প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা সেন্ত্রেল্লী স্পোন্সর্দ স্কীম (সি.এস.এস.) অমা ওইরিবা ফাস্ত ত্রেক স্পিসিএল কোর্ত (এফ.তি.এস.সি.) মখা তানা, ০১.০৪.২০২৩ দগী ৩১.০৩.২০২৬ ফাওবা লুপা করোর ১৯৫২.২৩গী (কেন্দ্রগী চাকথুং লুপা করোর ১২০৭.২৪ অমদি স্তেতশিংগী চাকথুং লুপা করোর ৭৪৪.৯৯) চঙনা শাংথবদা অয়াবা পীখ্রে‍। কেন্দ্রগী শরুক অসি নির্ভায়া ফন্দগী শীজিন্নগনি‍। স্কীম অসি ০২.১০.২০১৯দা হৌদোকখিবনি‍।

নুপী অমদি অঙাংশিংবু শাফনা থম্নবা অমদি ঙাকথোক্নবগী লমদা লৈঙাক্না মরুওইবা মীৎয়েঙ থমদুনা লেপ্লিবা খোঙফম অসি, ‘বেতী বচাও বেতী পরাও’ প্রোগ্রাম্নচিংবা তোঙান তোঙানবা থৌরাংশিংদগী খঙবা ঙম্মি‍। নুপীমচা অমদি নুপীশিংগী ইকায়খুম্নবা মাঙহনবগী থৌদোকশিংনা লৈবাকসিদা চাউনা শাফু পীরি‍। অসিগুম্বা থৌদোকশিং থোকপগী চাং অমদি ৱায়েল চত্থবদা মতম শাংনা চঙবনা ৱায়েল থুনা চত্থবা অমদি সেক্সুএল ওফেন্সকী ভিক্তিমশিংদা খুদক্তা মতেঙ পীবা ঙম্বা কত্থোক্লবা কোর্ত সিস্তেম অমা লিংখৎপগী মথৌ তাহল্লি‍। মসিগী মতুং ইন্না, কেন্দ্র লৈঙাক্না রেপ চত্থবা মীওইশিংদা শিবগী চৈরাক য়াওনা অকনবা চৈরাক পীবা, ফাস্ত ত্রেক স্পিসিএল কোর্ত (এফ.তি.এস.সি.) লিংখৎপগী ৱাফম য়াওবা “দি ক্রিমিনেল লো (এমেন্দমেন্ত) এক্ত, ২০১৮” চৎনহনখি‍।

কত্থোক্লবা ৱায়েলশঙ ওইনা শেম শারিবা এফ.তি.এস.সি.শিং অসি অচুম্বা ৱায়েল থুনা ফংহনবা, ভিক্তিমশিংদা থুনা মতেঙ ফংহনবগা লোয়ননা সেক্সুএল ওফেন্দরশিং মতুং তৌনিংহন্দনবগী ফ্রেমৱর্ক মপাঙ্গল কনখৎহনগনি হায়না থাজবা থম্লি‍।

ভারত লৈঙাক্না ওগস্ত ২০১৯দা রেপ অমদি প্রোতেক্সন ওফ চিলদ্রেন ফ্রোম সেক্সুএল ওফেন্সেস এক্ত (পোক্সো এক্ত)কা মরী লৈনবা কেসশিং মতম চানা লোইশিন্নবগীদমক এফ.তি.এস.সি.শিং লিংখৎননবা সেন্ত্রেল্লী স্পোন্সর্দ স্কীম অমা শেমখি‍। সু মোতো রিত পেতিসন (ক্রিমিনেল) নম্বর ১/২০১৯ দেতেদ ২৫.০৭.২০১৯দা ইকায়খুম্নরবা ভারতকী সুপ্রিম কোর্তনা তাখিবা য়াথংগী মতুং ইন্না, স্কীম অসিনা পোক্স এক্তকী কেস ১০০গী মথক্তা লৈবা দিস্ত্রিক্তশিংদা অখন্নবা পোক্সো কোর্তশিং লিংখৎনবা ৱাফম থম্লি‍। হৌরকপদা চহি অমগী ওইনা ওক্তোবর ২০১৯দা হৌদোকখিবা স্কীম অসি ৩১.০৩.২০২৩ ফাওবা চহি অনি শাংদোকখি‍। হৌজিক্তি, মসি ৩১.০৩.২০২৬ ফাওবা, নির্ভায়া ফন্দদগী কেন্দ্রগী শরুক পুথোক্তুনা লুপা করোর ১৯৫২.২৩গী শেনফমগা লোয়ননা মখা তানা শাংদোক্লে‍।

লো অমসুং জস্তিস মন্ত্রালয়গী দিপার্তমেন্ত ওফ জস্তিসনা পায়খৎলিবা এফ.তি.এস.সি.শিংগী সেন্ত্রেল্লী স্পোন্সর্দ স্কীম অসিনা লৈবাক শিনবা থউংনা এফ.তি.এস.সি.শিং লিংখৎনবগীদমক স্তেত লৈঙাক্কী রিসোর্সশিংগী ফীভম ফগৎহন্দুনা, রেপ অমদি পোক্সো এক্তকা মরী লৈনবা কেসশিং থুনা লোইশিনহল্লি‍।

স্তেত/য়ুনিয়ন তারিতরী কুন্থ্রানা স্কীম অসিদা শরুক য়াদুনা, অখন্নবা পোক্সো কোর্ত ৪১৪ য়াওনা এফ.তি.এস.সি. ৭৬১ মথৌ তৌহন্দুনা কেস ১,৯৫,০০০ হেনবগী ৱারোইশিন পুরকখ্র‍ে‍। হায়রিবা কোর্তশিং অসিনা স্তেত/য়ু.তি. লৈঙাকশিংদা মনুং হঞ্জিনবা অমদি কাচিন কোয়াদা লৈবা মফমশিংদা ফাওবা সেক্সুএল ওফেন্সকী ভিক্তিমশিংদা মতম চানা অচুম্বা ৱায়েল ফংহনবদা মতেঙ পাংলি‍।

স্কীম অসিনা পুরক্কনি হায়না পানরিবা মহৈশিংদি:

• সেক্সুএল অমদি জেন্দর-বেজ ভাইওলেন্স লোইশিন্নবা লৈবাক্কী খোঙফমগী মমি উহনবা‍।
• রেপ অমদি পোক্সো এক্তকী পন্দুনা লৈরিবা কেসশিং মশক থোক্না হন্থহন্দুনা ৱায়েল পথাপ্তা লৈরিবা পোৎলুম হন্থহনবা‍।
• ফীভম ফগৎহল্লবা ফেসিলিতীশিং অমদি ৱায়েল খোঙজেল য়াঙখৎহন্দুনা সেক্সুএল ক্রাইমশিংগী ভিক্তিমশিংদা থুনা য়াঙনা অয়ুম্বা ৱায়েল ফংহনবা‍।
• কেসগী পোৎলুম শিন লাংবা ঙমগদবা চাংদা হন্থহনবা‍।

*****