جان بچانے کے لیے اپنے اٹل عزم کو جاری رکھتے ہوئے، حکومت اترکاشی کی سلکیارا سرنگ میں جاری بچاؤ کارروائیوں میں سرگرم عمل ہے، جہاں 41 کارکن پھنسے ہوئے ہیں۔ سرنگ کا 2 کلومیٹر کا حصہ بچاؤ کی کوششوں کا مرکزی نقطہ ہے جس پر مزدوروں کی حفاظت کو یقینی بنانے کے لیے ٹھوس کام مکمل ہو چکا ہے۔

کارکنوں کے محفوظ انخلا کو یقینی بنانے کے لیے مختلف سرکاری ادارے ہر تفویض کردہ مخصوص کام پر انتھک محنت کر رہے ہیں۔ قومی اور بین الاقوامی ماہرین ریسکیو آپریشن پر مشورہ دینے کے لیے جائے وقوعہ پر موجود ہیں۔ حکومت پھنسے ہوئے لوگوں کے حوصلے بلند کرنے کے لیے ان سے مسلسل رابطے میں ہے۔

بچاؤ کارروائیوں پر اہم اپ ڈیٹس:

1. این ایچ آئی ڈی سی ایل لائف لائن کوششیں:

• سیکنڈ لائف لائن (150 ملی میٹر قطر) سروس کا استعمال کرتے ہوئے باقاعدہ وقفوں پر تازہ پکا ہوا کھانا اور تازہ پھل ٹنل کے اندر پہنچائے جا رہے ہیں۔
• اس لائف لائن میں پھلوں جیسے نارنگی، سیب، کیلا وغیرہ کے ساتھ ساتھ ادویات اور نمکیات کی بھی مناسب سپلائی وقفے وقفے سے کی گئی ہے۔ مستقبل کے اسٹاک کے لیے اضافی خشک خوراک بھی فراہم کی جا رہی ہے۔
• ایس ڈی آر ایف کی طرف سے تیار کردہ تار کنیکٹیویٹی کے ساتھ تبدیل شدہ مواصلاتی نظام کو مواصلات کے لیے باقاعدگی سے استعمال کیا جا رہا ہے۔ اندر موجود لوگوں نے بتایا ہے کہ وہ محفوظ ہیں۔

2. این ایچ آئی ڈی سی ایل کی طرف سے افقی بورنگ

• 22.11.2023 کو 0045 بجے شروع ہونے والی ڈرلنگ کو پائپ کے سامنے کسی دھاتی چیز (لیٹیس گرڈر رب) کے سامنے آنے کی وجہ سے روک دیا گیا تھا اور پائپ کو مزید نہیں ڈالا جا سکتا تھا۔ گیس کٹر کا استعمال کرتے ہوئے دھاتی آبجیکٹ (لیٹیس گرڈر رب) کی کٹائی مکمل ہو چکی ہے۔
• کنکریٹ کو تیزی سے سخت کرنے کے لیے ایکسلریٹنگ ایجنٹ کا استعمال کرتے ہوئے آگر مشین کے لیے پلیٹ فارم کی مضبوطی مکمل ہو گئی ہے۔
• آگر مشین کے پلیٹ فارم کو اینکرنگ، بولٹنگ، کنکریٹنگ فاؤنڈیشن وغیرہ کے ذریعے مضبوط کیا گیا ہے۔
• آگر کو دوبارہ جوڑنے کا کام مکمل ہو گیا اور 1430 بجے تک تمام آگر دوبارہ داخل کر دیے گئے۔
• 24.11.2023 کو 1625 بجے 10ویں پائپ (4.7 میٹر لمبائی) کی پشنگ شروع ہوئی اور 24.11.2023 کو 1750 بجے تک 2.2 میٹر لمبا پائپ ڈالا گیا جس کے نتیجے میں کل ڈالے گئے پائپ کی لمبائی 46.9 میٹر ہو گئی۔
• 10ویں پائپ کو دھکا دینے کے دوران مزید رکاوٹ دیکھی گئی اور پائپ کو دھکا دینا بند کرنا پڑا۔ اس کے بعد آگر کو پیچھے ہٹانے کا عمل شروع کیا گیا۔
• اس کے بعد گیس کٹنگ کے ذریعے چھوٹے ٹکڑوں میں آگر کو دستی طور پر کاٹنے اور اسے پائپ کے اندر سے نکالنے (800 ملی میٹر) کا کام شروع کیا گیا۔ اب تک، کل 46.9 میٹر میں سے 22.6 میٹر لمبا آگر نکالا جا چکا ہے اور یہ عمل جاری ہے۔
• حیدرآباد سے ڈی آر ڈی او کی ٹیم پلازما کٹر کے ساتھ موقع پر پہنچ گئی ہے۔ پلازما کٹر کے ساتھ آگر کی کٹنگ 26.11.2023 کو 0400 بجے شروع ہوئی، جسے سائٹ پر آپریشنل مشکلات کی وجہ سے روکنا پڑا اور 26.11.2023 کو 0710 بجے گیس کٹر کے ذریعے کٹنگ دوبارہ شروع ہوئی۔ خبر لکھنے تک 33.80 میٹر لمبا آگر ہٹا دیا گیا ہے۔

