नवी दिल्‍ली, 14 डिसेंबर 2023

अनुसूचित जातीच्या विद्यार्थ्यांसाठी दहावीनंतरची शिष्यवृत्ती योजना (पी. एम. एस.-एस. सी.) ही ज्यांच्या पालकांचे वार्षिक उत्पन्न 2.50 लाख रुपयांपेक्षा अधिक नाही, अशा अनुसूचित जातीच्या विद्यार्थ्यांसाठी केवळ भारतातील अभ्यासासाठी केंद्र पुरस्कृत योजना आहे. 

अनुसूचित जाती आणि इतरांसाठीच्या दहावी-पूर्व शिष्यवृत्ती योजनेच्या आणि अनुसूचित जातींसाठीच्या दहावी नंतरच्या शिष्यवृत्ती योजनेच्या संदर्भात, आर्थिक वर्ष 2023-24 च्या बाबत कामगिरी पुढीलप्रमाणे आहे:

1. अनुसूचित जाती आणि इतरांसाठीच्या दहावी-पूर्व शिष्यवृत्ती योजनेअंतर्गत, 2023-24 या आर्थिक वर्षात 7.38 लाख लाभार्थ्यांना केन्द्राच्या हिश्यातून त्यांच्या आधारशी जोडलेल्या बँक खात्यात 157.75 कोटी रुपये थेट लाभ हस्तांतरणाच्या माध्यमातून जारी करण्यात आले आहेत.
2. अनुसूचित जातीच्या विद्यार्थ्यांसाठी दहावी नंतरच्या शिष्यवृत्ती योजनेअंतर्गत 2023-24 या आर्थिक वर्षात 13.56 लाख लाभार्थ्यांना केन्द्राच्या हिश्यातून त्यांच्या आधारशी जोडलेल्या बँक खात्यात 1623.42 कोटी रुपये थेट लाभ हस्तांतरणाच्या माध्यमातून जारी करण्यात आले आहेत.

* * *

S.Kakade/V.Ghode/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai