর্জীগী মরক্তা লৈরিবা অহোবা অসিমকসু স্তেত ত্রান্সমিসন/দিস্ত্রিব্যুসন নেতৱর্ক শোনবা অমদি দিসকোমশিংগী শেল থুমগী ফীভম ফত্তবনা ওইহনবনি‍।

দিমান্দ তপ্না তপ্না হেনগৎলকপনা ভারতকী মৈ পুথোকপগী কেপাসিতী হেনগৎহল্লক্লি‍। দিমান্দ হেনগৎলক্লিবা অসিগী মরম অনিদি: (১) ভারতনা হৌখিবা চহি খরসিদা মালেমগী খ্বায়দগী থুনা চাওখৎলক্লিবা শেন্মিৎলোনশিংগী মরক্তা অমা ওইরকপা অমদি (২) য়ুমথোঙ করোর ২.৮৬তা অনৌবা ইলেক্ত্রিসিতী কন্নেক্সন পীবা অসিনি‍।

হৌখিবা চহি মঙাসিদা অমদি চৎলিবা চহি ২০২৩-২৪দা (ওক্তোবর ২০২৩ ফাওবা) স্তেত/য়ু.তি.শিংগী ওইনা মৈ পুথোকপগী চাংগী মচা খায়বা ৱারোল মখাদা পীরি‍।

হৌখিবা চহি মঙাসিদা অমদি চৎলিবা চহি ২০২৩-২৪দা (ওক্তোবর ২০২৩ ফাওবা) স্তেত/য়ু.তি.শিংগী ওইনা মৈ পুথোকপগী চাংগী মচা খায়বা ৱারোল

(মশিং পুম্নমক মিলিয়ন য়ুনিৎতনি (Mus))

* ২০২৩-২৪দগী হৌনা, দদ্রা অমসুং নগর হবেলি অমদি দামন অমসুং দিউ য়ু.তি.শিং পুনশিনখ্রে‍।

সেন্ত্রেল ইলেক্ত্রিসিতী ওথোরিতী (CEA)না ইলেক্ত্রিসিতী এক্ত-২০০৩গী সেক্সন ৭৩(এ)গী মখাদা তৌফম থোকপা অমা ওইনা মেদিয়ম অমদি লোং তর্মগী ওইনা লৈবাকসিগী ইলেক্ত্রিসিতী দিমান্দ হোত্তোক্নবগীদমক চহি মঙা খুদিংগী লৈবাকসিগী ইলেক্ত্রিক পৱার সর্ভে (EPS) পাঙথোকই‍।

নবেম্বর ২০২২দা ফোঙখিবা ২০শুবা ইলেক্ত্রিসিতী পৱার সর্ভে (EPS) রিপোর্তনা লৈবাকসিগী ২০২১-২২ দগী ২০৩১-৩২ ফাওবগী ইলেক্ত্রিসিতী দিমান্দ প্রোজেক্সন লোয়ননা ২০৩৬-৩৭ অমদি ২০৪১-৪২গী পর্সপেক্তিব ইলেক্ত্রিসিতী দিমান্দ প্রোজেক্সনবু কোনশিল্লি‍।

২০২৩-২৪ দগী ২০৩১-৩২ ফাওবগী ইলেক্ত্রিসিতী দিমান্দ প্রোজেক্সন‍।

২০৩৬-২৭ অমদি ২০৪১-৪২গী পর্সপেক্তিব ইলেক্ত্রিসিতী দিমান্দ প্রোজেক্সন

লৈবাকসিদা পৱার দিমান্দ হেনগৎহন্নবগীদমক ঐখোয়না মখাগী খোঙথাঙশৎং অসি পায়খৎলে‍:

১.      লৈবাক্কী চাওখৎনবগীদমক অপনবা লৈতবা পৱার সপ্লাই লৈহন্নবগীদমক, ২০২৩-৩২গী মরক্তা হাপচিন্নবা মীৎয়েঙ থম্লিবা কেপাসিতী মখাদা পীরি:

ক.     মেগাৱাত ২৭১৮০গী থর্মেল কেপাসিতী শাগৎলি, মেগাৱাত ১২০০০ বিদ থাদোকখ্রে অমদি মেগাৱাত ১৯০০০ ক্লিয়রেন্স ঙাইরি‍। ২০৩১-৩২ ফাওবদা হাপচিন্নবা মীৎয়েঙ থম্লিবা অপুনবা থর্মেল কেপাসিতী অসি মেগাৱাত ৮৭৯১০ ওইগনি‍।

