ঙসি চান্দিগরগী মোহালিদা লৈবা ভারতকী অহানবা নেনো সাইন্স ইন্সতিতুৎ, ইন্সতিতুৎ ওফ নেনো সাইন্স এন্দ তেক্নোলোজিগী(আই এন এস তি) ওজাশিং অমসুং মহৈরোয়শিংদা সাইন্স অমসুং তেক্নোলোজিগী রাজ্য মন্ত্রী(মনিংতম্বা); পি.এম.ও, পর্সোনেল, পব্লিক গ্রিভান্সেস, পেসন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা ৱা ঙাংখ্রে। মহাক্না হায়খি আই.এন.এস.তি অসি লৈবাক অসিগী য়াইফনবা নেনোসাইন্স অমসুং তেক্নোলোজিগী হিরমদা থিজিন্নবা অমসুং পোৎথোকশিং অমসুং তেক্নোলোজি শেমগৎনবা লৈবাক অসিগী অহানবা নেনো-সাইন্স ইন্সতিতুৎনি অমসুং তুংদা মসিগী অচৌবা থৌদাং লৈরি।

দোক্তর জিতেন্দ্রনা হায়খি ত্রিল্লিয়ন দোল্লর ৫গী ইকোনোমিগী মাইকৈদা থাংজিল্লিবা ভারতকী খোঙচত্তা নেনো-সাইন্স অমসুং বাইও-ইকোনোমিনা চাউনা মতেং পাংগনি।

দোক্তর জিতেন্দ্র সিংহনা হায়খি লৌউ-শিংউগী নেনোতেক্নোলোজি, নেনোমেদিসিন, ইনর্জি অমসুং ইনভাইরোনমেন্তেল সাইন্স, ক্বান্তম মেতেরিএলস, দিভাইস ফিজিক্স, নেনো ইলেকত্রোনিক্স, মাইক্রোফ্লুইদিক্সতা য়ুম্ফম ওইবা তেক্নোলোজিশিং, নেনো-বাইওদা অখন্নবা মীৎয়েং থমদুনা আই.এন.এস.তিনা থিজিনবগী থবক পাংথোক্লি অমসুং নেনোসাইন্স অমসুং তেক্নোলোজিগী হিরমশিংদা য়াংনা খুমাংচাউশিল্লি।

ইন্সতিতুৎ ওফ নেনো সাইন্স এন্দ তেক্নোলোজি(আই এন এস তি) অসি নেনোসাইন্স অমসুং তেক্নোলোজি চাউখৎহন্নবা পান্দমদা নেসনেল মিসন ওন নেনো সাইন্স এন্দ তেক্নোলোজি(নেনো  মিসন)গী মখাদা সোসাইতি রেজিস্ত্রেসন এক্ত, ১৯৬০গী মখাদা ভারত সরকারগী সাইন্স অমসুং তেক্নোলোজি দিপার্তমেন্তগী মনিংতম্বা রিছার্স ইন্সতিতুৎ অমনি।

দোক্তর জিতেন্দ্র সিংহনা হায়খি আই.এন.এস.তিগী পান্দমদি নেনো সাইন্স অমসুং তেক্নোলোজিগী লমদা মালেমদা চাংদম্নবা ঙম্বা ভারতকী মাংজিল থাবা রিছার্স ইন্সতিতুৎ অমা ওইনবা পান্দম থম্লি অমসুং লৌউ-শিংউ, মেদিসিন, ইনর্জি অমসুং ইনভাইরোনমেন্তদা নেনোসাইন্স অমসুং নোনোতেক্নোলোজি শীজিন্নফমগী মতাংদা খুন্নাইগী মতেং পাংলি।

