কেন্দ্র মন্ত্রী দোক্তর জিতেন্দ্র সিংহনা ঙসি “ভিক্সিত ভারত সংকল্প য়াত্রা”না প্রধান মন্ত্রী শ্রী নরেন্দ্র মোদীগী মীয়ামদা মীৎয়েঙ থমদুনা থবক পায়খৎপগী থৌওং উৎলি হায়খ্রে অমদি লায়রবশিংগী য়াইফ-থৌরাংগী স্কীমশিং অসি ফুরুপ, কাঙলুপ, লাইনিং নৎত্রগা মীখলগী মীৎয়েঙগী খেন্নবা থমদনা খ্বায়দগী হেন্না মথৌ তাবশিং নৎত্রগা পরিংদা খ্বায়দগী মমৈদা লৈরিবা মীওইশিংদা কান্নবা য়ৌহন্নবগী মওংদা শেম-শারবা স্কীমশিং চৎনরিবা ভারত্তা অনৌবা থবক্কী পরম অমা পুথোকপগী ক্রেদিত মতম পুম্বদা পি.এম. মোদীগী মফমদা লৈগনি হায়না মখা তাখি‍।

মুনির্কা খুঙ্গংদা পাঙথোকপা “ভিক্সিত ভারত সংকল্প য়াত্রা” থৌরমদা ৱা ঙাংলদুনা, আই.ই.সি. ভেনশিং অসি খুন্নাইগী মতু শোনবা অমদি নাথৈবিরবা কাঙলুপকী মীওইশিংগী খুন্নাই-শেন্মিৎলোনগী ফীভম ফগৎহন্নবগীদমক হৌখিবা চহি ৯-১০সিদা হৌদোকখিবা অচৌবা ফ্লেগসিপ স্কীম ১৭-১৮ অসিবু চাদা ১০০ মীয়ামদা য়ৌহন্নবা হোৎনরিবা ‘মোদী গরেন্তী ভেন’শিংনি হায়না দোক্তর জিতেন্দ্র সিংহনা হায়খি‍। মহাক্না কেম্প অদুদা তোঙান তোঙানবা স্কীমশিংগী বেনিফিসরীশিংগা ৱারী ৱাতায়সু তৌখি‍।

মমাঙদা অচুম্বা ৱায়েলশিং ফংহল্লমদবা মফমশিংদা অচুম্বা ৱায়েল ফংহন্নবগীদমক তশেংনা পান্দম লৈবা পেরামিতরশিং ইনখি হায়না দোক্তর জিতেন্দ্র সিংহনা হায়খি‍। মসি, স্তেতশিংগী কান্নবশিং ভোত বেঙ্ককী রাজনিতিনা হান্ননা লেপথোক্লগা খন্দোক খঞ্জিন তৌদুনা চৎনরম্বা মমাঙগী লৈঙাক্কী মতমদা লৈরম্বা থৌওংদগী ফনা নীংথিজনা হোংলকপা অমনি হায়না মহাক্না হায়খি‍।

প্রধান মন্ত্রী মোদীনা মীখলগী ৱাখল্লোনগী ৱাংমা লান্দুনা, মীপুম খুদিংমক্তা অচুম্বা ৱায়েল ফংহন্নবগী পরমদা মীয়ামদা কান্নবা ফংহনবগী স্তেন্দর্দশিং মায় পাক্না থাক ৱাংখৎহল্লে অমদি মীয়ামনা কনাবু মীখলদা শৌগৎকদগে হায়বদু মীয়ামদা মপুং ফানা শিন্নখি, অমদি মীয়াম্নসু হায়রিবা মওং অসিবু শৌগত্তুনা মোদীনা অনিরকশুবা তর্মগীদমক মমাঙগী মীখলদা ফংখিবা ভোত মশিংদগী য়াম্না হেন্না ৱাংনা ফংহন্দুনা অমুক হনহল্লকখি হায়না মন্ত্রীনা হায়খি‍।

