প্রধানমন্ত্রীগী লোইশঙ
GPAI সম্মিৎ, 2023 হৌদোকপদা থমখিবা পি.এম.গী ৱারোল
Posted On:
12 DEC 2023 8:07PM by PIB Imphal
কেন্দ্রগী মন্ত্রী-মন্দলদা ঐগী মরুপ ওইরিবা অশ্বিনী বৈশ্নোজী, রাজীব চন্দ্রশেখরজী, GPAIগী আউৎগোইং চিয়র, জাপানগী মিনিস্তর হিরোশী য়োশিদাজী, মেম্বর কন্ত্রীশিংগী মিনিস্তরশিং, অতোপ্পা দিগনিতীশিং, নুপী অমদি নুপাশিং!
ঐহাক্না পুম্নমকপু গ্লোবেল পার্তনরশিপ ওন আর্তিফিসিএল ইন্তেলিজেন্স সম্মিৎতা তরাম্না ওকচরি। মথং চহিদা সম্মিৎ অসি ভারতনা প্রিসাইদ তৌগদৌরিবা অসিদা ঐহাক্না নুংঙাইবা পোকই। আর্তিফিসিএল ইন্তেলিজেন্সকী মতাংদা মালেম পুম্বনা দিবেৎ তৌনরিবা তানফম অমদা সম্মিৎ অসি পাঙথোক্লি। থোরক্লিবা পোজিতিব অমসুং নেগেতিব ওইবা হীরম অনিমক দিবেৎ অসিদা খন্নরি। মরম অসিনা মরী লৈনবা লৈবাক খুদিংমক্কী অচৌবা থৌদাং লৈ। মমাংদা ঐহাক্না তোঙান-তোঙানবা ইন্দস্ত্রী লুচিংবশিংগা উনবগী খুদোংচাবা ফংখি। সম্মিৎ সিগী মতাংদা মখোয়গা লোয়ননা ৱারী শাখি। হৌজিক নত্ত্রগা তুংগী মীরোল অসি AIগী অকাইবগী চৈথেং নংদ্রি। ঐখোয়না চেকশিন্না মাংদা চংশিনবা তাই। মরম অসিনা ঐহাক্না থাজৈ মদুদি সম্মিৎ অসিদগী থোরকপা আইদিয়াশিং, সজেসনশিংনা মীওইবা খুন্নাই পুম্বা ঙাকশেনগনি অমসুং ফন্দামেন্তেল ভেল্যুশিংগী মাইকৈ তাক্কনি।
মরুপশিং,
ঙসি ভারতনা AI তেলেন্ত অমসুং AIগা মরী লৈনবা আইদিয়াশিংগী লমদা মেন প্লেয়র ওইরি। অচৌবা AIগী ৱাখল্লোন অমা ভারত্তা উবা ফংই মরমদি ভারতকী নহারোলনা AI তেক তেস্ত তৌরি অমসুং মসিগী লম খুমাং চাউশিনহল্লি। মফম অসিদা লাক্ত্রিঙৈ মমাংদা ঐহাক্না AI এক্সপোদা চৎপগী খুদোংচাবা ফংখি। এক্সপো অসিদা ঐখোয়না আর্তিফিসিএল ইন্তেলিজেন্সনা পুন্সিদা করম্না অহোংবা পুরকপা ঙম্বগে উবা ফংখি। য়ুবা AI ইনিসিএতিবকী মখাদা খনখিবা নহাশিংগী আইদিয়াশিং উবা ফংবদা ঐহাক্না নুংঙাইবা পোকখি। নহারোল অসিনা তেক্নোলোজীগী খুত্থাংদা খুন্নাইদা অহোংবা পুরক্নবা হোৎনরি। ভারত্তা AIগা মরী লৈনবা সোল্যুসনশিংগী মতাংদা খন্নবা অসি খুঙ্গং খুদিংমক্তা য়ৌরে। হন্দক্তা লৌউ-শিংউগী AI চেৎবোত লোঞ্চ তৌখি। মসিনা লৌমীশিংদা মখোয়গী এপ্লিকেসনগী স্তেসন খঙবদা, পেমেন্তগী