وزارت اطلاعات ونشریات
‘خواتین اور رکاوٹیں’ کے موضوع پر اداکارہ ودیابالن کے ساتھ بات چیت کا سیشن
خواتین اب ہماری زندگی میں اہم کردار ادا کررہی ہیں، انہیں اب مردوں کے ساتھ ان کے رشتے سے نہیں جوڑا جاتا ہے:قومی ایوارڈیافتہ اداکارہ ودیا بالن
Posted On:
27 NOV 2023 8:42PM by PIB Delhi
اداکارہ ودیابالن نے کہا کہ ماضی میں بھارتی فلم صنعت میں خواتین اداکاراؤں کے ذریعے نبھائے گئے تمام غیر معمولی کردار اور ان کی ذیادہ سے زیادہ خواہش نے ہمیں اس مقام پر پہنچانے کے لیے راغب کیا جہاں اب ہم فلموں میں خواتین پر مرکوز کہانیاں سنارہے ہیں۔وہ گوا میں جاری 54ویں بین الاقوامی فلم فیسٹول (آئی ایف ایف آئی)سے الگ ‘خواتین اور روکاٹیں’ کے موضوع پر منعقد سیشن میں خطاب کررہی تھیں۔
الگ الگ کردار نبھانے کی خواہش کا اظہار کرتے ہوئے قومی ایوارڈ یافتہ اداکارہ نے کہا کہ مستقل نئی کہانیوں اور کیریکٹرس کی تلاش کرنا بہت اہم ہے جو سامعین سے جڑسکے۔انہوں نے کہا کہ غیر روایتی کردار ان کرداروں کونبھاتے وقت خود میں بنے رہنا میرے لیے بہت اہم ہوتا ہے۔
ہرفلم میں ورسٹائل کردار نبھانے کی ترغیب سے متعلق ایک سوال کا جواب دیتے ہوئے اداکارہ نے کہا کہ غیرتصوراتی اداکاری کی خواہش اور بھارتی سنیما میں خواتین کے کرداروں کے تئیں دقیانوسی سوچ کوختم کرنے کی خواہش ان کے لیے ترغیب کا باعث رہی ہے۔انہوں نے کہا کہ میں اپنی ہرایک فلم میں آسان صورت حال(کمفرٹ زون) سے باہر نکلنے کا خیال پسند کرتی ہوں اور اس کے لیے بہت سخت محنت کی ضرورت ہوتی ہے، جس سے مجھے زیادہ سے زیادہ آزادی ملتی ہے۔
ہندوستانی سنیما میں خواتین کی تصویرکشی کی اہمیت پر روشنی ڈالتے ہوئے ودیا بالن نے کہا کہ ہم سبھی کو خواتین کے سلسلے میں ہمارے سماج میں موجود دقیانوسی سوچ کو ختم کرنے کی ضرورت ہے۔اداکارہ نے کہا کہ آج کی دنیا میں خواتین وقت سے بہت آگے ہیں۔
تین دہائیوں کے کیریر میں اداکارہ نے پرنیتا، بھول بھلیا، پا،کہانی، دی ڈرٹی پکچر،شکنتلادیوی، شیرنی اور جلسہ جیسی فلموں میں بڑی خوبصورتی کے ساتھ غیرروایتی اداکاری کی ہے۔ان کی فلموں نے بھارتی سنیما میں خواتین کے کرداروں کی تصویرکشی کو بدل کررکھ دیا ہے۔
******
ش ح ۔ ع ح ۔ج ا
U. No.1477
(Release ID: 1980292)
Visitor Counter : 86