مرکزی وزارت صحت کے تعاون سے آرمڈ فورسز میڈیکل کالج، پونے میں ایک خصوصی ٹیلی-مانس سیل قائم کیا گیا ہے۔ اس سیل کا افتتاح آج چیف آف ڈیفنس اسٹاف جنرل انیل چوہان، پی وی ایس ایم، یو وائی ایس ایم، اے وی ایس ایم، ایس ایم، وی ایس ایم نے کیا۔ اس موقع پر محترمہ اندرانی کوشل، اقتصادی مشیر، صحت اور خاندانی بہبود کی وزارت اور ڈاکٹر پرتیما مورتی، ڈائریکٹر، نمہانس بھی موجود تھیں۔ یہ سیل صحت اور خاندانی بہبود کی وزارت کے ٹیلی-مینٹل ہیلتھ اسسٹنس اینڈ نیٹ ورکنگ ایکراس اسٹیٹس اقدام کی توسیع کے طور پر کام کرے گا۔

ہندوستان کے قومی ٹیلی-مینٹل ہیلتھ پروگرام ٹیلی-مینٹل ہیلتھ سپورٹ اور ریاستوں میں نیٹ ورکنگ (ٹیلی-مانس) کا اعلان مرکزی وزیر خزانہ نے 1 فروری 2022 کو مرکزی بجٹ 2022 میں کیا تھا۔ اسے 10 اکتوبر 2022 کو نمہانس میں منعقدہ ورلڈ مینٹل ہیلتھ ڈے کی تقریبات کے موقع پر کرناٹک کے گورنر نے ڈسٹرکٹ مینٹل ہیلتھ پروگرام (ڈی ایم ایچ پی) کے ڈیجیٹل بازو کے طور پر شروع کیا تھا۔ ٹیلی مانس کا تصور چوبیس گھنٹے ایک جامع، مربوط اور جامع صحت کی دیکھ بھال کی سہولت فراہم کرنے کا ہے جو ہر ریاست اور مرکز زیر انتظام علاقے میں ٹول فری نمبر 14416 کے ذریعے کام کرتا ہے۔

حکومت ہندوستانی فوج کو درپیش خصوصی دباؤ کو تسلیم کرتے ہوئے مسلح افواج کے مستفید افراد کو جامع صحت کی دیکھ بھال فراہم کرنے کے لیے پرعزم ہے۔ مسلح افواج میں دماغی صحت کی دیکھ بھال کی خدمات کو آپریشنل ماحول، ثقافتی چیلنجوں اور علاقائی تنازعات سے متعلق مخصوص دباؤ کی وجہ سے ایک خاص نقطہ نظر کی ضرورت ہوتی ہے۔ مسلح افواج میں موجود سروس اہلکاروں اور ان کے خاندانوں کی ذہنی صحت اور بہبود سے متعلق مسائل کو حل کرنے کی ضرورت واضح ہے اور حکومت نے اسے تسلیم کر لیا ہے۔ مسلح افواج کے اہلکاروں کے نفسیاتی مسائل سے نمٹنے میں خصوصی مسائل کو مدنظر رکھتے ہوئے، وزارت صحت اور خاندانی بہبود نے ٹیلی مانس سیل کے قیام میں ضروری تکنیکی مدد فراہم کرنے کا فیصلہ کیا ہے۔

اس وقت ہندوستان کے نیشنل ٹیلی مینٹل ہیلتھ پروگرام کے تحت، 46 ٹیلی مینٹل ہیلتھ سیل 34 ریاستوں/ مرکز زیر انتظام علاقوں میں کام کر رہے ہیں۔ یہ سہولت 20 مختلف زبانوں میں دستیاب ہے۔ ٹیلی مانس ہیلپ لائن اکتوبر 2022 میں شروع کی گئی تھی جس کے بعد اب تک 4 لاکھ 70 ہزار سے زائد کال موصول ہو چکی ہیں۔ ایک دن میں 2000 سے زیادہ کال آرہی ہیں۔

*************

ش ح۔ ف ش ع- م ف

U: 1667