অকুপ্পা ৱারোল, অমসুং সরকারগী স্কিমশিংগা মরী লৈনবা অপদেৎশিংগী মরদা খঙহনবদা মতেং পাংলগনি। ঐখোয়না AIগী মতেংগা লোয়ননা ভারত্তা ঐখোয়গী হেল্থকিয়র মপুং ফানা অহোংবা পুরক্নবা মাইকৈদা থবকসু পাইখৎলি। AIনা সস্তেনেবল দিবেলপমেন্ত গোলশিং ফংনবা হোৎনবদা মরু ওইবা থৌদাং অমা লৌরগনি।
মরুপশিং,
ভারতকী চাউখৎপগী মন্ত্র অসি ‘সবকা সাথ সবকা বিকাস’নি। সরকারনা AI ফোর ওলগী ৱাখল্লোনগা লোয়ননা মাগী পোলিসীশিং অমসুং প্রোগ্রামশিং দ্রাফ তৌখি। সরকারনা খুন্নাইগী চাউখৎ-থৌরাং অমসুং ইনক্লুসিব গ্রোথকীদমক AIগী তৌবা ঙম্বশিংগী কান্নবা য়ারিবা মখৈ লৌনবা হোৎনরি অমরোমদনা মাগী থৌদাং অমসুং ইথিকেলগী শীজিন্নবা ভারতনা খোঙফম চেৎনা লেপ্পী। ঐখোয়না নেস্নেল প্রোগ্রাম ওন আর্তিফিসিএল ইন্তেলিজেন্স হৌখিবা অমসুং AIগী কম্প্যুতিং পাৱরশিং ইস্তাব্লিশ তৌনবা পান্দম থম্মিবা, অথুবদা AI মিসন লোঞ্চ তৌরগনি। মিসনা ভারত্তা লৈরিবা স্তার্তঅপশিং অমসুং ইন্নোভেতরশিংদা অফবা সর্ভিসশিং ফংহনগনি অমসুং এগ্রিকলচর, হেল্থকিয়র অমসুং এজুকেসনগী সেক্তরশিংদা AI এপ্লিকেসনশিংসু প্রমোৎ তৌগনি। ঐখোয়না AIগা মরী লৈনবা স্কিলশিং তায়র 2 অমসুং 3 সহরশিংদা এজুকেস্নেল ত্রেনিং ইনিসিএতিবশিংগী থোংদা য়ৌহল্লি। ভারতকী AI ইনিসিএতিবশিং প্রমোৎ তৌরিবা নেস্নেল AI পোর্তেল লৈবাক অসিদা লৈরে। নখোয়না AIRAWAT ইনিসিএতিবকী মরমদা তারম্লগনি অমসুং রিসর্চ লেব, ইন্দস্ত্রী অমসুং স্তার্তঅপ খুদিংমক্কীদমক কম্মন প্লেৎফোর্ম অমা অথুবদা হাংলগনি ।
মরুপশিং,
AIনা অনৌবা চহিচা অমদা চংলকপগা লোয়ননা আর্তিফিসএল ইন্তেলিজেন্স অসি শুপ্নগী তেক্নোলোজিকেল তুলদগী হেল্লি। AIনা অনৌবা তুংলমচৎ শেম্নবগীদমক খ্বাইদগী চাউবা য়ুম্ফম ওইরি। AIনা মীয়ামবু কন্নেক্ত তৌবা ঙম্বনা মসিনা শেন্মীৎলোন চাউখৎহনবা ঙম্বা খক্তা নত্তনা ইক্বেলিতী অমসুং সোসিএল জস্তিস ফংহল্লি। মরম অসিনা AIনা মাগী তুংলমচৎকীদমক AIশিংগী তোঙান-তোঙানবা মখলশিং মথৌ তাই। হায়বদি AIবু হেন্না ইনক্লুসিব ওইহনবা মথৌ তাই অমসুং আইদিয়া পুম্নমক এদোপ্ত তৌগদবনি। AIগী দিবেলপমেন্ত জর্নী অসি হেন্না ইনক্লুসিব ওইরিবা মখৈ ফলশিং হেন্না ইনক্লুসিব ওইগনি।
