صحت اور خاندانی بہبود کی وزارت
مرکزی وزیر صحت ڈاکٹر منسکھ مانڈویہ نے الکنندا، روہنی سیکٹر-16، وسنت وہار میں تین سی جی ایچ ایس صحت مراکز اور این آئی ٹی آر ڈی میں ایک روبوٹک یونٹ قوم کو وقف کیا
چوالیس لاکھ (44لاکھ) مستفدین کی خدمت کرنے والے سی جی ایچ ایس کے 341 صحت کے مراکز کے ساتھ، سرجری کے لیے تین سی جی ایچ ایس فلاح و بہبود کے مراکز اور روبوٹک یونٹ کا آغاز ان کی صحت کی دیکھ بھال کی سہولیات میں بہتری میں نمایاں اضافہ کرے گا: ڈاکٹر مانڈویہ
’’سی جی ایچ ایس کے تحت آنے والے شہروں کی تعداد 2014 میں25 سے بڑھ کر 2023 میں80 ہوگئی، اسے 100 شہروں تک پھیلایا جائے گا‘‘
Posted On:
15 DEC 2023 1:07PM by PIB Delhi
صحت کے مرکزی وزیر ڈاکٹر منسکھ مانڈویہ نے بتایا کہ ’’341سی جی ایچ ایس صحت کے مراکز کے ساتھ جو 44 لاکھ مستفیدین کی خدمت کر رہے ہیں، تین سی جی ایچ ایس صحت کے مراکز اور نیشنل انسٹی ٹیوٹ آف ٹی بی اینڈ ریسپیریٹری ڈیزیز این آئی ٹی اور آر ڈی میں روبوٹک یونٹ کا آغاز ان کی صحت کی دیکھ بھال کی سہولیات میں کوریج اور بہتری میں نمایاں اضافہ کرے گا۔‘‘ مرکزی وزیر ڈاکٹر منسکھ مانڈویہ نے یہ بات اس وقت کہی جب انہوں نے آج یہاں الکنندا، روہنی سیکٹر-16، وسنت وہار میں تین سی جی ایچ ایس صحت کے مراکز کے ساتھ ساتھ این آئی ٹی اور آر ڈی میں ایک روبوٹک یونٹ قوم کے نام وقف کیا۔ مرکزی وزیر صحت کے ساتھ مرکزی وزیر مملکت برائے صحت اور خاندانی بہبود ڈاکٹر بھارتی پروین پوار، وزارت خارجہ میں بین الاقوامی تعلقات اورامور خارجہ کی مرکزی وزیر مملکت ڈاکٹر میناکشی لیکھی اورپارلیمنٹ کے رکن جناب رمیش بدھوڑی بھی اس موقع پر موجود تھے۔
ڈاکٹر مانڈویہ نے بتایا کہ ’’حکومت کی طرف سے کی گئی اصلاحات کی وجہ سے سی جی ایچ ایس کے تحت آنے والے شہروں کی تعداد 2014 میں 25 سے بڑھ کر 80 ہو گئی ہے۔ یہ مراکز جلد ہی ہندوستان کے 100 شہروں تک پہنچ جائیں گے۔‘‘
سی جی ایچ ایس’’آپ کی صحت، ہمارا مقصد‘‘ کے ہدف کی تصدیق کرتے ہوئے مرکزی وزیر صحت نے کہا کہ’’ہمارا مقصد یہ ہے کہ اس بات کو یقینی بنایا جائے کہ سی جی ایچ ایس کے مستفیدین اپنی رہائش گاہ کے قریب ترین صحت کی دیکھ بھال کی خدمات سے استفادہ کر سکیں اور ملک کے اندرونی حصے تک رسائی کو وسیع کریں۔‘‘ ڈاکٹر مانڈویہ نے یہ بھی کہا کہ’’تپ دق میں مبتلا مریضوں کے لیے بہترین صحت کی سہولیات کو یقینی بنانے کے لیے جنہیں سرجری کی ضرورت ہوتی ہے، روبوٹک سرجری ان کو صحیح دیکھ بھال فراہم کرنے میں مددگار ثابت ہوگی۔‘‘ انہوں نے مزید کہا کہ’’ ملک آخری شخص تک قابل رسائی اور سستی صحت کی دیکھ بھال فراہم کرنا ہمارا مقصد اور ایک صحت مند قوم کی بنیاد ہے۔‘‘
صحت مند، تکنیکی طور پر ترقی یافتہ اور خوشحال ملک کو فروغ دینے کے عزم پر زور دیتے ہوئے مرکزی وزیر صحت نے مزید کہا کہ’’سستی شرحوں پر جامع معیاری صحت کی دیکھ بھال کی کوشش میں ایک کثیر سطحی نقطہ نظر اپنایا گیا ہے، جس میں وزارت صحت نے پینل میں شامل پرائیویٹ اسپتالوں میں سی جی ایچ ایس کی پیکیجز کے پیکیج شرحوں پر نظر ثانی کی ہے، تاکہ استفادہ کنندگان کو معیاری صحت کی دیکھ بھال کی خدمات تک رسائی حاصل ہو سکے، جس سے فائدہ اٹھانے والوں اور اسپتالوں دونوں کو ان کے لین دین میں فائدہ ہو۔ انہوں نے اس بات پر زور دیا کہ نیشنل ہیلتھ اتھارٹی کا پلیٹ فارم اس مقصد کے لیے تعینات کیا گیا ہے، جیسا کہ آیوشمان بھارت کے لیے درخواست دی گئی ہے اور انہوں نے اس بات پر زور دیا کہ یہ سہولت نجی اسپتالوں کو استفادہ کرنے والوں کو ترجیحی علاج فراہم کرنے کے لیے وسائل سے آراستہ کرنے کے عمل کو آسان بنائے گی۔ ڈاکٹر مانڈویہ نے مزید کہا کہ ڈیجیٹل ٹیکنالوجی کا فائدہ اٹھاتے ہوئے، معاوضے کے عمل میں آسانی پیدا کی گئی ہے اور استفادہ کنندگان کے تجربے میں مزید اضافہ کیا گیا ہے۔
اس بات کواُجاگرکرتے ہوئے کہ دنیا میں تجویز کردہ 10 میں سے 4 دوائیں ہندوستان میں تیار کی جانے والی عام دوائیں ہیں، ڈاکٹر مانڈویہ نے کہا کہ ’’ نہ صرف سی جی ایچ ایس سے مستفید ہونے والوں کے لیے، بلکہ تمام لوگوں کے لیےجن اوشدھی کی دوائیں سی جی ایچ ایس فلاحی مراکز میں بھی فراہم کی جاتی ہیں۔ صحت کی دیکھ بھال کی خدمات اور بنیادی ڈھانچے کی تبدیلی کا ذکر کرتے ہوئے ڈاکٹر مانڈویہ نے اس بات پر زور دیا کہ ’’ہندوستان میں 1.6 لاکھ سے زیادہ آیوشمان آروگیہ مندر قائم ہیں جو ہر 10,000عوام کو مجموعی طورپر علاج و معالجہ کی مکمل سہولت فراہم کررہے ہیں۔‘‘
اس تقریب میں صحت اور خاندانی بہبود کی وزارت کے جوائنٹ سکریٹری ڈاکٹر منسوی کمار، سینٹرل گورنمنٹ ہیلتھ سروس کے ڈائریکٹر ڈاکٹر منوج جین اور اعلیٰ سرکاری افسران نے شرکت کی۔
************
ش ح۔ح ا۔ن ع
U. No.2443
(Release ID: 1986656)
Visitor Counter : 61