آج ایمیچیور ریڈیو کی دنیا میں ایک اہم لمحہ  ہے کیونکہ مواصلات کے مرکزی وزیر مملکت جناب دیوسن چوہان نے گجرات کے احمد آباد شہر میں  وگیان بھون، سائنس سٹی میں ہیم فیسٹ انڈیا 2023  کا افتتاح کیا۔ یہ دو روزہ قومی کنونشن 25 نومبر 2023 کو شروع ہوا تھا اور ایک ہزار سے زیادہ ہیم نے ہیم فیسٹ انڈیا 2023 میں شرکت کی۔

مواصلات کے مرکزی وزیر  مملکت نے اس موقع پر ایک اجتماع سے اپنے خطاب کے دوران کہا کہ جب تمام مواصلات ناکام ہو جائیں تو ہیمس ہمیشہ مدد کے لیے تیار رہتے ہیں۔ انہوں نے یہ بھی کہا کہ عزت مآب وزیر اعظم اور کابینہ کے وزیر جناب اشونی وشنو جی کی رہنمائی میں وزارت کے اندر ڈبلیو پی سی  ونگ نے ہیم ریڈیو کے امتحان اور سرٹیفیکیشن، ضوابط اور عمل کے میدان میں اہم اصلاحات کی ہیں۔ سرل سنچار پورٹل کے نفاذ کو فوری طور پر جاری ہونے والے لائسنسوں کے ساتھ کافی پذیرائی ملی ہے۔

وزیر موصوف نے یہ کہتے ہوئے اپنے وژن کا اظہار کیا کہ میں اس بات پر یقین رکھتا ہوں کہ ہر گاؤں میں ایک ہیم ہونا چاہئے جیسے دیگر کچھ ملکوں   میں ہے جہاں ایک لاکھ سے زیادہ ہیمس ہیں۔ ہیم کی  ہندستان کے ہر گاؤں  میں رسائی ہونی چاہئے۔

انہوں نے معاشرے کے مفاد میں اس کے بڑے پیمانے پر استعمال کے لئے وکالت کی اور ہنگامی صورتحال میں  ہیم  کی ٹکنالوجی کے کلیدی  رول پر اہم زور دیا۔ وزیر موصوف نے اس بات کی اپیل کہ ہیم کو  پرائمری اور سکنڈ ری اسکولوں میں ضم کیا جانا چاہے تاکہ ملک بھر میں  بڑے  پیمانے پر  اسے اپنانے اورآفات سے نمٹنے میں مدد کو یقینی  بنایا جا سکے۔ انہوں نے ہیم ٹیم کی کوششوں کی تعریف کرتے ہوئے اپنی بات ختم کی اور ان کے غیر معمولی کاموں کو جاری رکھنے کے لئے ان کی حوصلہ افزائی کی۔

ہیم فیسٹ انڈیا 2023 شوقیہ ریڈیو آپریٹرز کی ایک متنوع کمیونٹی کو اکٹھا کرتا ہے، جو جدید ترین اختراعات، مواصلاتی تکنیکس  اور تکنیکی پیش رفت کو نمایاں کرتا ہے۔ 10 سے زیادہ تکنیکی ورکشاپس اور 5 اسٹالز کے ساتھ جو ڈیزائن اور اختراعات کو نمایاں کررہے ہیں ،یہ تقریب شائقین کے لیے دریافت کرنے اور مشغول ہونے کے لیے ایک جامع پلیٹ فارم پیش کرتا ہے۔ یہ تقریب نہ صرف ہیمس کو جڑنے کے لیے  نہ صرف ایک جگہ کو فروغ دیتا ہے بلکہ ایک تجارتی شو، فلی مارکیٹ، اور شوقیہ ریڈیو آپریٹرز کے مفادات کو پورا کرنے کے لیے تیار کردہ سرگرمیوں کی ایک صف کی میزبانی بھی کرتا ہے۔