মমাংগী চহিচাদা তেক্নোলোজী এক্সেস থোং মান্ননা ফংখিদবনা খুন্নাইদা থোং মানদবা হেন্না থোকহনখিবা ঐখোয়না উবা ফংখ্রে। ঐখোয়না অসিগুম্বা মখলগী অশোইবা অসি ঙাকথোক্কদবনি। ঐখোয়না খঙই মদুদি দেমোক্রেতিক ভেল্যুশিংনা তেক্নোলোজীগা পুনশিল্লবা মতমদা মসিনা ইনক্লুজনগী মাইকৈদা মল্তিপ্লায়র অমা অমা ওইরকই। মরম অসিনা AI দিবেলপমেন্তগী মাইকৈ অসি মীওইবা অমসুং দেমোক্রেতিক ভেল্যুশিংদা চাউনা মখা পোনবগী। ইফিসিএন্সীগা লোয়ননা ইমোসনশিং, ইফেক্তিবনেসকা লোয়ননা ইথিক্সকীদমক মফম অমা থম্বা হায়বা অসি ঐখোয়গী খুৎতা লৈ। মাইকৈ অসিদা প্লেৎফোর্ম অসিনা তোঙান তোঙানবা লৈবাকশিংগী মরক্তা কোওপরেসন হেনগৎহনবদা মতেং পাংবা ঙমগনি।
মরুপশিং,
সিস্তেম অমবু হেন্না সস্তেনেবল ওইহন্নবা ত্রান্সফোর্মেতিব, ত্রান্সপরেন্ত অমসুং ত্রস্তেদ ওইহনবা মরু ওই। AI অসি ত্রান্সফোর্মেতিব ওই হায়বদা কক্নীংঙাই য়াওদে অদুবু মসি হেন্না হেন্না ত্রান্সপরেন্ত ওইহনবদা ঐখোয়গী খুৎতা লৈ। শীজিন্নরিবা দেতা ত্রান্সপরেন্ত ওইহনবা অমসুং বায়স লৈহনদবা হায়বা অসিনা অফবা অহৌবা ওইগনি। AIগী চাউখৎ খোঙচৎতা কনাগুম্বা অমদা নাথৈদুনা থমলোই হায়না লৈবাক পুম্নমক্তা থাজবা পীবা মরু ওই। মরী লৈনবা ইথিকেল, ইকনোমিক অমসুং সোসিএল এস্পেক্তশিং কোকহল্লবা মতমদা AI দা থাজবা থম্বা অসি হেনগৎলক্কনি। মসি তৌনবা পাম্বৈ অসি AI গ্রোথকী অপস্কিলিং অমসুং রিস্কিলিংগী শরুক কর্ব ওইহনবনি। দেতা ঙাকশেনবা অমসুং গ্লোবেল সাউথতা থাজবা পীবা অসিনা সমস্যা কয়া হন্থহনগনি।
মরুপশিং,
AIগী পোজিতিব ওইবা হীরম কয়া লৈ অদুবু মসিগা মরী লৈনবা নেগেতিব ওইবা লমশিং অসিদা চপ মান্ননা মীৎয়েং চংবা মথী তাই। AI না 21শুবা চহিচাগী চাউখৎ খোঙচৎতা খ্বাইদগী শক্তি লৈবা খুৎলাই ওইবগী মতিক ময়াই চেল্লবসু মসিনা অমাং অতা থোকহনবদা অচৌবা থৌদাংসু লৌবা য়াই। ‘দীকফেক’কী শীংনবা অসি ঙসি মালেম পুম্বগী মাংদা লৈরি। মসিগী মথক্তা সাইবর সেক্যুরিতীগী অচৌবা অকিবা অমসু লৈরি অমসুং দেতা হুরানবা অমসুং তেরোরিস্ত ওর্গনাইজেসনশিংনা AI তুলশিং শীজিন্নবনা থোকহল্লকপা য়াবা শীংনবশিং লৈ। করিগুম্বা AI য়াওবা খুৎলাইশিং তেরোরিস্ত ওর্গনাইজেসনশিংদা য়ৌখ্রবদি