ভারত সরকারগী য়ুথ এফিয়ার্স অমসুং স্পোর্তস অমসুং ইনফোর্মেসন অমসুং ব্রোদকাস্তিং বিভাগকী কেন্দ্র মন্ত্রী শ্রী অনুরাগ সিংহ থাকুরনা নই দিল্লীগী কে.দি. জাধব ইন্দোর হোলদা পুক্নিং হুরবা থৌরম অমদা অহানবা খেলো ইন্দিয়া পেরা গেম্স 2023 হৌদোক্লে হায়না লাউথোকখ্রে।

রাজ্য অমসুং য়ুনিয়ন তেরিতেরী 32 অমসুং সর্বিসেস স্পোর্তস বোর্দতগী পার্তিসিপেন্ত 1450 হেনবনা দিল্লীগী ভেন্যু অহুমদা দিসেম্বর 10 অমসুং 17কী মরক্তা গেম্সশিং অসিদা শরুক য়াগনি।

পুক্নিং হুরবা থৌরম অসিদা হিমাচল প্রদেশ পুলিস বেন্দনা নিংথিজরবা পর্ফোমেন্স উৎখি অমসুং লৈবাক নিংবনা থল্লবা শুরনা পুক্নিং শুমহৎখি। সাই ওফিসিয়েলশিংনা কালবেলিয়া দান্স অমসু উৎখি, মখা তারকপদা ‘ৱি আর ৱান’ গ্রুপকী দান্স আর্তিস্তশিংনা ইচং থৌবা পেরা দান্সিং লান্থোকখি। হৌদোকপগী থৌরমদা গেম্স এন্থেমনা মথুম মরাং হৌহনদুনা ‘ইভোলুসন ওফ পেরা গেম্স’ থীমদা LED দান্স পর্ফোমেন্স অমনা অয়েংবশিংবু শুমহৎখি।

খেলো ইন্দিয়া পেরা গেম্স হৌদোকপগী লাউথোক্ত্রিঙৈ মাংওইননা পেরা স্পোর্তসকী লেজেন্দশিং, দীপক মালিক, ভাবিনা পতেল, সুমিত অন্তিল অমসুং অতোপ্পশিংগা লোয়ননা শ্রী অনুরাগ থাকুরনা তোর্চ রিলেদা শরুক য়াখি।

শ্রী অনুরাগ থাকুরনা হায়খি, “মসি ইন্দিয়ন স্পোর্তসকীদমক পুৱারী ওইরবা মীকুপ অমনি মরমদি অহানবা ওইনা খেলো ইন্দিয়া পেরা গেম্স লৈবাক্কী কোনুংদা পাংথোক্তুনা লৈবাক্কী স্পোর্তস ইকো সিস্তেমদা অনৌবা খোংজং অমা হৌদোক্লে। অনৌবা খোংথাং অসি এথেলেৎ পুম্নমমকপু মখোয়গী তৌবা ঙম্বশিং খন্থরুবা তৌদনা মানবা খুদোংচাবা ফংহনবগী মায়কৈদা মরুওইবা খোংথাং অমনি। খেলো ইন্দিয়া পেরা গেম্সনা অনৌবা ভারতকী খুদম ওইরি।”

শরুক য়ারিবশিংবু পুক্নিং থৌগৎলদুনা শ্রী অনুরাগ থাকুরনা হায়খি, “মফমসিদা লাক্নবা অমসুং  শরুক য়ানবা অদোমগী হোৎনখিবশিং রিকোগনাইজ তৌবদা য়াম্না চাউথোকচবা ফাওই। এথেলেৎশিং অমসুং ওফিসিয়েলশিং য়াওনা মীওই 3000 হেনবনা গেম্সশিংগীদমক মফম অসিদা লৈরি অমসুং অপুনবা গোল্দ মেদল 276 লান্থোক্কনি। ঐহাক্না এথলেৎ পুম্নমকপু য়াইফ পাউজেল পীজরি। ”

মিনিস্ত্রী ওফ য়ুথ এফিয়ার্স এন্দ স্পোর্তস (MYAS)না হোৎনরিবশিংবু থাগৎলদুনা মিনিস্ত্রী ওফ হোম এফিয়ার্সকী কেন্দ্রগী রাজ্য মন্ত্রী অমসুং মিনিস্ত্রী ওফ য়ুথ এফিয়ার্স এন্দ স্পোর্তসকী কেন্দ্রগী রাজ্য মন্ত্রী শ্রী নিসিথ পর্মানিকনা হায়খি, “ঐখোয়না ইকায় খুম্নরবা প্রধান মন্ত্রী শ্রী নরেন্দ্র মোদীগী মফমদা তৌবিমল খংবা উৎচরি, মহাক্না বিক্লাং ৱাহৈগী মহুৎতা দিব্যাং ৱাহৈ শিজিন্ননবা ইমপ্লিমেন্ত তৌখি।”

মহাক্না মখা তাখি, “খেলো ইন্দিয়া প্রোগ্রামগী থোংদা ইন্দিয়ন স্পোর্তসপু অনৌবা অৱাংবা থাক অমদা পুখৎনবা হোৎনবগীদমক ঐহাক্না শ্রী অনুরাগ সিংহ থাকুর অমসুং MYASকী অপুনবা তীমবু থাগৎপা ফোংদোকচরি, এসিয়ান পেরা গেম্সতা 2030 ফাওবদা ভারতনা মেদল 200 হেন্না ফংলক্কনি হায়বদা চিংননিংঙাই লৈতে।”

খেলো ইন্দিয়া পেরা গেম্স পাংথোকপগী তুংদা কেন্দ্র সরকারগী পান্দমদি পেরা এথলেৎ পুম্নমকপু শক্তি লৈহনবনি। সরকারনা দিব্যাংশিংগী য়াইফনবগীদমক মরুওইবা প্রোজেক্ত কয়া অমা হৌদোকলে।   

অহানবা খেলো ইন্দিয়া পেরা গেম্স অসি ভেন্যু অহুম – ইন্দিরা গান্ধি স্তেদিয়ম, জৱাহরলাল নেহরু স্তেদিয়ম অমসুং কর্নি সিংহ শুতিং রেঞ্জদা পাংথোক্লি। পেরা স্পোর্তস তরেৎ হায়বদি এথলেতিক্স, শুতিং, আর্চরী, ফুতবোল, বেদমিন্তন,তেবল তেন্নিস অমসুং ৱেতলিফতিংদা কম্পিতিসন পাংথোক্কনি। শীতল দেবী, ভাবিনা পতেল, অশোকনচিংবা ভারতকী মকোকথোংবা ইন্তরনেস্নেল পেরা স্তার খরা অমসুং অতোপ্পশিংনা শরুক য়াগনি।

খেলো ইন্দিয়া য়ুথ গেম্স অমসুং খেলো ইন্দিয়া য়ুনিবর্সিতী গেম্স চাউনা মায় পাক্লবা মতুং হৌজিক খেলো ইন্দিয়া পেরা গেম্স পাংথোক্লি অমসুং অহানবা ওইনা পাংথোক্লিবা খেলো ইন্দিয়া পেরা গেম্সকা মরী লৈননা লৈবাক্কী কোনুংদা সেলেব্রেসনগী এতমোসফিয়র অমা লৈরি। হপ্তা অমা পাংথোক্কদবা স্পোর্তস ফেস্তিবেল অসি ইনক্লুসিবিতীগী খুদমগা লোয়ননা হ্যুমেন দিগনিতী পাংথোকপা অমসু ওইরগনি।

***

PPG/SK