প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা বিক্ষিৎ ভারত সঙ্কল্প য়াত্রাগী বেনিফিসরীশিংগা ৱারী শাখ্রে। মহাক্না প্রধান মন্ত্রী মহিলা কিসান দ্রোন কেন্দ্রসু হাংদোকখি। থৌরম অসিদা প্রধান মন্ত্রীনা দেবগরগী AIIMSতা 10,000শুবা জন ঔশাধি কেন্দ্র খুৎশিন্নখি। মখা তানা শ্রী মোদীনা লৈবাক অসি জন ঔশাধি কেন্দ্রশিংগী মশিং 10,000দগী 25,000দা হেনগৎহন্নবা প্রোগ্রামসু হৌদোকখি। প্রধান মন্ত্রীনা চহি অসিগী অঙনবদা মহাক্কী নীংতম নুমিৎকী ৱারোল পীবদা নুপী SHGশিংদা দ্রোনশিং পীনবা অমসুং জন ঔশাধি কেন্দ্রশিংগী মশিং 10,000দগী 25,000দা হেনগৎহন্নবা, থৌশিল অনিমক লাউথোকখি। থৌরম অসিনা ৱাশকশিং অদু থুংহল্লি। প্রধান মন্ত্রীনা ঝারখন্দগী দেবঘর, ওরিশাগী রাইগর, আন্ধ্র প্রদেশকী প্রকাসম, অরুনাচল প্রদেশকী নমসাই অমসুং জম্মু অমসুং কাশ্মিরগী অরনিয়াদগী বেনিফিসরীশিংগা লোয়ননা ৱারী শাখ্রে।

থৌরম অসিদা ৱা ঙাংলদুনা প্রধান মন্ত্রীনা হায়খি মদুদি বিক্ষিৎ ভারত সঙ্কল্প য়াত্রা অসি ঙসি নুমিৎ 15নি মপুং ফারি অমসুং হৌজিক খোঙজেল য়াংখৎলক্লে। মীয়াম্না থাজবা অমসুং শরুক য়াবা অসিনা VBSY বেন অসি ‘বিকাস রথ’দগী ‘মোদী কী গরেন্তী ভেহিকল’ হায়না মমিংদা অহোংবা লাকখিবা অদু ফোঙদোক্লদুনা প্রধান মন্ত্রীনা প্রজাশিংদা সরকারদা মখোয়না থাজবা থম্বীবগীদমক থাগৎপা ফোঙদোকখ্রে। মহাক্না VBSY গী বেনিফিসরীশংগা লোয়ননা ৱারী শাবা ফংবদা নুংঙাইবা ফোঙদোকখি অমসুং মখোয়গী থৌনা, থৱায় য়াওবা অমসুং ফিরেপ অদুবু থাগৎখি। মহাক্না মখোয়দা ‘মোদী কী গরেন্তী ভেহিকল’না হৌজিক ফাওবদা গ্রাম পঞ্চায়ৎ 12,000 হেন্না য়ৌশিনখ্রে, মসিদা চাউরাক্না প্রজা লাখ 30গা থবক তৌখি হায়না পাউদমখি। মহাক্না নুপীশিংনা VBSYদা শরুক য়াবগীদমক্তসু থাগৎপা ফোঙদোকখি। “খুঙ্গং খুদিংদা লৈবা মীওই খুদিংমক্না চাউখৎপগী ৱাহন্থোক অসি খঙই” হায়বা ৱাফমগা লোয়ননা প্রধান মন্ত্রীনা  VBSYনা সরকারগী থৌশিল অমদগী জন অন্দোলন ওইরক্লি হায়না ফোঙদোকখি। অনৌবা অমসুং অরিবা বেনিফিসরীশিং অমসুং VBSYগা মরী লৈনবা মীওইশিংনা সোসিএল মেদিয়া প্লেৎফোর্মশিংদা দিজিতেল এক্সতিবিতীশিং হেনগৎলকপা অসি উবদা শ্রী মোদীনা মখোয়াদা মহাক্না নুমিৎ খুদিংগী নমো এপ অসি মোনিতর তৌবনিনা মদুদা অসিগুম্বা ফোতোগ্রাফশিং অমসুং ভিদিওশিং অপলোদ  তৌনবা মখোয়দা হায়খি। মহাক্না হায় “নহারোলনা VBSYগী এম্বেসেদরশিং ওইবা য়াই”। ‘মোদী কী গরেন্তী ভেহিকল’ তরাম্না ওক্নবা তোঙান-তোঙানবা মফমশিংদা কেম্পেনশিং পাঙথোকপনা মহাক্না খুঙ্গংশিং লুনানবদা VBSYগী কান্নবা অদু উবা ফংখি। “ভারত অসি হৌজিক খাম্বা ঙমলরোই অমসুং চোকথবা লৈররোই। ভারতকী মীয়াম্না চাউখৎপা লৈবাক অমা ওইহন্নবা ৱারেপ লৌখি” হায়না মহাক্না মখা তাখি। মহাক্না হন্দক্তা লোইশিনখিবা হরাও কুহ্মৈগী পন্থাদা ‘ভোকেল ফোর লোকেল’দা শাহৌ পীখিবা অদুসু পনখি।

প্রধান মন্ত্রীনা সরকার অমসুং মাগী খোঙথাংশিংদা থাজবা থম্বা অসিনা VBSY মাইপাকপা ঙমহনখিবনি হায়খি। সরকারনা প্রজাশিংগী তঙাইফদবশিং থওইবীখিদবা মতমশিং, য়াম্লবা শোত্থরবা মীওইশিংনা য়ুম, তোইলেৎ, মৈ, গ্যাস কন্নেক্সন, ইন্সুরেন্স নত্ত্রগা বেঙ্ক একাউন্তশিংগুম্বা তঙাই ফদবা খুদোংচাবশিং ফংখিদবা মতম অদু নীংশিংলদুনা প্রধান মন্ত্রীনা শেঞ্জা থুমজা তৌবগী চৎনবী লৈরমখিবা অদু ফোঙদোকখি। পি.এম. মোদীনা এপীজমেন্ত অমসুং ভোৎ বেঙ্ককী পোলিতিক্সকী মতাংদসু ফোঙদোকখি অমসুং সরকারদা প্রজাশিংগী থাজবা লৈখিদে হায়না ফোঙদোকখি। মহাক্না হায় মদুদি হৌজিক পাল্লিবা সরকার অসিনা বেদ গভর্নান্সপু গুদ গভর্নান্সতা অহোংবা লাকহনখি অমসুং সেচুরেসন ফংনবা পান্দম থম্মি। “সরকারনা প্রজাশিংগী তঙাই ফদবশিং মশক খঙদোক্কদবনি অমসুং মখোয়গী হকশিং মখোয়দা ফংহনগদবনি। মসি নেচরেল জস্তিসনি, মসি সোসিএল জস্তিসনি” হায়না প্রধান মন্ত্রীনা ফোঙদোকখি। এপ্রোচ অসিনা মরম ওইরগা অনৌবা এস্পিরেসন থোরকখি অমসুং প্রজা করোর কয়াবু থওইবীদবগী ৱাখল্লোন অদু মাংহনখি হায়না প্রধান মন্ত্রীনা হায়খি। “মোদীগী গরেন্তীনা অতোপ্পশিংদগী থাজবা মাংলকপা মফমদগী হৌরি” হায়না শ্রী মোদীনা ফোঙদোকখি।

“চাউখৎপা ভারত অমগী ফিরেপ অসি মোদী নত্ত্রগা সরকার অমা হেক্তগী নত্তে মসিদি চাউখৎপগ লম্বেলদা মীপুম খুদিংমক পুশিন্নবা ফিরেপ অমনি” হায়না প্রধান মন্ত্রীনা ফোঙদোকখি। মহাক্না হায়খি মদুদি বিক্ষিৎ ভারত সঙ্কল্প য়াত্রানা সরকারগী স্কিমশিং অমসুং কান্নবশিং ফংহৌদ্রবশিংদা য়ৌহন্নবা পান্দম থম্মি। মহাক্না হায়খি মদুদি মহাক্না নমো এপতা দিবেলপমেন্তশিং অসি কুপ্না য়েংশিল্লি অমসুং দ্রোন দেমোনস্ত্রেসন, হেল্থ চেক-অপ কেম্পশিং আমসুং ত্রাইবেলগী মফমশিংদা সিকল সেল এনেমিয়াগীদমক ইনস্পেক্সন কেম্পশিং পাঙথোকখিবা অদু পাউদমখি। প্রধান মন্ত্রী মোদীনা হায়খি মদুদি পঞ্চায়ত কয়ানা হান্নদগী VBSY লাক্ত্রিঙৈ মমাংদগী সেচুরেসন ফংবা ঙমখ্রে অমসুং কোনশিনহৌদবা মীওইশিংগী মতাংদা মখা তানা ই-পাউ পীরক্লি। মহাক্না হায় মদুদি বেনিফিসরীশিংবু খুদক্তা উজ্জ্বলা অমসুং আয়ুশ্মান কার্দশিংগুম্বা স্কিম কয়াগী লিঙ্ক তৌশিল্লি অমসুং হাব মদুদি বেনিফিসরী 40,000 হেনবদা অহানবা তাঙ্কক্কী ওইনা উজ্জ্বলা গ্যাস কন্নেক্সনশিং পীখ্রে। মহাক্না নহারোলদা মাই ভারত ভোল্যুন্তীয়র্সতা রেজিস্তর তৌনবা অমসুং মাই ভারত কেম্পন য়াওশিন্নবা হায়খ্রে।

VBSY হৌখিবগী মতাংদা পল্লদুনা হায় মদুদি মসি ‘বিক্ষিৎ ভারত’কী অমৃত য়ুম্বী মরিদা য়ুম্ফম ওই হায়রদুনা প্রধান মন্ত্রীনা ভারতকী নারী শক্তি, য়ুবা শক্তি, লৌমীশিং অমসুং ভারতকী লায়রবা ইমুং মনুংশিংবু নীংশিংখি অমসুং হায়খি মদুদি মখোয় মরি অসিনা খুমাং চাউশিল্লবা মতমদা ভারত অসি চাউখৎপা লৈবাক অমা ওইবা ঙমগনি। শ্রী মোদীনা হায়খি মদুদি সরকারনা হীংবগী থাক ফগৎহন্নবা অমসুং লায়রবা ইমুং মনুংশিংদগী লায়রবা মুথৎনবা, নহারোলদা থবক পীনবা অমসুং ইশানা ইশাদা থবক পীজনবা খুদোংচাবশিং ফংহন্নবা, ভারতকী নুপীশিং শক্তি পীনবা মখোয়গী সমস্যাশিং কোকহন্দুনা অমসুং ভারতকী লৌমীশিংগী ইনকম অমসুং তৌবা ঙম্বশিং হেনগৎহন্দুনা সরকারনা খোঙথাংশিং পাইখৎলি। লায়রবা, নুপীশিং, লৌমীশিং অমসুং নহারোলগী সমস্যাশিং মপুং ফানা কোকহনদ্রিবা ফাওবা ঐহাক্না পোত্থদুনা লৈথোক্লোই” হায়না পি.এম. মোদীনা ফোঙদোকখি।

প্রধান মন্ত্রী মোদীনা লৌউ-শিংউদা দ্রোনশিং শীজিন্দুনা নুপীশিংদা শক্তি পীবা অমসুং লায়রবা ইমুংশিংদা অহোংবা মমলশিংদা হীদাক-লাংথকশিং ফংহনবা হায়রিবশিং অসিগা মরী লৈনবা অতোপ্পা দিবেলপমেন্ত অনিগী মরমদসু পনখি। পি.এম. মহিলা কিসান দ্রোন কেন্দ্রশিং হৌদোকপগী মতাংদা ৱা ঙাংলদুনা প্রধান মন্ত্রীনা মহাক্কী নীংতম নুমিৎকী ৱারোলদা দ্রোন দীদী লাউথোকখিবা অদু নীংশিংখি অমসুং হায়খি মদুদি লাক্কদৌরিবা মতম খরা অসিদা দ্রোন পাইলোৎশিংগী ত্রেনিং তৌবগা লোয়ননা সেল্ফ-হেল্প গ্রুপ 15,000দা দ্রোনশিং ফংহল্লগনি। মহাক্না হায়খি মদুদি সেল্ফ-হেল্প গ্রুপশিংগী খুত্থাংদা নুপীশিংবু মরোমদোম লেপচবা ঙমহন্নবা হৌজিক চত্থরিবা কেম্পেন অসি দ্রোন দীদীনা মপাঙ্গল কনখৎহল্লগনি অমসুং অহেনবা শেন্থোক লৈনবা পাম্বৈ পীরগনি। “মসিগা লোয়ননা লৈবাক্কী লৌমীশিংনা য়াম্না তাবা মমলদা দ্রোনশিংগুম্বা মোদর্ন তেক্নোলোজী মখোয়গী মখুৎনা পাইবা ফংলগনি মসিনা মতম, হীদাক-লাংথক অমসুং হারশিং সেব তৌবা ঙম্লগনি”।

10,000শুবা জন ঔশাধি কেন্দ্র শঙ্গাবদা শ্রী মোদীনা হায়খি মদুদি মসিনা লায়রবা অমসুং মিদ্দল ক্লাসশিংগীদমক অহোংবা  মমলশিংদা হীদাক-লাংথক লৈনবগী কেন্দ্র অমা ওইরি। “জন ঔশাধি কেন্দ্রশিং অসি হৌজিক ‘মোদীগী মেদিসিন শোপ’ হায়না খঙনরে হায়না প্রধান মন্ত্রীনা মখা তাখি অমসুং প্রজাশিংবু মখোয়গী মীনুংশিগীদমক থাগৎপা ফোঙদোকখি। মহাক্না হায় মদুদি অসিগুম্বা কেন্দ্রশিংদা হীদাক মখল 2000 রোম চাদা 80দগী 90 তাদুনা ফংহল্লি। মহাক্না জন ঔশাধি কেন্দ্রশিংগী মশিং 10,000দগী 25,000দা হেনগৎহন্নবা প্রোগ্রাম হৌদোকখিবগীদমক প্রজাশিংদা মরু ওইনা নুপীশিংদা নুংঙাইবা ফোঙদোকখি। মহাক্না পি.এম. গরীব কল্যান অন্ন য়োজনা অসিসু চহি 5গা শাংদোকখিবদা নুংঙাইবা ফোঙদোকখি। “মোদীগী গরেন্তী হায়বদি নীংবা থুংহনবগী গরেন্তী হায়বনি” হায়না মহাক্না মখা তাখি।

ৱারোল পীবা লোইশিনবদা প্রধান মন্ত্রীনা অপুনবা সরকারগী মেছিনরী অমসুং সরকারগী কর্মচারীশিংনা অপুনবা কেম্পেন অসি পাইখৎপগী মরু ওইবা অদু থমখি। মহাক্না চহি খরগী মমাংদা মাইপাকপা ঙমখিবা গ্রাম স্বারাজ অভিয়ান নীংশিংখি অমসুং হায়খি মদুদি কেম্পেন অসি বেনিফিসরীশিংদা স্কিম তরেৎ য়ৌহন্দুনা লৈবাক্কী খুঙ্গং লিশিং 60দা তাঙ্কক অনি থোক্না চত্থখি। “এস্পিরেস্নেল দিস্ত্রিক্তশিংদা লৈরিবা খুঙ্গং লিশিং কয়া মসিদা য়াওহনখি” হায়না মহাক্না মখা তাখি। মহাক্না লৈবাক অমদি খুন্নাইগী শেবা তৌনবা কেম্পেন অসিদা য়াওরিবা সরকারগী মীহুৎশিংগী খোঙথাংশিং থাগৎখি। “পুকচেল শেংনা খোঙফম চেৎনা লেপ্পীয়ু, খুঙ্গং খুদিংমক য়ৌশিনবীয়ু। বিক্ষিৎ ভারত সঙ্কল্প য়াত্রা অসি সবকা প্রয়াস খক্তা মপুং ফাহনবা ঙমগনি” হায়না ফোঙদোক্লদুনা শ্রী মোদীনা ৱা ঙাংবা লোইশিনখি।

বেনিফিসরীশিং অমসুং অতোপ্পা স্তেকহোল্দরশিংনা তোঙান-তোঙানবা মফমশিংদা কন্নেক্ত তৌরকপগা লোয়ননা লৌউ-শিংউগী কেন্দ্র মন্ত্রী, শ্রী নরেন্দ্র সিংহ তোমরনা ভর্চুএল ওইনা শরুক য়াখি।

