مرکزی وزیر مملکت برائے آئی ٹی اور الیکٹرانکس، ہنرمندی کی ترقی اور انٹرپرینیورشپ، اور جل شکتی، جناب راجیو چندر شیکھر، 16 دسمبر 2023 کو بنگلورو میں ہونے والے منی کنٹرول گلوبل اے آئی کانکلیو میں ، اے آئی سے متعلق عالمی شراکت داری (جی پی اے آئی) 2023 ، جس کا اختتام 14 دسمبر 2023 کو ہوا،  کے پس منظر میں 'اے آئی اختراع اور ضابطہ : ایک بہتر توازن' کے موضوع پر خطاب کرنے والے ہیں۔

اس تقریب میں اسٹیک ہولڈرز کے متنوع گروپ کی شرکت دیکھنے کو ملے گی، جس میں عالمی اور ہندوستانی سوچ کے رہنما، اختراع کار، سرمایہ کار، بانی، اور مصنوعی ذہانت کے شعبے میں خلل ڈالنے والے شامل ہیں۔ حال ہی میں ختم ہونے والے جی پی اے آئی 2023 میں، وزیر موصوف نے اے آئی کی اہمیت پر روشنی ڈالتے ہوئے کہا، "اے آئی کی ترقی، پختگی، اور اس کی ممکنہ صلاحیتیں ہمیں اس بات کے بارے میں بات چیت کرنے کا باعث بنتی ہیں کہ ہمیں اس بات کو یقینی بنانے کے لیے کیا کرنا چاہیے کہ یہ محفوظ، بھروسہ مند، اور صرف بھلائی کے لیے استعمال ہوتا ہے۔ ‘‘

بنگلورو کے اپنے دورے کے دوران، شری راجیو چندر شیکھر بنگلورو میں ’’وکست بھارت سنکلپ یاترا‘‘  میں بھی شرکت کریں گے۔ 30 نومبر 2023 کو کرناٹک کے چکبالا پورہ میں یاترا میں اپنے سابقہ خطاب کے دوران، انہوں نے مختلف فلاحی اسکیموں کے استفادہ کنندگان سے بات چیت کی اور 2014 میں وزیر اعظم جناب نریندر مودی کی طرف سے شروع کیے گئے تبدیلی کے مشن پر زور دیا تھا۔ اپنے خطاب کے بعد، وزیر نے ذاتی طور پر گیس کے چولہے اور پی ایم اجولا یوجنا اسکیم کے تحت استفادہ کنندگان کو ایل پی جی سلنڈر تقسیم کیے ۔

وکست بھارت سنکلپ یاترا قومی ترقی کے لیے حکومت کے وسیع وژن کا لازمی جزو ہے، جس کا مقصد تمام ہندوستانیوں کے معیار زندگی کو بلند کرنا اور پائیدار ترقی کو آگے بڑھانا ہے۔

**********

 

(ش ح –ا ب ن۔ م ف)

U.No:2509

(Release ID: 1986921) Visitor Counter : 93