মজাগাউ দোক সীপবিল্দর্স লিমিতেদ (MDL)দা শারিবা প্রোজেক্ত ১৫বি গাইদেদ মিসাইল স্তীল্থ দেস্ত্রোইয়র মরীগী মনুংদা অহুমশুবা ওইরিবা ক্রেস্ত ওফ য়ার্দ ১২৭০৬ (ইম্ফাল) নই দিল্লীদা নবেম্বর ২৮, ২০২৩দা মায়খুম হাংদোক্কদৌরি‍।

এপ্রিল ২০১৯দা (লোঞ্চ তৌখিবা মতমদা) ইম্ফাল হায়না মমিং থোনখিবা জহাজ অসি MDL না ইন্দিয়ন নেভীদা ওক্তোবর ২০, ২০২৩দা শিন্নরকখিবনি‍। মসিগী প্রি-কম্মিস্নিং ত্রাইএলগী মনুং চন্না, জহাজ অসিনা হন্দক্তা কুইদ্রিঙৈদা এক্সতেন্দেদ রেঞ্জ ব্রহ্মোস মিসাইল মায় পাক্না কাপ্তুনা – সহাজ অসিগী ক্রেস্ত মায়খুম হাংদোকপগী চপ চারবা পন্দোল অমা ওইহল্লে‍। থৌরম অসি ঙাকশেল মন্ত্রী, মনিপুরগী মুখ্য মন্ত্রী, অমদি ঙাকশেল মন্ত্রালয় অমসুং মনিপুর স্তেতকী মকোক থোংবা ওফিসিএলশিংনা শরুক য়াদুনা পাঙথোক্কনি‍।

মেরিতাইম চৎনবী অমদি নেভেলগী লীচৎ মতুং ইন্না, ইন্দিয়ন নেভেল জহাজ অমদি সবমেরিনশিং মমিং লৈবা ময়োল্লম, চীংশাং পরেং, তুরেল, হিথাংফম অমদি ঈথৎশিংগী মমিং লৌদুনা থোল্লি‍। ইন্দিয়ন নেভীনা মাগী খ্বায়দগী নৌবা অমদি তেক্নোলোজীগী লমদা খুমাঙ চাওশিল্লবা পুৱারীগা শাগোন্নবা ময়োল্লম ইম্ফালগী মমিং লৌদুনা থোল্লিবা ৱারসিপ অসিগীদমক চাউথোকচবা ফাওরি‍। মসি এপ্রিল ১৬, ২০১৯দা ভারতকী রাস্ত্রপতীনা অয়াবা পীদুনা ভারতকী অৱাং নোংপোক লমদমগী ময়োল্লম অমগী মমিং লৌদুনা মিংথোনবা অহানবা কেপিতেল ৱারসিপ অমসু ওইরি‍।

ইন্দিয়ন নেভীগী ৱারসিপ দিজাইন ব্যুরো (WDB) না দিজাইন তৌদুনা MDL না শাবা জহাজ অসিনা লমদমসিদা জহাজ শাবগী অথোইবা খুদম ওইরি অমদি মালেমগী ওইনা তেক্নোলোজীগী লমদা খ্বায়দগী খুমাঙ চাওশিল্লবা ৱারসিপশিংগী মরক্তা অমা ওইরি‍। জহাজ অসিনা MR SAM ব্রহ্মোস SSM, ইন্দিজিনস তোর্পিদো ত্যুব লোঞ্চর, এন্তি-সবমেরিন ইন্দিজিনস রোকেৎ লোঞ্চর, অমদি 76 mm SRGM য়াওনা চাউরাক্না ৭৫% মচাক লমদমসিগী ওইবগীদমক চাউথোকচরি‍।

ইম্ফাল শেম শাবা অমদি সমুদ্রগী চাংয়েং তৌবদা খ্বায়দগী মতম চঙদবা অহানবা লমদমসিদা শাজবা দেস্ত্রোইয়র ওইরি‍। জহাজ অসি দিসেম্বর ২৩দা ইন্দিয়ন নেভীদা কম্মিসন তৌনবা মতম লেপ্লে‍।

***