ہندوستان توانائی کا دنیا کا تیسرا سب سے بڑا صارف ہے، جس میں سالانہ بجلی کی طلب میں تقریباً 4.7 فیصد اضافہ ہوتا ہے۔ قابل ذکر بات یہ ہے کہ ملک میں گزشتہ سال کی اسی مدت کے مقابلے میں اپریل سے اکتوبر 2023 تک بجلی کی پیداوار میں 8.18 فیصد کا نمایاں اضافہ دیکھنے میں آیا۔ کوئلے پر مبنی بجلی کی پیداوار میں اپریل سے اکتوبر  2023کے دوران پچھلے سال کی اسی مدت کے مقابلے میں 11.16 فیصد اضافہ دیکھا گیا۔ جو کہ درجہ حرارت میں غیر معمولی اضافے، ملک کے شمالی علاقے میں مانسون میں تاخیر اور کووڈ کے بعد مکمل تجارتی سرگرمیوں کے دوبارہ شروع ہونے کی وجہ سے ہے۔

اکتوبر 2023 تک کوئلے پر مبنی گھریلو بجلی کی پیداوار 686.7 بلین یونٹس (بی یو) تک پہنچ گئی، جو گزشتہ سال کی اسی مدت میں پیدا ہونے والے 630.7 بلین یونٹس (بی یو) سے 8.88 فیصد اضافے کی عکاسی کرتی ہے۔

بڑھتی ہوئی بجلی کی طلب کے باوجود، بلینڈنگ کے لیے کوئلے کی درآمد میں اکتوبر 2023 تک 46.57 فیصد کی کمی واقع ہو کر 13.57 (ایم ٹی) ہو گئی ہے جو پچھلے سال کی اسی مدت میں 25.4 ایم ٹی  تھی، جو کوئلے کی پیداوار میں خود انحصاری کے لیے قوم کے عزم اور کوئلے کی مجموعی درآمدات میں کمی  کوظاہر کرتی ہے۔

حکومت کوئلے کی پیداوار کو مزید بڑھانے کے لیے اپنی کوششوں کو جاری رکھے ہوئے ہے، جس کا مقصد دستیابی کو بڑھانا اور درآمدی کوئلے پر انحصار کم کرنا ہے، اس طرح غیر ملکی ذخائر کی حفاظت کرنا ہے۔

۔۔۔۔۔۔۔۔۔۔۔

ش ح۔ ا ک ۔ن ا۔

U- 1558