3. ایس جے وی این ایل کے ذریعے بچاؤ کے لیے عمودی ڈرلنگ:

• ڈرلنگ مشینیں جائے وقوعہ پر پہنچ گئیں۔
• ڈرلنگ مشین کی لانچنگ کا پلیٹ فارم مکمل ہو چکا ہے۔
• جی ایس آئی، آر وی این ایل اور او این جی سی کے ساتھ بات چیت کے بعد سرنگ کے اوپر ڈرلنگ پوائنٹ کی مارکنگ کو حتمی شکل دے دی گئی ہے۔
• مین مشین ڈرلنگ سائٹ پر پہنچ گئی ہے۔ مشین کی ڈرلنگ رگ کو ٹنل پورٹل سے ڈرلنگ سائٹ تک پہنچا دیا گیا ہے۔ 26.11.23 کو 1205 بجے ڈرلنگ شروع کی گئی تھی۔

4. ٹی ایچ ڈی سی کے ذریعہ بارکوٹ کی طرف سے افقی ڈرلنگ:

• ٹی ایچ ڈی سی نے بارکوٹ کے سرے سے ایک ریسکیو ٹنل کی تعمیر شروع کی ہے۔
• پانچواں دھماکہ 26.11.2023 کو 0225 بجے کیا گیا۔

5. آر وی این ایل کے ذریعے عمودی-افقی ڈرلنگ:

• مزدوروں کو بچانے کے لیے افقی ڈرلنگ کے لیے درکار مائیکرو ٹنلنگ کا سامان ناسک اور دہلی سے سائٹ پر پہنچ گیا ہے۔
• پلیٹ فارم بنانے  کا کام جاری ہے۔

6. سلکیارا سرے پر آر وی این ایل کے ذریعے عمودی ڈرلنگ (6 انچ):

• 1150 میٹر تک رسائی والی سڑک کو بی آر او نے مکمل کر کے آر وی این ایل کے حوالے کر دیا ہے۔ ڈرلنگ کے لیے مشین کو بی آر او کے ذریعے مقام پر لایا گیا۔
• عمودی ڈرلنگ کے لیے پلیٹ فارم مکمل ہو چکا ہے۔
• ڈرلنگ 26.11.2023 کو 0400 بجے شروع ہوئی اور 40 میٹر مکمل ہو گئی۔

7. او این جی سی کے ذریعہ بارکوٹ کی طرف سے عمودی ڈرلنگ

• او این جی سی ڈرلنگ ٹیم نے 20.11.2023 کو سائٹ کا دورہ کیا۔
• اندور سے ایئر ڈرلنگ رگ مشین سائٹ پر پہنچ گئی ہے۔
• فیلڈ سروے کی تکمیل کے بعد او این جی سی کے ذریعہ رپورٹ پیش کی جائے گی۔
• آگر بلیڈ اور شافٹ کو کاٹنے میں مدد کے لیے، او این جی سی نے میگنا کٹر مشین کا بندوبست کیا ہے۔ ٹیم مشینری کے ساتھ 26.11.2023 کو 1000 بجے سائٹ پر پہنچی۔

8. ٹی ایچ ڈی سی ایل/آرمی/کول انڈیا اور این ایچ آئی ڈی سی ایل کی مشترکہ ٹیم کے ذریعہ دستی-سیمی میکانائزڈ طریقہ سے ڈرفٹ ٹنل:

• ڈرفٹ ڈیزائن مکمل۔
• سائٹ پر سامان دستیاب۔
• 21.11.2023 کو آرمی ویلڈرز کے ذریعے فیبریکیشن شروع کی گئی۔
• 22 فریم تیار کیے گئے ہیں

9. بی آر او کی طرف سے سڑک کی کٹائی اور معاون کام:

• بی آر او نے ایس جے وی این ایل اور آر وی این ایل کے ذریعے عمودی ڈرلنگ کے لیے اپروچ روڈ کی تعمیر مکمل کر لی ہے۔
• بی آر او او این جی سی کے ذریعہ کیے گئے جیولوجیکل سروے کے ساتھ او این جی سی کے لیے اپروچ روڈ بھی بنا رہا ہے۔ 5000 میٹر میں سے اب تک 1050 میٹر اپروچ روڈ تعمیر ہو چکی ہے۔

*************

ش ح۔ ف ش ع- م ف

U: 1441