وزیراعظم کا دفتر

وکست بھارت سنکلپ یاترا میں خواتین کلیدی حصہ دار ہیں


وزیر اعظم نے آندھرا پردیش کے ایس ایچ جی رکن اور تربیت یافتہ ڈرون پائلٹ سے بات چیت کی

Posted On: 30 NOV 2023 1:26PM by PIB Delhi

وزیر اعظم جناب نریندر مودی نے آج ویڈیو کانفرنسنگ کے ذریعے وکست بھارت سنکلپ یاترا کے مستفدین سے بات چیت کی۔ انہوں نے پردھان منتری مہیلا کسان ڈرون کیندر  کا  بھی آغاز کیا۔ پروگرام کے دوران، وزیر اعظم نے دیوگھر میں واقع ایمس میں تاریخی 10,000 ویں جن آشدی کیندر کو وقف کیا۔ مزید برآں، جناب مودی نے ملک میں جن اوشدھی کیندروں کی تعداد 10,000 سے بڑھا کر 25,000 کرنے کا  ایک پروگرام بھی شروع کیا۔ وزیر اعظم نے اس سال کے شروع میں یوم آزادی کی تقریر کے دوران خواتین کے ایس ایچ جیز کو ڈرون فراہم کرنے اور جن اوشدھی کیندروں کی تعداد کو 10,000 سے بڑھا کر 25,000 کرنے کے لیے ان دونوں اقدامات کا اعلان کیا۔ یہ پروگرام ان وعدوں کی تکمیل کی نشان دہی کرتا ہے۔

آندھرا پردیش کے پرکاسم ضلع سے ایک سیلف ہیلپ گروپ کی رکن کوملا پتی وینکٹا راونما نے زرعی مقاصد کے لیے ڈرون اڑانا سیکھنے کا اپنا تجربہ مشترک کیا۔ انہوں نے وزیراعظم کو بتایا کہ انہیں ڈرون اڑانے کی تربیت مکمل کرنے میں 12 دن لگے۔

گاؤں  میں زراعت کے لیے ڈرون کے استعمال کے اثرات کے بارے میں وزیر اعظم کی جانب سے  معلوم کرنے  پر، انہوں نے بتایا کہ یہ پانی کے مسائل سے نمٹنے میں مدد کرتا ہے اور وقت کی بچت بھی کرتا ہے۔ وزیر اعظم نے اس بات پر  زور دے کر کہا کہ محترمہ  وینکٹا جیسی خواتین ان لوگوں کے لیے ایک مثال ہیں جو ہندوستان کی خواتین کی طاقت پر شک کرتے ہیں۔ انہوں نے کہا کہ زراعت میں ڈرون کا استعمال مستقبل قریب میں خواتین کو بااختیار بنانے کی علامت بن کر ابھرے گا۔ انہوں نے وکست بھارت سنکلپ یاترا میں خواتین کی شرکت کی اہمیت پر بھی زور دیا۔

 

ش ج۔ ح ا ۔ ج

UN0-1590



(Release ID: 1981074) Visitor Counter : 80


Read this release in: English , Marathi , Hindi , Manipuri , Bengali , Assamese , Punjabi , Gujarati , Odia , Tamil , Telugu , Kannada , Malayalam