ہریانہ کے پرنو سورما نے ایف 51 کیٹیگری کے مردوں کے کلب تھرو میں ایف 51 زمرے کے لیے اپنا ایشیا پیرا گیمز کا ریکارڈ بہتر کرتے ہوئے سونے کا تمغہ جیتا۔ بدھ کے روز کھیلو انڈیا پیرا گیمز 2023 میں ہریانہ کے ایتھلیٹ نے جے ایل این اسٹیڈیم میں 33.54 میٹر کی دوری پر کلب پھینکا ۔ ہانگژو میں سورما نے 30.01 میٹر کے ساتھ طلائی تمغہ جیتا تھا۔ بھارت کے دھرم بیر نے اب تک 31.09 میٹر کا ایشین ریکارڈ اپنے نام کیا تھا۔

پیرا اسپورٹس میں پرنو سورما کا سفر ان کے ناقابل یقین عزم اور لچک کا قابل ذکر ثبوت ہے۔ 16 سال کی عمر میں ، ایک حادثے نے ان کی زندگی بدل دی جس میں انھیں ریڑھ کی ہڈی میں چوٹ لگی اور فالج ہوگیا۔ 2018 میں ، انھوں نے کھیلوں میں کیریئر بنانے کے لیے ایک جرات مندانہ انتخاب کیا۔

اسی ایونٹ میں جہاں سورما نے طلائی تمغہ جیتا، اتر پردیش کے رام رتن سنگھ نے 25.43 میٹر تھرو کے ساتھ چاندی کا تمغہ جیتا اور 25.28 میٹر کے تھرو کے ساتھ کانسی کا تمغہ تمل ناڈو کے الیگزینڈر ایم نے حاصل کیا۔***

شوٹنگ میں میڈل راؤنڈ ڈاکٹر کرنی سنگھ شوٹنگ رینج میں شروع ہوئے۔ ایس ایچ 2 کیٹیگری میں راجستھان کی نمائندگی کرنے والے تجربہ کار اسٹار وجے سنگھ کنتل نے 10.618 کے مجموعی اسکور کے ساتھ 3 میٹر ایئر رائفل میں سونے کا تمغہ جیتا۔

اس سے قبل پیرا نیشنل میں بارڈر سکیورٹی فورس (بی ایس ایف) کے لیے تمغے جیتنے والے وجے کے بعد تلنگانہ کے ستیہ جناردھن شریدھر رائلا (607.5 کے اسکور کے ساتھ چاندی کا تمغہ) اور پنجاب کے دلبیر سنگھ (604.3 کے ساتھ کانسی کا تمغہ) دوسرے نمبر پر رہے۔

بدھ کے روز مزید تین سونے کے سونے کا فیصلہ کیا گیا۔

10 میٹر ایئر رائفل اسٹینڈنگ ویمن ایس ایچ ون میں راجستھان کی مونا اگروال نے 1.619 پوائنٹس کے ساتھ گولڈ میڈل جیتا جبکہ ہریانہ کی سمرن شرما نے 7.606 پوائنٹس کے ساتھ سلور میڈل حاصل کیا۔ اتر پردیش سے تعلق رکھنے والی آکانشا نے 5.604 پوائنٹس کے ساتھ کانسی کا تمغہ جیتا۔

ایس ایچ -1  زمرے کے لیے 10میٹر ایئر رائفل میں مہاراشٹر کے سوروپ انہالکر 243.8 کے اسکور کے ساتھ سرفہرست رہے جبکہ ہریانہ کے دیپک سینی نے 242.9 کے اسکور کے ساتھ چاندی کا تمغہ جیتا نیز ہریانہ کے اشانک آہوجا نے کانسی کا تمغہ جیتا۔

خواتین کی 10 میٹر ایئر پسٹل اسٹینڈنگ ایس ایچ ون میں مدھیہ پردیش کی روبینہ فرانسس نے 233.1 کے مجموعی اسکور کے ساتھ گولڈ میڈل جیتا جبکہ اتر پردیش کی سمیدھا پاٹھک نے مجموعی طور پر 229.2 کے اسکور کے ساتھ سلور میڈل جیتا۔ دہلی کی بھکتی شرما نے 207.8 کے مجموعی اسکور کے ساتھ کانسی کا تمغہ جیتا۔

پاورلفٹنگ

پیرا پاور لفٹنگ 61 کلوگرام ایلیٹ زمرے میں پنجاب کی سیما رانی نے 88 کلوگرام وزن اٹھا کر طلائی تمغہ جیتا۔ یوپی کی زینب خاتون (80 کلوگرام) اور تمل ناڈو کی ایم نتھیا (72 کلوگرام) نے بالترتیب چاندی اور کانسی کا تمغہ جیتا۔

ایلیٹ 59 کلوگرام زمرے میں اوڈیشہ کے گڈدھر ساہو نے زبردست کارکردگی کا مظاہرہ کرتے ہوئے 140 کلوگرام وزن اٹھا کر طلائی تمغہ جیتا۔ کیرالہ کے جوبی میتھیو (137 کلوگرام) نے چاندی کا تمغہ جیتا جبکہ دہلی کے گلفام احمد نے 134 کلوگرام وزن اٹھا کر کانسی کا تمغہ جیتا۔

ایلیٹ 55 کلوگرام سیکشن میں ہریانہ کی سمن دیوی نے 87 کلوگرام وزن اٹھاکر اپنی صلاحیتوں کا مظاہرہ کیا۔ دہلی کی راج کماری نے چاندی (70 کلوگرام) اور تمل ناڈو کی گومتی نے کانسی کا تمغہ (66 کلوگرام) جیتا۔

***

(ش ح – ع ا – ع ر)

U. No. 2363

(Release ID: 1986047) Visitor Counter : 91