গৃহ মন্ত্ৰালয়
কেন্দ্ৰীয় গৃহমন্ত্ৰী তথা সমবায় মন্ত্ৰী শ্ৰী অমিত শ্বাহে জম্মু-কাশ্মীৰৰ পৰা ৩৭০নং অনুচ্ছেদ বিলুপ্ত কৰাৰ সিদ্ধান্তক সমৰ্থন কৰিবলৈ মাননীয় উচ্চতম ন্যায়ালয়ে দিয়া ৰায়ক আদৰণি জনাইছে
২০১৯ চনৰ ৫ আগষ্টত প্ৰধানমন্ত্ৰী শ্ৰী নৰেন্দ্ৰ মোদী জীয়ে জম্মু-কাশ্মীৰৰ পৰা ৩৭০নং অনুচ্ছেদ বাতিল কৰাৰ এক দূৰদৰ্শী সিদ্ধান্ত গ্ৰহণ কৰে
আজি উচ্চতম ন্যায়ালয়ৰ ৰায়দানত প্ৰমাণিত হৈছে যে ৩৭০নং অনুচ্ছেদ বাতিলৰ সিদ্ধান্ত সম্পূৰ্ণ সাংবিধানিক আছিল
৩৭০নং অনুচ্ছেদ বাতিলৰ পিছত দুখীয়া আৰু বঞ্চিতসকলে অধিকাৰ পুনৰ ঘূৰাই পাইছে আৰু বিচ্ছিন্নতা আৰু শিলগুটি নিক্ষেপ এতিয়া অতীত হৈছে
প্ৰধানমন্ত্ৰী শ্ৰী নৰেন্দ্ৰ মোদী জীৰ নেতৃত্বত আমাৰ চৰকাৰ জম্মু আৰু কাশ্মীৰ আৰু লাডাখত স্থায়ী শান্তি প্ৰতিষ্ঠা আৰু অঞ্চলটোৰ সৰ্বাংগীন উন্নয়নৰ বাবে প্ৰতিশ্ৰুতিবদ্ধ
Posted On:
11 DEC 2023 2:50PM by PIB Guwahati
কেন্দ্ৰীয় গৃহমন্ত্ৰী তথা সমবায় মন্ত্ৰী শ্ৰী অমিত শ্বাহে জম্মু-কাশ্মীৰৰ পৰা ৩৭০নং অনুচ্ছেদ বিলুপ্ত কৰাৰ সিদ্ধান্তক সমৰ্থন কৰিবলৈ মাননীয় উচ্চতম ন্যায়ালয়ে দিয়া ৰায়ক আদৰণি জনাইছে৷
টুইটাৰত শ্ৰী অমিত শ্বাহে কয় “৩৭০নং অনুচ্ছেদ বাতিল কৰাৰ সিদ্ধান্তক সমৰ্থন কৰি ভাৰতৰ সন্মানীয় উচ্চতম ন্যায়ালয়ে দিয়া ৰায়ক মই আদৰণি জনাইছো।২০১৯ চনৰ ৫ আগষ্টত প্ৰধানমন্ত্ৰী শ্ৰী নৰেন্দ্ৰ মোদী জীয়ে ৩৭০নং অনুচ্ছেদ বাতিলৰ বাবে দূৰদৰ্শী সিদ্ধান্ত গ্ৰহণ কৰে।৩৭০নং অনুচ্ছেদ বাতিল কৰাৰ পিছত জম্মু আৰু কাশ্মীৰলৈ শান্তি আৰু স্বাভাৱিক অৱস্থা ঘূৰি আহিছে। এসময়ত হিংসাই বিচ্ছিন্ন হৈ পৰা উপত্যকাটোত বিকাশ আৰু উন্নয়ন মানৱ জীৱনলৈ নতুন অৰ্থ কঢ়িয়াই আনিছে। পৰ্যটন আৰু কৃষি খণ্ডৰ সমৃদ্ধিয়ে জম্মু, কাশ্মীৰ আৰু লাডাখ উভয়ৰে বাসিন্দাৰ আয়ৰ স্তৰ বৃদ্ধি কৰিছে। আজি উচ্চতম ন্যায়ালয়ৰ ৰায়দানত প্ৰমাণিত হৈছে যে ৩৭০নং অনুচ্ছেদ বাতিলৰ সিদ্ধান্ত সম্পূৰ্ণ সাংবিধানিক আছিল।”
কেন্দ্ৰীয় গৃহমন্ত্ৰীগৰাকীয়ে লগতে কয়, “৩৭০নং অনুচ্ছেদ বাতিলৰ পিছত দৰিদ্ৰ আৰু বঞ্চিতসকলৰ অধিকাৰ পুনৰ ঘূৰাই অনা হৈছে আৰু বিচ্ছিন্নতাবাদ আৰু শিলগুটি নিক্ষেপ এতিয়া অতীত হৈ পৰিছে৷ সমগ্ৰ অঞ্চলটো এতিয়া সুৰীয়া সংগীত আৰু সাংস্কৃতিক পৰ্যটনেৰে প্ৰতিধ্বনিত হৈছে। ঐক্যৰ বান্ধোন শক্তিশালী হৈছে আৰু ভাৰতৰ সৈতে অখণ্ডতা শক্তিশালী হৈ উঠিছে। আকৌ এবাৰ প্ৰমাণিত হ’ল যে জম্মু, কাশ্মীৰ, লাডাখ সদায় আমাৰ আছিল আৰু আমাৰ হৈয়ে থাকিব। প্ৰধানমন্ত্ৰী শ্ৰী নৰেন্দ্ৰ মোদী জীৰ নেতৃত্বত আমাৰ চৰকাৰে জম্মু আৰু কাশ্মীৰ আৰু লাডাখত স্থায়ী শান্তি প্ৰতিষ্ঠা আৰু অঞ্চলটোৰ সৰ্বাংগীন উন্নয়নৰ বাবে প্ৰতিশ্ৰুতিবদ্ধ। নতুন প্ৰৰোচনাৰে স্থানীয় অৰ্থনীতিক উন্নীত কৰাই হওক, অত্যাধুনিক শৈক্ষিক আন্তঃগাঁথনি নিৰ্মাণ কৰাই হওক বা কল্যাণমূলক সুবিধাৰে দৰিদ্ৰসকলক সৱলীকৰণ কৰাই হওক, আমি অঞ্চলটোৰ বাবে আমাৰ সৰ্বশক্তি প্ৰয়োগ কৰি যাম।”
*****
RK/AY/ASH/RR/DB
(Release ID: 1985011)
Visitor Counter : 148