মসিনা গ্লোবেল সেক্যুরিতৌদা চাউনা অমাংবা থোকহনবা য়াই। ঐখোয়না হীরম অসিদা খন্নবা মথৌ তাই অমসুং AI লান্না শীজিন্নবদগী করম্না ঙাকথোকপা য়াবগী হায়বগী অফবা প্লান অমা শেম্বা তাই। মরম অসিনা ভারতকী G20 প্রসিদেন্সী মনুংদা রেস্পোন্সিবল হ্যুমেন-সেন্ত্রিক AI গভর্নান্সকী ফ্রেমৱার্ক অমা শেম্বগী প্রপোজেল পুখৎখি। G20 ন্যু দিল্লী দেক্লেরেসন্না ‘AI প্রিন্সিপল’গী মাইকৈদা মাগী মেম্বর ওইরিবা লৈবাক পুম্নমক্কী ফিরেপ নৌনা চেৎশিনহনখি। মেম্বর পুম্নমক্না AI শীজিন্নবগা মরী লৈনবা রিস্কশিংগী মরমদা ৱাখল তামিন্নখি।তোঙান-তোঙনবা মালেমগী সমস্যাশিংদা এগ্রীমেন্তশিং অমসুং প্রোতোকলশিং শেম্বদা অমসুং হায়-রিস্ক নত্ত্রগা ফ্রন্তিয়র AI তুলশিংগী তেস্তিং অমসুং দিবেলপমেন্ত য়াওনা AI নীংথিনা শীজিন্ননবগী ফ্রেমৱার্ক শেম্বদা পুনশিন্নদুনা থবক তৌবা মথৌ তাই। কনভিক্সন, কম্মিতমেন্ত, কোওর্দিনেসন অমসুং কোল্লাবোরেসনগী মথৌ তাই। ঙসি সম্মিৎ অসিগী খুত্থাংদা ভারতনা মালেম পুম্বদা মাইকৈ অসিদা মীকুপ অমা ফাওবা মাংহনদনবা হায়জরি। চহি অসি লোইগদবা নুমিৎ খরা খক্তা ঙাইরে। অনৌবা চহি হৌগদৌরে। ঐখোয়না অপীবা মতমগী মনুংদা গ্লোবেল ফ্রেমৱার্ক অসি লোইশিনগদবনি। মীওইবা খুন্নাইবু ঙাকশেন্নবা মসি তৌবা য়াম্না মরু ওই।
মরুপশিং,
AI অসি অনৌবা তেক্নোলোজী ওইবা খক্তা নত্তনা মালেম শিনবা থুংবগী ইহৌ অমনি। মরম অসিনা ঐখোয়না চুংশিন্নদুনা থবক তৌবগী মথৌ তাবা অদু থমখি। মথংগী নুমিৎ নিনি অসিদা নখোয়না তোঙান-তোঙানবা হীরমশিংদা খন্নগনি। ঐহাক্না AI এক্সপর্ত অমা উনবা খুদিংদা ঐহাক্না ৱাহংশিং ইশাদা হংজবা অমসুং সজেসনশিং পীবা লেপ্তে। ঙসি নখোয়গুম্বা এক্সপর্তশিংগা ৱারী শাবা মতমদা ঐহাক্কী ৱাখলদা আইদিয়া কয়া লাকই। ঐখোয়না AI জেনরেতেদ ইনফোর্মেসনগী ক্রেদিবিলিতী করম্না হেনগৎহনগদগে খনবা তাই। AI তুলশিংগী তেস্তিং অমসুং ত্রেনিংগীদমক দেতা সেতশিং শীজিন্নবা ওইথোক্কদ্রা? মার্কেৎতা প্রদক্ত অমা হেক্তা থাদোক্ত্রিঙৈ মমাংদা তেস্ত তৌবগী মতম অসিগুম্বা AIগী ক্রেদিবিলিতী হেনগৎহন্নবা ৱাহং খরগী পাউখুম পীবা মথৌ তাই। ঐখোয়না সোফৱেয়র ৱাতরমার্ক অমা AI-জেনরেতেদ ওই হায়না ই-পাউ নত্ত্রগা প্রদক্ততা মার্কা থম্নবা পুথোকপা য়াদব্রা? মসিগা লোয়ননা AI জেনরেতেদ ইনফোর্মেসন শীজিন্নরিবা মীওই অদুনা মসিগী লিমিতেসনশিংসু খঙলগনি।