চহি মাপন মখায়গী তেনখ্রবা মতমসিদা, কেন্দ্রনা স্কীম কয়া অমা ১০০% ময়া নক্না সেচুরেসন পুরকপা ঙম্লে অমদি “সবকা সাথ, সবকা বিকাস, সবকা বিস্বাস” হায়রিবা পরম অসিদা চত্তুনা ফংফম থোকপা মীওইশিংদা কান্নবশিং ফংহল্লি, হায়না দোক্তর জিতেন্দ্র সিংহনা হায়খি‍।

মোদী লৈঙাক্কী হৌখিবা চহি মাপন মখায়সিনা লৈবাকসিদা ‘নহাগী মতিক’ অমদি ‘নুপীশিংগী মতিক’ হায়বসিদা অনৌবা চীংখৈ অমা হুলহন্দুনা অনৌবা মায়কৈ অমা পীদুনা মখোয়গী মঙজবা মঙলান, ৱাখল্লোন অমদি পান্দমশিংদা মরুওইবা মীৎয়েঙ থম্লি হায়বা ৱাফমসু দোক্তর জিতেন্দ্র সিংহনা ফোঙদোকখি‍।

স্কীমশিংগী বেনিফিসরীশিংনা মখোয়না থেংনরকপা ৱাফমশিং তমথোক তমশিন তৌনবা, প্রোগ্রেসিব লৌমীশিংগা ৱারী ৱাতায় শানবানচিংবা তোঙান তোঙানবা মীয়াম্না শরুক য়াবগী থৌরমশিং, আয়ুস্মান কার্দ, জল জীবন  মিসন, জন ধন য়োজনা, পি.এম. কিসান সম্মান নিধী য়,জনা, ও.দি.এফ. প্লস স্তেতসনচিংবা স্কীমশিংদা ১০০% সেচুরেসন ফংববু হরাও তয়াম্না নুংঙাইবা ফোঙদোকপা, ওন দি স্পোত কুইজ কম্পিতিসন, দ্রোন দিমোন্সত্রেসন, হকশেলগী কেম্প, মেরা য়ুবা ভারত ভোলুন্তিয়র মিং পানশিনবগী থবক থৌওংশিং মুনির্কা কেম্পকী মনুং চন্না পাঙথোকখি‍।

খ্বায়দগী চাউবা আউতরীচ ইনিসিএতিবশিংগী মরক্তা অমা ওইনা পাঙথোক্কদৌরিবা ভিক্সিত ভারত কেম্পেন অসিনা জনুৱারী ২৫, ২০২৪ ফাওবদা লৈবাকসিগী দিস্ত্রিক্ত খুদিংমক য়ৌশিন্দুনা গ্রাম পঞ্চায়ত লাখ ২.৫৫ অমদি অর্বান লোকেল বোদী ৩,৬০০ হেন্না কোনশিন্নবা পান্দম থম্লি‍।

নবেম্বর ২৬, ২০২৩ ফাওবদা, গ্রাম পঞ্চায়ত ৯৯৫তা হেল্থ কেম্প ৫,৪৭০ পাঙথোক্তুনা পুন্না মীওই ৭,৮২,০০০দা কান্নবা পীখি‍।

কেম্পেন অসি ‘লৈঙাক্না মপুং ফানা য়াওশিনবা’ হায়বা পরিংদা স্তেত লৈঙাকশিং, দিস্ত্রিক্ত ওথোরিতীশিং, অর্বান লোকেল বোদীশিং অমদি গ্রাম পঞ্চায়তশিংনা ইচঙ থৌনা শরুক য়াদুনা পাঙথোক্নবা থৌরাং তৌরি অমদি থবক ওইনা পায়খৎলি‍।

পনবা য়াবদি আই.ই.সি. ভেনশিং অসি অচৌবা স্কীমশিংগী মায় পাকপা ঙম্লবশিংবু লৈবাক্কী, স্তেতকী অমদি দিস্ত্রিক্তকী থাক্তা উত্থোক্নবগীদমক হিন্দী অমদি স্তেতশিংগী লোলশিংদা ওদিও ভিজুএল, ব্রোচর, পমফ্লেৎ, বুক্লেত অমদি ফ্লেগসিপ স্তেন্দীশিংগী খুত্থাঙদা মীয়ামদা ঈ-পাউ খঙহনবা ঙম্নবগীদমক ব্রান্দেদ তৌরি অমদি শেমদোক শাদোক্লি‍।

<><><><><>