کرشی اڑان اسکیم اگست 2020 میں بین الاقوامی اور قومی راستوں پر شروع کی گئی تھی، تاکہ کسانوں کی زرعی مصنوعات کی نقل و حمل میں مدد کی جا سکے  اور  ان کی قدر و قیمت  کو بہتر بنایا جا سکے۔ کرشی اڑان اسکیم 2.0  کا اعلان،  27 اکتوبر 2021 کو کیا گیا تھا،  جس میں بنیادی طور پر پہاڑی علاقوں، شمال مشرقی ریاستوں اور قبائلی علاقوں سے خراب ہونے والی غذائی مصنوعات کی نقل و حمل پر توجہ مرکوز کی  گئی تھی۔ اس اسکیم میں بنیادی طور پر شمال مشرقی، پہاڑی اور قبائلی علاقوں پر توجہ مرکوز کرنے والے 25 ہوائی اڈوں کے علاوہ دیگر خطوں /علاقوں کے 33 ہوائی اڈوں کا احاطہ کیا گیا ہے۔

کرشی اڑان اسکیم تبدیلی کی ایک اسکیم ہے،  جس میں  آٹھ وزارتیں/محکمے یعنی شہری ہوا بازی کی وزارت، زراعت اور کسانوں کی بہبود کا محکمہ ، مویشی پروری  اور ڈیری کامحکمہ ، ماہی پروری کا محکمہ ، ڈبہ بند  خوراک  کی  وزارت ، محکمہ تجارت، قبائلی امور کی  وزارت ، شمال مشرقی خطے کی ترقی کی وزارت، زرعی پیداوار کی نقل و حمل کے لیے رسد  کے سلسلے  کو مستحکم کرنے کے لیے اپنی موجودہ اسکیموں کا فائدہ اٹھائے گی۔

ہوائی نقل و حمل کے ذریعے، زرعی پیداوار کی نقل و حرکت کو سہولت اور ترغیب دینے کے لیے، لینڈنگ چارجز، پارکنگ چارجز کی چھوٹ، اسکیم کے تحت ائیرپورٹس اتھارٹی آف انڈیا (اے اے آئی ) اور وزارت دفاع کے ذریعے ہندوستانی مال برداروں کے لیےمنتخب ہوائی اڈوں پر فراہم کی جاتی ہے۔

کرشی اڑان اسکیم کے تحت آنے والے 58 ہوائی اڈوں کی ریاست وار  فہرست ضمیمہ میں ہے۔

ضمیمہ

کرشی اڑان اسکیم کے تحت شامل ہوائی اڈوں کی ریاست وار  فہرست

یہ معلومات  ،شہری ہوا بازی کی وزارت میں وزیر مملکت جنرل (ڈاکٹر) وی کے سنگھ (ریٹائرڈ) نے آج راجیہ سبھا میں ایک سوال کے تحریری جواب میں فراہم کیں۔ 

۔۔۔۔۔۔۔۔۔۔۔۔۔۔۔۔۔۔۔۔۔

(ش ح- اع - ق ر)

U-2177