ভারতকী কেন্দ্র সরকার অমসুং রাজ্য সরকারশিংদা লৈরিবা স্তেকহোল্দরশিংদা ঐহাক্না ৱাফম অমা হায়জনীংই। সরকারদা স্কিমশিংগা মরী লৈনবা দেতা মখল কয়া লৈ। মসি ইভিদেন্স-বেজ দেসিজন লৌবদা করম্না শীজিন্নবা য়াগনি? AI তুলশিং ত্রেন তৌবদা ঐখোয়না অসিগুম্বা দেতা শীজিন্নবা য়াব্রা? করিগুম্বা AI তুলশিং অসি মখোয়গী তৌবা ঙম্বশিংগী মতুং ইন্না রেদ, য়েল্লো নত্ত্রগা গ্রীন হায়না খাইদোক্নবা ওদিত মেকানিজম লৈব্রা? ঐখোয়না মপাঙ্গল কনবা এমপ্লোইমেন্ত লৈহন্নবা ইন্সতিত্যুস্নেল মেকানিজম অমা থম্বা ঙমগদ্রা? ঐখোয়না গ্লোবেল AI এজুকেসন করিকুলম স্তেন্দর্দাইজ তৌবা য়াগদ্রা? ঐখোয়না AIনা লমজিংবা তুংলমচৎ অমগীদমক মীয়ামবু শেম-শানবা স্তেন্দর্দশিং থম্বা য়াগদ্রা? সরকারগা মরী লৈনবা মীওইশিং অমসুং নখোয়গুম্বা এক্সপর্তশিংনা অসিগুম্বা ৱাহংশিং অসি খন্থবা মথৌ তাই।
মরুপশিং,
ভারত্তা লোল চা কয়া অমসুং দাইলেক্ত লিশিং কয়া লৈ। দিজিতেল ইনক্লুজন হেনগৎহন্নবা লোকেল লোলশিংদা দিজিতেল সর্ভিসশিং ফংহন্নবা AI শীজিন্ননবা ৱাখল পুথোকপীয়ু। ঙাংনদ্রবা লোলশিং হিংগৎহন্নবা, সংস্কৃত লোলগী মমল য়াম্লবা লৌশিংগী পুখৈ অমসুং সহিত্যা মাংদা পুখৎনবা অমসুং ভেদিক মেথমেতিক্সকী অহাংবা ভোল্যুমশিং পুনশিন্নবা AI শীজিন্ননবসু য়াই।
মরুপশিং,
সম্মিৎ অসিনা আইদিয়াশিং একচেঞ্জ তীনবা অমসুং দেলিগেৎ খুদিংমক্কীদমক অফবা লর্নিং এক্সপরিয়েন্স ওইনবগী অফবা খুদোংচাবা ওইরগনি হায়না থাজবা থম্মি। মথংগী নুমিৎ নিনি অসিদা নখোয়না AIগী তোঙান-তোঙানবা লমশিংদা নৈনগনি। মসিদগী ফংলকপা ফলশিং অদু থবক ওইনা ওন্থোক্লবা মতমদা মসিনা থৌদাং লৈবা অমসুং তুং কোইনা চৎপা তুংলমচৎ অমা শেমগৎনবা লম্বী শোইদনা য়াৎকনি হায়না ঐহাক্না থাজৈ। পুম্নমক্তা ঐহাক্না য়াইফ মঙ্গোল পীজরি।
হন্না-হন্না থাগৎচরি।
খুরুমজরি!
***
(Release ID: 1986345)
Visitor Counter : 67
Read this release in:
Assamese
,
Malayalam
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada