প্রধানমন্ত্রীগী লোইশঙ
নুপীশিংনা বিক্ষিৎ ভারত সঙ্কল্প য়াত্রাগী মরু ওইবা মপাং ওইরি
পি.এম.না আন্ধ্র প্রদেশতগী SHG মেম্বর অমসুং ত্রেন তৌরবা দ্রোন পাইলোৎকা ৱারী শাখ্রে
Posted On:
30 NOV 2023 1:26PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা বিক্ষিৎ ভারত সঙ্কল্প য়াত্রাগী বেনিফিসরীশিংগা ৱারী শাখ্রে। মহাক্না প্রধান মন্ত্রী মহিলা কিসান দ্রোন কেন্দ্রসু হাংদোকখি। থৌরম অসিদা প্রধান মন্ত্রীনা দেবগরগী AIIMSতা 10,000শুবা জন ঔশাধি কেন্দ্র খুৎশিন্নখি। মখা তানা শ্রী মোদীনা লৈবাক অসি জন ঔশাধি কেন্দ্রশিংগী মশিং 10,000দগী 25,000দা হেনগৎহন্নবা প্রোগ্রামসু হৌদোকখি। প্রধান মন্ত্রীনা চহি অসিগী অঙনবদা মহাক্কী নীংতম নুমিৎকী ৱারোল পীবদা নুপী SHGশিংদা দ্রোনশিং পীনবা অমসুং জন ঔশাধি কেন্দ্রশিংগী মশিং 10,000দগী 25,000দা হেনগৎহন্নবা, থৌশিল অনিমক লাউথোকখি। থৌরম অসিনা ৱাশকশিং অদু থুংহল্লি।
আন্ধ্র প্রদেশকী প্রকাসম জিলাদগী সেল্ফ-হেল্প গ্রুপ অমগী মেম্বর ওইরিবা কোমলাপতি বেঙ্কতা রবনাম্মানা লৌউ-শিংউগী কান্ননবা দ্রোনশিং পাইবা তমখিবগী মহাক্কী এক্সপরিয়েন্স পাউদমখি। মহাক্না প্রধান মন্ত্রীদা দ্রোন পাইবগী ত্রেনিং তৌবদা নুমিৎ 12নি চংখি হায়না পাউদমখি।
খুঙ্গংশিংদা লৌউ-শিংউগীদমক দ্রোনশিং শীজিন্নবগী কান্নবগী মতাংদা প্রধান মন্ত্রীনা হংখিবদা মহাক্না হায়খি মদুদি মসিনা মতম মাংহনদনা ঈশিংগী সমস্যা কোকহনবদা মতেং পাংখি। প্রধান মন্ত্রীনা হায়খি মদুদি শ্রীমতি বেঙ্কতাগুম্বা নুপী অসি ভারতকী নারী শক্তিদা চীংনবা পোকখিবা মীওইশিংগীদমক খুদম অমা ওইরি। মহাক্না হায়খি লৌউ-শিংউদা দ্রোনশিং শীজিন্নবা অসিনা তুংলমচৎতা নারী শক্তিগী খুদম অমা ওইহৌরগনি। মহাক্না বিক্ষিৎ ভারত সঙ্কল্প য়াত্রাদা নুপীশিংনা শরুক য়াবগী মরুওইবা অদুসু থমখি।
*****
(Release ID: 1981111)
Visitor Counter : 100
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam