وزیر اعظم جناب نریندر مودی نے آج ایمس، دیوگھر میں ویں 10000 جن اوشدھی کیندر کا افتتاح کیا۔ وزیر اعظم نے ملک میں جن اوشدھی کیندروں کی تعداد 10000 سے بڑھا کر 25000 کرنے کے پروگرام کا بھی آغاز کیا۔ اس موقع پر وزیر اعظم نے پردھان منتری مہیلا کسان ڈرون کیندر کا بھی آغاز کیا۔ وزیر اعظم نے ویڈیو کانفرنسنگ کے ذریعے وکست بھارت سنکلپ یاترا کے استفادہ کنندگان سے بات چیت کی۔

 

کیمیکل اور فرٹیلائزر کے مرکزی وزیر ڈاکٹر منسکھ منڈاویہ بھی ایمس، دیوگھر سے اس تقریب میں شامل ہوئے ہیں، جہاں 10000 ویں جن اوشدھی کیندر کو قوم کے نام وقف کیا گیا ہے۔ ڈاکٹر منسکھ منڈاویہ نے بھی مستفیدین  سے بات چیت کی ہے۔ ڈاکٹر منڈاویہ نے دیوگھر کے راملدیہ گاؤں کا بھی دورہ کیا، تاکہ فصل کے کھیت میں ڈرون کے ذریعے افکو کے نینو یوریا کے چھڑکاؤ کے پہلے ہاتھ کا ڈرون مظاہرہ دیکھا جا سکے۔

صحت کی دیکھ بھال کو سستی اور آسانی سے قابل رسائی بنانا، وزیر اعظم کے صحت مند ہندوستان کے وژن کا سنگ بنیاد رہا ہے۔ اس سمت میں ایک اہم اقدام، جن اوشدھی کیندر کا قیام ہے تاکہ سستی قیمت پر ادویات دستیاب ہوسکیں۔

وزیر اعظم جناب نریندر مودی کی قیادت میں حکومت ہند نے، 2000 پرائمری ایگریکلچرل کریڈٹ سوسائٹیز (پی اے سی ایس) کو، ملک بھر میں پردھان منتری بھارتیہ جن اوشدھی کیندر کھولنے کی اجازت دینے کا فیصلہ کیا ہے۔ ملک کے کونے کونے تک پہنچنے کے وعدے کو نبھاتے ہوئے، پی اے سی ایس (پرائمری ایگریکلچرل کریڈٹ سوسائٹیز) میں جن اوشدھی کیندروں کے ساتھ ساتھ، انفرادی جن اوشدھی کیندر کا بھی مندرجہ ذیل چار مقامات پر افتتاح کیا گیا:

1. آل انڈیا انسٹی ٹیوٹ آف میڈیکل سائنسز، دیوگھر، رام پور، جھارکھنڈ
2. وتسوائی پی اے سی ایس، گاؤں وتسوائی مین روڈ، ضلع این ٹی آر، آندھرا پردیش
3. جن اوشدھی کیندر، 1 نرملا پلازہ، اے بلاک، 1 اے فاریسٹ پارک، بھونیشور، اوڈیشہ
4. جن اوشدھی کیندر بال بھیم، پلہانہ بلاک، ضلع کولہاپور، مہاراشٹر

ویڈیو کانفرنسنگ کے ذریعہ تعاملی اجلاس  کے دوران، وزیر اعظم نے جن اوشدھی کے دو استفادہ کنندگان یعنی محترمہ روچی کماری، جن اوشدھی کیندر کی مالک اور جناب سونا چند مشرا، جن اوشدھی کیندر کے صارف کے ساتھ، بالمشافہ بات چیت کی۔ دونوں استفادہ کنندگان نے، خاص طور پر جن اوشدھی ادویات پر عام لوگوں کی بچت کے بارے میں ، اپنے خیالات اور فوائد کا اشتراک کیا۔

حکومت نے مارچ 2024 تک جن اوشدھی کیندروں کی تعداد کو 10000 تک بڑھانے کا ہدف مقرر کیا تھا۔ تاہم، اس نے اپنے ہدف سے پہلے 10000 جن اوشدھی کیندروں کو کھولنے کا ہدف حاصل کر لیا ہے۔ پچھلے 9 سالوں میں، کیندروں کی تعداد میں 100 گنا سے زیادہ اضافہ ہوا ہے جو 2014 میں صرف 80 تھے اور اب بڑھ کر تقریباً 10000 کیندروں تک پہنچ چکے ہیں جو ملک کے تقریباً تمام اضلاع کا احاطہ کرتے ہیں۔ وزیر اعظم نے اپنی یوم آزادی کی تقریر 2023 میں ملک بھر میں 25000 پردھان منتری بھارتیہ جن او شدھی کیندروں (پی ایم بی جے کیز) کوکھولنے کا اعلان کیا ہے۔ اب، اس سہولت کو بڑھانے اور پورے ہندوستان تک رسائی فراہم کرنے کے مقصد سے، 25000 پردھان منتری بھارتیہ جن او شدھی کیندروں (پی ایم بی جے کیز) کو 31 مارچ 2026 تک پورے ملک میں کھولنے کی تجویز ہے۔

صحت کی دیکھ بھال تک رسائی اور زرعی خوشحالی، دونوں کو بڑھانے کے مقصد سے ایک تاریخی تعاون میں، پرائمری ایگریکلچرل کوآپریٹو سوسائٹیز (پی اے سی ایس ) اور جن او شدھی کیندر، کمیونٹی کی فلاح و بہبود کے لیے ایک جامع نقطہ نظر پیدا کرنے کے لیے افواج میں شامل ہو رہے ہیں۔ اس تعاون کے ایک حصے کے طور پر، جن او شدھی کیندر وکست  بھارت سنکلپ یاترا کے جشن کے دوران ،صحت کی دیکھ بھال تک رسائی کو بڑھانے میں اہم کردار ادا کریں گے۔

معیاری جینرک ادویات سب کو سستی قیمتوں پر دستیاب کرانے کے مقصد کے ساتھ، پردھان منتری بھارتیہ جن او شدھی پریوجنا (پی ایم بی جے پی) کو کیمیکلز اور فرٹیلائزر کی وزارت کے فارماسیوٹیکل ڈیپارٹمنٹ نے شروع کیا تھا۔ اس اسکیم کے تحت، پہلے ہی ملک بھر میں 9900 سے زیادہ فعال جن اوشدھی کیندر ہیں۔ پی ایم بی جے پی کی مصنوعات کی ٹوکری میں 1963 ادویات اور 293 جراحی کے آلات شامل ہیں، جو بڑے علاج کے تمام گروپس کا احاطہ کرتے ہیں۔

********

  ش ح۔اع ۔رم

U-1632    

(Release ID: 1981457) Visitor Counter : 100