দোক্তর জিতেন্দ্র সিংহনা হায়খি সাইন্স য়োকখৎপা অমসুং লৈবাক অসিগী নহারোলশিংগী মরক্তা তেক্নোলোজি শেমগৎনবগী পুক্নিং থৌগৎপদা আই.এন.এস.তিনা শিংথাবা য়ানা মতেং পাংলি। ইন্সতিতুৎ অসিগী ওজাশিংনা লৈবাক শীনবা থুংনা লৈরিবা স্কুল ৩০০গী মহৈরোয় ১৫,০০০ হেনবগা হকথেংননা উনখ্রে অমসুং সাইন্স অসি শীনফম অমা ওইনা পায়নবগী মতাংদা ৱাখল তাহনখ্রে। মহৈরোয় ৫০,০০০ হেনবা অমসুং মীয়ামদা আই.এন.এস.তিগী রোদসোদা নুমিৎ খুদিংগী পুন্সিদা সাইন্সকী মরুওইবগী মতাংদা উৎখি। ইন্সতিতুৎ অসিনা সাইন্তিফিক এফতিচুত ত্রেনিংগী মতাংদা লৈবাক শীনবা থুংনা লৈরিবা স্কুল/কলেজ ২৪গী লায়রবা কাংলুপকী মহৈরোয় ১০০০ হেনবগা উনখি।

দোক্তর জিতেন্দ্র সিংহনা হায়খি আই.এন.এস.তিগী মরুওইবা পান্দমদি মালেমগী অমসুং লমদম অসিগী খুদোংচাদবশিং কোকহন্নবা ইনর্জি, ইনভাইরোনমেন্ত, লৌউ-শিংউ, অনা-লায়য়েং, ক্বান্তম মেতেরিএলস অসিনচিংবা হিরমশিংদা নেনোসাইন্স অমসুং নেনোতেক্নোলোজিদা অৱাংবা থাক্কী থিজিনবগী থবক পাংথোকপনি।

দোক্তর জিতেন্দ্র সিংহনা হায়খি ঐখোয়গী পান্দমদি “লৈবাক্কীদমক নেনোসাইন্সকী লৌশিং” হায়বনি। ইন্সিতিতুৎ অসিগী মরুওইবা পান্দমদি লৈবাক্কী য়াইফনবা থবক তৌনবা নহারোলশিংদা নেনোসাইন্স অমসুং তেক্নোলোজিগী অৱাংবা থাক্কী লৌশিং অমসুং মহৈ-মশিং খঙহনবা, নেনোতেক্নোলোজিগী অৱাংবা থাক্কী ত্রেনিং কোর্সশিং অমসুং লেবোরেতোরি তেক্নিকশিং অৱাংবা থাক্তা ফংহনবনি অমসুং অনৌবা তেক্নোলোজি/প্রদক-বেজ সাইন্তিফিক প্রোজেকশিং পুক্নিং থৌগৎপনি। ইন্সতিতুৎ অসিনা ত্রান্সলেসন্নেল রিছার্স(লেবোরেতোরিদগী ইন্দিস্ত্রিদা) য়োকখৎলি অমসুং নেনোসাইন্স অমসুং তেক্নোলোজিগী মতাংদা মীয়াম অমসুং মেদিয়াদা ৱাখল তাহল্লি।

ইন্সতিতুৎ ওফ নেনো সাইন্স এন্দ তেক্নোলোজি(আই এন এস তি) , মোহালি অসি ভারত সরকারগী সাইন্স অমসুং তেক্নোলোজি দিপার্তমেন্তগী মনিংতম্বা রিছার্স ইন্সতিতুৎ অমনি। মসি ভারত্তা নেনো সাইন্সকী থবক পায়খৎনবা নেনো মিসনগী মখাদা লিংখৎখি অমসুং মসিগী থবকশিং জনুৱারি ৩, ২০১৩ দগী থবক হৌখি। মসি ভারতকী অহানবা নেনো-রিছার্স ইন্সতিতুৎনি অমসুং পঞ্জাবকী মোহালিদা লৈবা সেক্তর ৬৪, ফেস ১০দা লৈবা ত্রান্সসিৎ কেম্পদা থবক হৌখি। পঞ্জাবকী মোহালিগী সেক্তর-৮১দা লৈবা নোলেজ সিতিদা লম একর ৩৫দা হৌজিক আই.এন.এস.তিগী অনৌবা কেম্পস লৈরে।

****