ہیم فیسٹ انڈیا کی بنیادی جھلکیوں میں سے ایک ہیمس کے لیے آئی بال کیو ایس او (آمنے سے آمنے سامنے ملاقاتیں) میں مشغول ہونے کا موقع ہے جو باقاعدگی سے ریڈیو بات چیت کے دوران شاذ و نادر ہی ممکن ہے۔ یہ پروگرام شوقیہ ریڈیو کے تکنیکی، آپریشنل، اور قانونی پہلوؤں پر سیمیناروں کی تخلیص کرتا ہے، لائسنس کے امتحان کے  سیشنس کے ساتھ ساتھ تجارتی دکانداروں اور انفرادی ہیمس کے ذریعہ مختلف ریڈیو آلات کی نمائش اور فروخت کا بھی  خلاصہ کرتا ہے۔

تکنیکی مصروفیات کے علاوہ، ہیمس فیسٹ انڈیا 2023 ثقافتی پروگراموں اور فوٹو سیشنز کو مربوط کرتا ہے، جس سے شرکاء کے تجربے کو مزید تقویت ملتی ہے۔

تاریخ اور اہمیت

ہیم فیسٹ انڈیا2023  شوقیہ ریڈیو کے مسلسل جذبے اور ارتقاء کے لئے ایک علامت کے طور پر قائم ہے۔  پرجوش لوگوں کو متحد کرنے، اختراع کو فروغ دینے، اور میدان میں ہونے والی پیش رفت کا جشن منانے کے لیے بھی  ایک علامت  کے طور پر کھڑا ہے۔ ایک جگہ پر ہندوستانی ہیمس کے سب سے بڑے اجتماع کے طور پر، یہ تقریب ہندوستان میں شوقیہ ریڈیو آپریٹرز کی متحرک اور خوشحال کمیونٹی کی نشاندہی کرتی ہے۔

ہیم فیسٹ انڈیا ہندوستان میں امیچور ریڈیو کی تاریخ میں ایک اہم مقام رکھتا ہے، جو 1991 میں اپنے آغاز سے شروع ہوا ہے۔ یہ پروگرام شوقیہ ریڈیو  شائقین کو متحد کرنے، نیٹ ورکنگ، علم کے اشتراک، اور تازہ ترین پیشرفتوں پر اپ ڈیٹ رہنے کے لیے ایک پلیٹ فارم فراہم کرنے کا  اہم میدان  رہا ہے۔

ہندوستان میں شوقیہ ریڈیو کا سفر 1920 کی دہائی کا ہے جب سگنل کور کے افسران نے اس دلکش شوق کی داغ بیل ڈالی۔ امریندر چندر گوپٹو اور مکل بوس ہندوستان میں شوقیہ ریڈیو آپریشنز کے علمبرداروں میں سے تھے، اور اس کے بعد سے آزادی کی جدوجہد کے دوران سمیت کمیونٹی نے کبھی کبھار رکاوٹوں کے باوجود مسلسل ترقی کی ہے۔

آزادی کے بعد، 1948 میں امیچور ریڈیو کلب آف انڈیا کے قیام نے ہندوستان کے شوقیہ ریڈیو بیانیہ میں ایک نئے باب کا آغاز کیا۔ کئی دہائیوں کے دوران، ہیم فیسٹ انڈیا نے اختراع، کمیونٹی کی تعمیر، اور خدمت کو فروغ دینے میں اہم کردار ادا کیا ہے۔

شوقیہ ریڈیو (ہیم ریڈیو) کے بارے میں

شوقیہ ریڈیو ایک مقبول مشغلہ ہے جس میں غیر تجارتی مقاصد کے لیے ریڈیو فریکوئنسی اسپیکٹرم کا استعمال شامل ہے۔ ہیم ریڈیو آپریٹرز متعین ریڈیو فریکوئنسیوں کا استعمال کرتے ہوئے بات چیت کرتے ہیں، متنوع سرگرمیوں جیسے مقابلوں، ہنگامی کمیونیکیشن سپورٹ، تجربہ، تکنیکی تعلیم، اور کمیونٹی کی مصروفیت میں مشغول ہوتے ہیں۔

یہ شوق جدت اور خدمت پر زور دیتے ہوئے ریڈیو لہروں کے ذریعے تکنیکی تعلیم، کمیونٹی کی مصروفیت اور عالمی رابطے کا ایک انوکھا امتزاج پیش کرتا ہے۔

*****

ش ج۔ ح ا ۔ ج

UN0-1587

(Release ID: 1981069) Visitor Counter : 43