وزیر اعظم جناب نریندر مودی نے آج ویڈیو کانفرنسنگ کے ذریعے وکست بھارت سنکلپ یاترا (وی بی ایس وائی) کے مستفیدین سے بات چیت کی۔ حکومت کی اہم اسکیموں کی جانکاری فراہم کرنے کے لیے ملک بھر میں وکست بھارت سنکلپ یاترا کا آغاز کیا جا رہا ہے تاکہ اس بات کو یقینی بنایا جا سکے کہ ان اسکیموں کے فائدے مقررہ وقت میں تمام اہل مستفیدین تک پہنچے۔

وکست بھارت سنکلپ یاترا (وی بی ایس وائی) سے فائدہ اٹھانے والی چندی گڑھ کی ایک مخنث محترمہ مونا جو اصل میں رانچی، جھارکھنڈ سے تعلق رکھتی ہیں، نے وزیر اعظم کو چندی گڑھ میں چائے کی دکان رکھنے کے بارے میں مطلع کیا جو شام 6 بجے سے رات 10 بجے تک چلتی ہے۔

وزیر اعظم کے استفسار پر محترمہ مونا نے بتایا کہ انہوں نے پی ایم سوندھی اسکیم کے ذریعے 10,000 روپے کا قرض حاصل کیا جس سے چائے کا اسٹال لگانے میں مدد ملی۔ محترمہ مونا نے مزید کہا کہ یہ سٹی کارپوریشن کی طرف سے ایک کال تھی جس میں قرض کی دستیابی کے بارے میں بتایا گیا تھا۔ یہ نوٹ کرتے ہوئے کہ محترمہ مونا کے چائے کے اسٹال پر زیادہ سے زیادہ لین دین یو پی آئی کے ذریعے ہوتا ہے، جناب مودی نے دریافت کیا کہ کیا بینک اضافی قرضوں کے لیے ان سے رابطہ کر رہے ہیں۔ محترمہ مونا نے بتایا کہ اس کے بعد کے قرض کی تقسیم بالترتیب 20,000 روپے اور 50,000 روپے کی تھی۔ وزیر اعظم نے اس بات پر بے حد اطمینان کا اظہار کیا کہ محترمہ مونا نے صفر سود کے ساتھ تیسرے مرحلے تک ترقی کی ہے۔

وزیر اعظم نے اس طرح کے سرکاری فوائد حاصل کرنے کے لیے خواجہ سراؤں کے معاشرے کے مزید لوگوں کو ترغیب دینے کی ضرورت پر زور دیا۔ جناب مودی نے حکومت کے سب کا ساتھ سب کا وکاس کے جذبے کو اجاگر کیا جہاں ترقی سماج کے ہر طبقے تک پہنچی ہے۔ انہوں نے اس بات پر اطمینان کا اظہار کیا کہ محترمہ مونا کی کوششوں اور پیش رفت کے حوالے سے حکومت کی کوششیں درست سمت میں جا رہی ہیں۔ وزیراعظم نریندر مودی نے آسام ریلوے اسٹیشن پر تمام دکانوں کا کام مخنث سماج کے لوگوں کے حوالے کرنے کے ریلوے کے فیصلے کے بارے میں بتایا اور یہ بھی مطلع کیا کہ کاروبار عروج پر ہے۔ انہوں نے محترمہ مونا کو ان کی کامیاب ترقی پر مبارکباد دی۔

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 3024)