য়ুমলৈ-কৈরৈ মন্ত্রালয়
কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহনা জম্মু অমসুং কাস্মিরদগী আর্তিকল ৩৭০ মুত্থৎপগী ফিরেপ্পু শৌগৎপগী সুপ্রিম কোর্তকী য়াথংবু তরাম্না ওকখ্রে
ওগস্ত ৫, ২০১৯দা প্রধান মন্ত্রী শ্রী নরেন্দ্র মোদীনা জম্মু অমসুং কাস্মিরদগী আর্তিকল ৩৭০ লৌথোক্নবা মীৎয়েঙ শানবা ফিরেপ অমা লৌখি
ঙসি, সুপ্রিম কোর্তগী ৱায়েল অসিনা আর্তিকল ৩৭০ লৌথোক্নবগী ফিরেপ অদু মপুং ফানা সংবিধান্না য়াবনি হায়বা খুদম পীরে
আর্তিকল ৩৭০ লৌথোক্লবা মতুংদা লায়রবা অমদি চাকথুং ফিথুংদ্রবশিংগী মঙম হঞ্জিনহল্লে অমদি তোখাই তাবা অমসুং নুংনা থোম্বনচিংবা থৌওংশিং হৌখ্রবা মতমগী থৌওংশিং ওইরে
প্রধান মন্ত্রী শ্রী নরেন্দ্র মোদীজীগী লুচিং মখাদা ঐখোয়গী লৈঙাক্না জম্মু অমসুং কাস্মির অমদি লদাখতা তুং কোইগদবা ইং-তপ্পা পুরক্নবা অমদি লমদম অসিদা মপুং ফানা চাওখৎপা পুরক্নবা খোঙফম চেৎনা লেপ্লি
তুরিজম অমদি লৌউ-শিংউগী সেক্তরদা চাওখৎলকপনা জম্মু, কাস্মির অমদি লদাখকী মীয়ামগী শেন্থোক্কী চাংসু হেনগৎহল্লে
Posted On:
11 DEC 2023 2:50PM by PIB Imphal
কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহনা জম্মু অমসুং কাস্মিরদগী আর্তিকল ৩৭০ মুত্থৎপগী ফিরেপ্পু শৌগৎপগী সুপ্রিম কোর্তকী য়াথংবু তরাম্না ওকখ্রে।
X প্লেৎফোর্মদা থাগৎপা মহাক্কী পোস্ত অমদা, শ্রী অমিত সাহনা হায়খি “আর্তিকল ৩৭০ লৌথোকপগী ফিরেপ্পু শৌগৎলদুনা ইকায়খুম্নরবা সুপ্রিম কোর্তনা তাখিবা ৱায়েলবু ঐনা তরাম্না ওকচরি। ওগস্ত ৫, ২০১৯দা প্রধান মন্ত্রী শ্রী নরেন্দ্র মোদী জীনা আর্তিকল ৩৭০ লৌথোক্নবগী মীৎয়েঙ শানবা ফিরেপ অমা লৌখি। আর্তিকল ৩৭০ লৌথোক্লবা মতুংদা জম্মু অমসুং কাস্মিরদা ইং-তপ্পা অমদি তংদু লৈতাবা ফীভম হঞ্জিল্লকখি। খুমাঙ চাওশিনবা অমদি চাওখৎপনা হাৎন-শুনবনা মাঙহন তাকহল্লম্লবা তম্পাক্কী লমদমদা মীওইবগী পুন্সিদা অনৌবা ৱাহন্থোক অমা পুরক্লে। তুরিজম অমদি লৌউ-শিংউগী লমদা চাওখৎলকপনা জম্মু, কাস্মির অমদি লদাখকী মীয়ামগী শেন্থোকসু হেনগৎহল্লে। ঙসি, সুপ্রিম কোর্তকী ৱায়েলনা আর্তিকল ৩৭০ লৌথোকখিবা অসি সংবিধান্না মপুং ফানা য়াবা অমনি হায়বা খুদম পীরে।”
কেন্দ্রগী গৃহ মন্ত্রীনা মখা তানা হায়খি, “আর্তিকল ৩৭০ লৌথোক্লবা মতুংদা লায়রবা অমদি চাকথুং ফিথুংদ্রবশিংগী মঙম হঞ্জিনহল্লে অমদি তোখাই তাবা অমসুং নুংনা থোম্বনচিংবা থৌওংশিং হৌখ্রবা মতমগী থৌওংশিং ওইরে। লমদম পুম্বসি হৌজিক্তি খোইথুম্নরবা ঈশৈ নোংমাই অমদি কল্চরেল তুরিজমগী খোন্থাঙনা নিল্লে। অমত্তা ওইবগী মরী চেৎশিল্লে, অমদি ভারতকা পুনবগী মরীসু হেন্না চেৎশিল্লে। মসি অমুক্কা হন্না লৈবাকসিগী ওইবা জম্মু, কাস্মির অমদি লদাখ অদু ওইরে অমদি ওইদুনসু লৈখিগনি। প্রধান মন্ত্রী শ্রী নরেন্দ্র মোদীজীগী লুচিং মখাদা ঐখোয়গী লৈঙাক্না জম্মু অমসুং কাস্মির অমদি লদাখতা তুং কোইগদবা ইং-তপ্পা পুরক্নবা অমদি লমদম অসিদা মপুং ফানা চাওখৎপা পুরক্নবা খোঙফম চেৎনা লেপ্লি। লমদমসিগী শেন্মিৎলোনবু অনৌবা ইন্সেন্তিবশিংনা নোৎ হাপ্পা, মহৈ মশিংগী স্তেত-ওফ-তি-আর্ত ইনফ্রাস্ত্রকচরশিং শেমগৎপা, নৎত্রগা লায়রবা মীওইশিংবু য়াইফ-থৌরাংগী কান্নবশিং ফংহন্দুনা মপাঙ্গল হাপ্পবু ওইরবসু, ঐখোয়না লমদম অসিগীদমক ঐখোয়না তৌবা য়াবা খুদিংমক মখা তানা তৌখিগনি।”
*****
(Release ID: 1985185)
Visitor Counter : 79