شمال مشرقی خطہ کی ترقی کے مرکزی وزیر جناب جی کشن ریڈی نے آج راجیہ سبھا میں ایک سوال کے پوچھے گئے  تحریری جواب میں یہ معلومات دی ہے کہ روڈ ٹرانسپورٹ اور ہائی ویز کی وزارت  کے ذریعہ گزشتہ نو سالوں (یعنی 2014 - 2023) کے دوران شمال مشرقی خطے میں 41,459 کروڑ کی لاگت سےکل 4950 کلومیٹر کا قومی شاہراہ نیٹ ورک تیار کیا  گیاہے ۔

اس کے علاوہ، شمال مشرقی خطے کی ترقی کی وزارت نے  شمال مشرقی خصوصی  بنیادی ڈھانچہ ترقیاتی اسکیم  (این ای ایس آئی ڈی ایس)  اور شمال مشرقی سڑک سیکٹر ترقیاتی    اسکیم (این ای آر ایس ڈی ایس) کے تحت 3372.58 کروڑ روپے کے 77 روڈ پروجیکٹوں کو منظوری دی ہے۔

شمال مشرقی خطے میں سڑک کے بنیادی ڈھانچے کے منصوبوں کے فوائد میں شمال مشرق کے لوگوں کا ملک کے مرکزی دھارے کے ساتھ انضمام، ضروری سامان اور زرعی مصنوعات کی تیز رفتار نقل و حرکت، اس خطے کے لوگوں کے لیے روزگار کے مواقع میں اضافہ، علاقے کی سماجی و اقتصادی ترقی، سیاحت کی صنعت کی ترقی اور خطے میں صنعتی سرگرمیوں میں اضافہ اور اس طرح شمال مشرقی ریاستوں کی مجموعی معیشت کو فروغ حاصل ہوگا۔

***********

ش ح ۔ ج ق   ۔  م  ص

 (U: 1979)