খ.     মেগাৱাত ১৮০৩৩.৫গী হায়দ্রো কেপাসিতী (পন্থদুনা লৈরিবা প্রোজেক্তশিং য়াওরগা) শেমগৎ শাগৎপগী থবক চত্থরি অমদি ২০৩১-৩২ ফাওবদা হাপচিন্নবা মীৎয়েঙ থম্লিবা অপুনবা হায়দ্রো কেপাসিতী অসি মেগাৱাত ৪২০১৪ ওইরবা য়াই‍।

গ.     মেগাৱাত ৮০০০গী ন্যুক্লিয়র কেপাসিতী শেমগৎ শাগৎলি অমদি ২০৩১-২০৩২ ফাওবদা হাপচিন্নবা মীৎয়েঙ থম্লিবা ন্যুক্লিয়র কেপাসিতী মেগাৱাত ১২২০০ ওইগনি‍।

ঘ.     মেগাৱাত ৭৮৯৩৫গী রিনিউএবল ইনর্জী কেপাসিতী হৌজিক হৌজিক শেমগৎ শাগৎলি অমদি ২০৩১-৩২ ফাওবদা হাপচিন্নবা মীৎয়েঙ থম্লিবা RE কেপাসিতী অসি মেগাৱাত ৩২২০০০ ওইগনি‍।

অসুম্না অপুনবা মেগাৱাত ১৩২১৪৮.৫গী কেপাসিতী হৌজিক শেমগৎ শাগৎলি অমদি ২০৩১-৩২ ফাওবদা হাপচিন্নবা মীৎয়েঙ থম্লিবা অপুনবা কেপাসিতীনা মেগাৱাত ৪৬৪১২৪ নি‍।

২.     ভারতনা ২০৩০ ফাওবদা ফোসিল ফ্যুলদা য়ুম্ফম ওইদবা ইন্সতোল্দ ইলেক্ত্রিসিতী জেনেরেসন কেপাসিতী মেগাৱাত ৫০০০০০গী মথক্তা হেনগৎহন্নবা খোঙফম চেৎনা লেপ্লি‍। মেগাৱাত ৫০০০০০ RE কেপাসিতী ২০৩০ ফাওবা পুনশিন্নবা ত্রান্সমিসন প্লান RE কেপাসিতী হাপচিন্নবগী থৌরাংগা চুননা তাঙ্কক নাইনা পায়খৎলি‍। হৌজিক্কী ওইনা মেগাৱাত ১৭৯০০০গী ফোসিল ফ্যুল জেনেরেসন কেপাসিতী হান্ননা পুনশিনখ্রে‍।

৩.     RE প্রোজেক্তশিং চাউনা ইন্সতোল তৌনবগীদমক RE দিভেলপরশিংদা লম অমদি ত্রান্সমিসন পীননবা অল্ত্রা মেগা রিনিউএবল ইনর্জী পার্কশিং লিংখৎপা‍।

৪.     লৈঙাক্না গ্রীন ইনর্জী কোরিদোরশিং শেমগৎলে অমদি রিনিউএবল ইনর্জী মেনেজমেন্ত সেন্তর ১৩ থম্লে‍। হৌজিক্কী ওইনা রিনিউএপল ইনর্জী কেপাসিতী অসি মেগাৱাত ১৭৮০০০ নি অদুগা মেগাৱাত ৭৮৯৩৫ অমনা পানখৎলি‍।

৫.     ঐখোয়না পৱার সেক্তরবু থাজবা য়াবা সেক্তর ওইহল্লে‍। AT&C লোস অসি ২০১৩-১৪দা ২২.৬২% ওইরম্বদগী ২০২২-২৩দা ১৫.৪১%দা হন্থরে‍। জেনকোশিংদা তৌরিবা করেন্ত পেমেন্ত পুম্নমক অপ-তু-দেত ওইরে অমদি জেনকোশিংদা লৈবা লিগেসী দ্যুশিংসু লুপা করোর লাখ ১.৩৫দগী লুপা করোর ৬০০০দা হন্থরে‍। স্তেত লৈঙাক্না সবসিদী লাউথোকখিবগী মতুং ইন্না দিসকোমশিংদা সবসিদী থীবসু অপ-তু-দেত ওইরে‍।

ৱাফম অসি দিসেম্বর ১৪, ২০২৩দা লোক সভাদা হংলকপা তোঙান তোঙানবা ৱাহং অনিগী অইবা পাউখুম ওইনা পৱার অমদি নিউ অমসুং রিনিউএবল ইনর্জীগী কেন্দ্র মন্ত্রী শ্রী আর.কে. সিংহনা পীখিবনি‍।

***