பிரதமர் அலுவலகம்
கர்நாடக மாநிலம் தும்கூரைச் சேர்ந்த முகேஷ் என்பவர் வேலை தேடுபவர் என்ற நிலையில் இருந்து வேலை தருபவராக மாறியுள்ளார்.
கர்நாடகாவின் தும்கூரைச் சேர்ந்த வீட்டு உபயோகப் பொருட்கள் கடை உரிமையாளர் மற்றும் வளர்ச்சியடைந்த இந்தியா சபத யாத்திரை (வி.பி.எஸ்.ஒய்) பயனாளியுடன் பிரதமர் கலந்துரையாடினார்
"இளைஞர்களுக்கு ஆதரவளிக்க அரசு உறுதிபூண்டுள்ளது: பிரதமர்"
प्रविष्टि तिथि:
09 DEC 2023 2:35PM by PIB Chennai
வளர்ச்சியடைந்த இந்தியா சபத யாத்திரை பயனாளிகளுடன் பிரதமர் திரு. நரேந்திர மோடி இன்று காணொலி காட்சி மூலம் கலந்துரையாடினார்.
அரசின் முக்கிய திட்டங்களின் பலன்கள் உரிய காலத்தில் அனைத்து இலக்கு பயனாளிகளையும் சென்றடைவதை உறுதி செய்வதன் மூலம் அரசின் முக்கிய திட்டங்கள் முழுமையாக செயல்படுத்தும் வகையில் வளர்ச்சியடைந்த இந்தியா சபத யாத்திரை நாடு முழுவதும் மேற்கொள்ளப்பட்டு வருகிறது.
கர்நாடகாவின் தும்கூரைச் சேர்ந்த வீட்டு உபயோகப் பொருட்கள் கடை உரிமையாளரும், வி.பி.எஸ்.ஒய் பயனாளியுமான திரு முகேஷ் உடன் பிரதமர் உரையாடியபோது, தற்போது 3 பேர் பணிபுரியும் தனது தொழிலைத் தொடங்க ரூ .4.5 லட்சம், பிரதமர் முத்ரா திட்டத்தின் கீழ் கடன் பெற்றது குறித்து பிரதமரிடம் தெரிவித்தார்.
திரு முகேஷ் வேலை அளிப்பவராக மாறியிருப்பது குறித்து மகிழ்ச்சி தெரிவித்த பிரதமர், எளிதாகக் கடன் கிடைப்பது குறித்து அவரிடம் கேட்டறிந்தார்.
முத்ரா கடன்கள் மற்றும் வங்கிகளின் சுமூகமான கடன் செயலாக்கம் குறித்த தகவல்களைப் பெற்ற ஒரு சமூக ஊடக இடுகையைப் பற்றி திரு முகேஷ் பிரதமரிடம் தெரிவித்தார். இன்று 50 சதவீத டிஜிட்டல் பரிவர்த்தனைகளுடன் ஒப்பிடும்போது திரு முகேஷ் யுபிஐ மற்றும் டிஜிட்டல் கொடுப்பனவுகளுக்கு முற்றிலும் மாற வேண்டும் என்று பிரதமர் மோடி அறிவுறுத்தினார். ஏனெனில் இது வங்கியிலிருந்து மேலும் முதலீடுகளைப் பெற உதவும்.
வேலைவாய்ப்பு தேடுவதுடன் நின்றுவிடாமல், வேலைவாய்ப்பை உருவாக்கும் இந்திய இளைஞர்களின் மீள்திறன் மற்றும் உறுதிக்கு திரு முகேஷ் ஒரு எடுத்துக்காட்டு என்று பிரதமர் சுட்டிக்காட்டினார். தேசத்தின் இளைஞர்களை ஆதரிப்பதில் அரசின் உறுதிப்பாட்டையும் அவர் வலியுறுத்தினார்.
----------
ANU/PKV/BS/DL
(रिलीज़ आईडी: 1984439)
आगंतुक पटल : 116
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Assamese
,
Manipuri
,
Bengali
,
Punjabi
,
Gujarati
,
Odia
,
Telugu
,
Kannada
,
Malayalam