বেকগ্রাউন্দ

বিক্ষিৎ ভারত সঙ্কল্প য়াত্রা অসিদি সরকারগী স্কিম খুদিংগী কান্নবশিংবু পান্দম ওইরিবা বেনিফিশরীশিংগী মফমদা অকক্নবা মতমগী মনুংদা শোইদনা য়ৌহন্নবা হোৎনদুনা সরকারগী গ্লেগশিপ স্কিম খুদিংবু চাদা চাম্মা সেচ্যুরেসন তৌহন্নবগীদমক্তা লৈবাক শিনবা থুংনা পায়খৎপা খোঙথাং অমনি।

নুপীশিংনা লমজিংদুনা চাউখৎ থৌরাং পুরকহন্নবা প্রধান মন্ত্রীনা লেপ্তনা হোৎনদুনা লাক্লি। মাইকৈ অসিদা থাংজিনবা অতোপ্পা খোঙথাং অমা ওইনা, প্রধান মন্ত্রীনা প্রধান মন্ত্রী মহিলা কিসান দ্রোন কেন্দ্র হৌদোকখ্রে। মসিনা নুপী সেল্ফ হেল্প গ্রুপ (SHG)শিংদা দ্রোন পীদুনা তেক্নোলোজী অসিনা মখোয়গী নোংমগী পুন্সি মহিং তানবদা তেংবাংহনগনি। মথংগী চহি অহুমগী মনুংদা, নুপী সেল্ফ হেল্প গ্রুপ (SHG)শিংদা দ্রোন 15,000 পীগনি। দ্রোনশিংবু করম্না পায়গনি অমসুং শিজিন্নগনি হায়বগী মতাংদা নুপীশিং অসিদা তঙাই ফদবা ত্রেনিংসু পীগনি। খোঙথাং অসিনা লৌউ-শিংউবদা দ্রোন শিজিন্নবগী থৌওংবু পুক্নিং থৌগৎকনি।

হেল্থকেয়রগী মমল হোংথহন্দুনা মীপুম খুদিংদা লাইনা য়ৌহন্নবা হোৎনবসিনা প্রধান মন্ত্রীগী হকশেল ফবা ভারত অমগী মঙলানগী মরু ওইবা য়ুম্বী ওইদুনা লাক্লি। মাইকৈ অসিদা পায়খৎপা মরু ওইবা খোঙথাং অমদি হিদাক-লাংথকশিংবু অহোঙবা মমলদা ফংহন্নবগীদমক্তা জন ঔশধী কেন্দ্র লিংখৎখিবনা ওইরি। প্রধান মন্ত্রীনা থৌরম অসিগী মনুংদা 10,000শুবা জন ঔশধী কেন্দ্র অসিবু দেওঘরগী এমসতা লৈবাক মীয়ামদা খুৎশিন্নখ্রে। মখা তারকপদা, প্রধান মন্ত্রীনা লৈবাক্কী জন ঔশধী কেন্দ্র মশিংবু 10,000দগী 25,000দা হেনগৎহন্নবা প্রোগ্রাম অমসু হৌদোকখ্রে।

Viksit Bharat Sankalp Yatra aims to achieve saturation of government schemes and ensure benefits reach citizens across the country.
https://t.co/fqgyl5uXJJ

— Narendra Modi (@narendramodi) November 30, 2023

हर जगह विकसित भारत संकल्प यात्रा में शामिल होने के लिए लोग उमड़ रहे हैं। pic.twitter.com/DeIwym7noW

— PMO India (@PMOIndia) November 30, 2023

भारत अब, न रुकने वाला है और न थकने वाला है। pic.twitter.com/QQarG9jvAD

— PMO India (@PMOIndia) November 30, 2023

Viksit Bharat Sankalp Yatra aims to extend government schemes and services to those who have been left out till now. pic.twitter.com/ZPxsn8lDz9

— PMO India (@PMOIndia) November 30, 2023

विकसित भारत का संकल्प- 4 अमृत स्तंभों पर टिका है।

ये अमृत स्तंभ हैं – हमारी नारीशक्ति, हमारी युवा शक्ति, हमारे किसान और हमारे गरीब परिवार। pic.twitter.com/4fUJq5UBSk

— PMO India (@PMOIndia) November 30, 2023

*****