مرکزی وزیر مملکت (آزادانہ چارج) سائنس اور ٹیکنالوجی؛ پی ایم او، اہلکار، عوامی شکایات، پنشن، اٹامک انرجی اور خلا کے وزیر مملکت، ڈاکٹر جتیندر سنگھ نے موہالی، چندی گڑھ کے قریب، ہندوستان کے پہلے خصوصی نینو سائنس انسٹی ٹیوٹ، انسٹی ٹیوٹ آف نینو سائنس اینڈ ٹیکنالوجی (آئی این ایس ٹی) کے فیکلٹی اور طلبا سے خطاب کرتے ہوئے کہا، یہ ملک کا پہلا نینو سائنس انسٹی ٹیوٹ ہے جسے ملک کے فائدے کے لیے نینو سائنس اور ٹیکنالوجی کے شعبے میں تحقیق اور مصنوعات/آلات اور ٹیکنالوجی تیار کرنے کے لیے قائم کیا گیا ہے۔

ڈاکٹر جتیندر سنگھ نے کہا کہ بایو اکانومی کے ساتھ ساتھ نینو سائنس 5 ٹریلین ڈالر کی معیشت کی طرف ہندوستان کے سفر میں بہت زیادہ تعاون کرے گی۔

ڈاکٹر جتیندر سنگھ نے کہا، انسٹی ٹیوٹ کا مقصد نینو سائنس اور ٹیکنالوجی کے متنوع اور تیزی سے بڑھتے ہوئے شعبوں میں تحقیق کرنا ہے جس میں درج ذیل شعبوں پر خاص زور دیا جائے گا: زرعی نینو ٹیکنالوجی، نینو میڈیسن، توانائی اور ماحولیاتی سائنس، کوانٹم میٹریلز اور ڈیوائس فیزکس، نینو الیکٹرانکس، مائیکرو فلائیڈکس مبنی ٹیکنالوجیز، نینو بایو ٹیکنالوجی۔

انسٹی ٹیوٹ آف نینو سائنس اینڈ ٹیکنالوجی (آئی این ایس ٹی) سوسائٹی رجسٹریشن ایکٹ، 1960 کے تحت، نینو سائنس اور ٹیکنالوجی (نینو مشن) پر قومی مشن کے تحت، حکومت ہند کے محکمہ سائنس اور ٹیکنالوجی کا ایک خود مختار تحقیقی ادارہ ہے، جس کا مقصد نینو سائنس اور ٹیکنالوجی کی ترقی اور رسائی کو فروغ دینا ہے۔

ڈاکٹر جتیندر سنگھ نے کہا، آئی این ایس ٹی کا نقطہ نظر نینو سائنس اور ٹیکنالوجی میں عالمی سطح پر مسابقتی ہندوستان کے سب سے بڑے تحقیقی ادارے کے طور پر ابھرنا ہے اور زراعت، طب، توانائی اور ماحولیات میں نینو سائنس اور اور نینو ٹیکنالوجی کے استعمال کے ذریعے معاشرے میں تعاون کرنا ہے۔

ڈاکٹر جتیندر سنگھ نے کہا، آئی این ایس ٹی نے اپنے منفرد اور بے مثال آؤٹ ریچ پروگرام کے ذریعے ملک کی نوجوان نسل میں سائنس کو فروغ دینے اور ہندوستان میں ٹیکنالوجی کی ترقی کے عمل کو فروغ دینے میں اہم کردار ادا کیا ہے۔ انہوں نے بتایا کہ آئی این ایس ٹی کی فیکلٹی نے ملک بھر کے تقریباً 300 اسکولوں میں 15,000 سے زائد طلبا سے براہ راست بات چیت کی ہے اور سائنس کو کیریئر کے تناظر میں لینے کے بارے میں بیداری پھیلائی ہے۔ آئی این ایس ٹی کے روڈ شو نے 50,000 سے زیادہ طلبا اور عام لوگوں کی روزمرہ کی زندگی میں سائنس کی اہمیت کا مظاہرہ کیا ہے۔ وزیر موصوف نے مزید کہا کہ آئی این ایس ٹی نے ملک بھر کے 24 اسکولوں/کالجوں سے سماج کے پسماندہ طبقوں کے 1000 سے زیادہ طلبا تک سائنسی قابلیت کی تربیت کے لیے رابطہ کیا ہے۔

ڈاکٹر جتیندر سنگھ نے اس بات پر زور دیا کہ آئی این ایس ٹی کا بنیادی مشن نینو سائنس اور نینو ٹیکنالوجی میں جدید تحقیق ہے جس میں توانائی، ماحولیات، زراعت، صحت کی دیکھ بھال، کوانٹم مواد وغیرہ کے شعبوں میں عالمی اور مقامی چیلنجوں کو حل کیا جا رہا ہے۔

ہمارا نصب العین ہے ”ملک کے لیے نینو سائنس کا علم“، ڈاکٹر جتیندر سنگھ نے کہا۔

ڈاکٹر جتیندر سنگھ نے آئی این ایس ٹی کے کچھ بنیادی مقاصد کو بھی بیان کیا جیسے کہ علم کو آگے بڑھانا اور نوجوان ذہنوں کو نینو سائنس اور ٹیکنالوجی میں تعلیم دینا، اعلیٰ ترین سطح پر نینو ٹیکنالوجی کے جدید تربیتی کورسز اور لیبارٹری تکنیکوں کو فراہم کرنا، جدید اور چیلنجنگ ٹیکنالوجی/مصنوعات پر مبنی سائنسی منصوبے تیار کرنا۔

انسٹی ٹیوٹ آف نینو سائنس اینڈ ٹیکنالوجی (آئی این ایس ٹی)، موہالی، حکومت ہند کے محکمہ سائنس اور ٹیکنالوجی (ڈی ایس ٹی) کا ایک خود مختار ادارہ ہے۔ اسے نینو مشن کے تحت قائم کیا گیا تھا، جس کا آغاز ڈی ایس ٹی نے ہندوستان میں نینو تحقیق پر زور دینے کے لیے کیا تھا، اور اس نے 3 جنوری 2013 کو اپنی سرگرمیاں شروع کی تھیں۔ یہ ملک کا پہلا ہندوستانی نینو ریسرچ انسٹی ٹیوٹ ہے، جس نے 3 جنوری 2013 کو ٹرانزٹ کیمپس، سیکٹر 64، فیز X، موہالی، پنجاب میں اپنی سرگرمیاں شروع کی تھیں۔ آئی این ایس ٹی کا نیا کیمپس اب پنجاب کے سیکٹر-81 موہالی میں نالج سٹی میں 35 ایکڑ اراضی پر قائم کیا گیا ہے۔

*************

ش ح۔ ف ش ع- م ف

U: 1717